Na o ipshina ka dibidio le dipotšišo tša go thuša motho go nagana tšeo di lego ka kgatišong ya Thabela Bophelo go ya go Ile? Na o ipshina le ka karolo ya “Batho ba Bangwe ba re,” “Seo o ka se dirago,” le “Ithute ka mo go Oketšegilego”? Ke dikarolo dife tše dingwe tšeo di ka go thušago ge o swere thuto ya Beibele?—Mat 28:19, 20.

Dikgatišo le Dibidio: Ge e ba o kgetha go swara thuto ya Beibele o diriša kopi e phrinthilwego, o ka hwetša kae dibidio le dikgatišo gabonolo? Kgetha e tee ya dikarolo tše nne tša puku ye sedirišweng sa gago sa elektroniki. Mafelelong a karolo yeo o e kgethilego, o ka kgona go kgetha dikgatišo le dibidio tša karolo yeo. (Bona seswantšho 1.)

Kgetha “Printed Edition”: Ge e ba o ithuta le motho o diriša sedirišwa sa elektroniki, o ka thušwa ke go fela o diriša kgatišo ka “Printed Edition.” Ge o butše thuto yeo le e balago, kgotla di-dot tše tharo tšeo di lego kua godimo ka go le le tona ke moka o kgethe “Printed Edition.” Go e bula ka tsela ye go ka go thuša go bona kamoo seo le ithutago sona se tswalanago le sehlogo ka moka. Ge o nyaka go boela go digital edition, kgotla di-dot tšela tše tharo ke moka o kgethe “Digital Edition.”

“Na ke a Swanelega?”: Mapokisi a a hwetšwa kgauswi le mafelelong a puku. A hlalosa seo o swanetšego go se dira gore o swanelege go ya tšhemong le phuthego le go kolobetšwa. (Bona seswantšho 2.)

Ditlhaloso: Di re thuša go kwešiša gabotse dithuto tša bohlokwa. Ge kgatišo ya gago e le ka “digital edition”, mafelelong a tlhaloso o tlo hwetša linki ya serapa seo le bego le se bala. (Bona seswantšho 2.)