Mehleng ye ya bofelo bophelo bo tletše ka mathata, le gona ge nako e dutše e eya mathata a tlo oketšega. Ka dinako tše dingwe re ka ba ra hlaelelwa ke dilo tše bohlokwa. (Hab 3:16-18) Re ka thušwa ke eng gore re kgone go kgotlelela mathata a tša ditšhelete? Re swanetše go tšwela pele re tshepa Modimo wa rena Jehofa. O tshepišitše gore o tlo hlokomela bahlanka ba gagwe, e bile o tla ba thuša maemong ka moka.​—Ps 37:18, 19; Heb 13:5, 6.

Seo o ka se dirago:

• Kgopela Jehofa gore a go thekge, a go fe bohlale a be a go hlahle.—Ps 62:8

• Ikemišetše go amogela mošomo wo o sa kago wa o dira.—g 4/10 24-25, mapokisi

• Bala Lentšu la Modimo letšatši le lengwe le lengwe, eya dibokeng o be o ye le tšhemong gore o tiiše segwera sa gago le Jehofa

BOGELANG BIDIO YA AGA NTLO YEO E TLAGO GO KGOTLELELA​—‘KGOTSOFALELA DILO TŠE O NAGO LE TŠONA,’ KE MOKA LE ARABENG DIPOTŠIŠO TŠE:

• Malapa a mangwe a ile a ba le mathata afe?

• Selo se bohlokwa bophelong ke eng?

• Re ka thuša bjang bao ba nago le mathata a tša ditšhelete?