E nngwe ya ditsela tše kaone tšeo batswadi ba ka di dirišago go thuša bana ba bona gore ba diriše seo ba ithutago sona ka Jehofa, ke ka go ba thuša gore ba holwe ke diboka. Dilo tšeo bana ba di bonago, ba di kwago le dikarabo tšeo ba di neago dibokeng, di ka ba thuša gore ba ithute ka Jehofa le go ba bagwera ba gagwe ba bagolo. (Doi 31:​12, 13) Ge e ba o le motswadi o ka thuša bjang ngwana wa gago gore a holwe ke diboka?

• Leka ka thata gore o ye dibokeng Holong ya Mmušo.—Ps 22:22

• Iphe nako ya go bolela le bana beno le dikgaetšedi Holong ya Mmušo pele ga diboka goba ka morago ga tšona.—Heb 10:25

• Kgonthišetša gore ba lapa la gago ka moka ba na le dikgatišo tšeo di dirišwago dibokeng, e ka ba tša elektroniki goba tšeo di phrinthilwego

• Thuša ngwana wa gago go lokišetša karabo yeo a ka e beago ka mantšu a gagwe.—Mat 21:​15, 16

• Bolela gabotse ka diboka le thuto yeo o e hwetšago go tšona

• Thuša bana ba gago gore ba be gona ge go hlwekišwa Holo ya Mmušo le gore ba boledišane le batho ba bagolo ka phuthegong

Go thuša bana ba gago gore ba gwerane le Jehofa ke mošomo o mogolo e bile ka dinako tše dingwe go ka bonagala go le boima. Lega go le bjalo, o ka kgodišega gore Jehofa o tla go thuša.—Jes 40:29.

BOGELANG BIDIO YA BATSWADI, ITHEKGENG KA JEHOFA, KE MOKA LE ARABENG DIPOTŠIŠO TŠE:

• Go lapa kudu go ile gwa ama bjang batswadi ba Nthabi?

  Karabo

• Ke ka baka la’ng batswadi ba swanetše go ithekga ka Jehofa?

  Karabo

• Batswadi ba Nthabi ba ile ba dira’ng go bontšha gore ba ithekgile ka Jehofa?

  Karabo