Ka moka ga rena re fela re ikwa re nyamile ka dinako tše dingwe. Go ikwa re nyamile ga go bolele gore ga re na tumelo go Jehofa. Jehofa le yena o be a fela a nyama. (Ge 6:​5, 6) Eupša o ka dira’ng ge o fela o ikwa o nyamile kudu goba ge o dula o ikwa o nyamile?

Kgopela Jehofa gore a go thuše. Jehofa o tshwenyega ka tsela yeo re ikwago ka yona. O kgona go re bona ge re thabile le ge re nyamile. O kwešiša gore ke ka baka la’ng re nagana ka tsela e itšego le go ikwa ka tsela e itšego. (Ps 7:9b) Sa bohlokwa le go feta, Jehofa o a re hlokomela e bile a ka re thuša gore re lebeletšane le go nyama goba go gateletšega.—Ps 34:18.

Šireletša pelo ya gago. Ge re nyamile re ikwa re se ra thaba, e bile seo se ka kgoma segwera sa rena le Jehofa. Ka baka leo, re swanetše go šireletša dipelo tša rena—e lego seo re lego sona ka gare.—Die 4:23.

BOGELANG BIDIO YA BANA BABO RENA BA NA LE KHUTŠO LE GE BA GATELETŠEGILE, KE MOKA LE ARABENG DIPOTŠIŠO TŠE:

• Ke dilo dife tšeo Nikki a ilego a di dira go mo thuša go lebeletšana le kgateletšego ya monagano?

  Karabo

• Ke ka baka la’ng Nikki a ile a nagana gore o swanetše go hwetša kalafo?—Mat 9:12

  Karabo

• Nikki o ile a dira’ng go bontšha gore o ithekgile ka Jehofa?

  Karabo