Batho bao ba re tshwenyago ba ka re kweša bohloko mmeleng ba ba ba dira gore re ikwe re nyamile. Ge e ba re ka tšhoga ge batho bao ba re ganetša, ba ka senya segwera sa rena le Jehofa. O ka itšhireletša bjang go batho bao ba go tshwenyago?

Bahlanka ba bantši ba Jehofa ba ile ba kgona go itšhireletša go batho bao ba ba tshwenyago. Ba kgonne bjang? Ka go ithekga ka Jehofa. (Ps 18:17) Ka mohlala, Esitere o ile a utolla maano a monna yo mobe yo a bego a ba tlaiša, e lego Hamani. (Est 7:​1-6) Pele a dira seo, o ile a ikona dijo e le go bontšha gore o be a ithekgile ka Jehofa. (Est 4:​14-16) Jehofa o ile a mo thuša a ba a mo šireletša le go šireletša batho ba gagwe.

Lena baswa, ge e ba go na le motho yo a le tshwenyago, kgopelang Jehofa gore a le thuše goba le bolele le motho yo mogolo ka bothata bjoo. Ka mohlala, o ka bolela le motswadi wa gago. Le wena o ka kgodišega gore Jehofa o tla go thuša go swana le ge a thušitše Esitere. Ke’ng se sengwe seo o ka se dirago ge motho yo mongwe a go tshwenya?

BOGELANG BIDIO YA GO BA MOFSA—NKA LEBELETŠANA BJANG LE BATHO BAO BA NTSHWENYAGO? KE MOKA LE ARABENG DIPOTŠIŠO TŠE:

• Baswa ba ka ithuta’ng go Charlie le go Ferin?

  Karabo

• Batswadi ba ka ithuta’ng go seo Charlie le Ferin ba se boletšego?

  Karabo