Motho a ka kgona go bala ditaba tše dintši tše di lego wepesaeteng ye ntle le gore a ingwadiše goba go re romela boitsebišo le ge e le bofe ka yena. Lega go le bjalo, dikarolong tše dingwe go tsena feela batho bao ba ngwadišitšwego, bao ba dirago dikgopelo goba go romela difomo, goba batho bao boitsebišo bja bona bo romelwago ke phuthego ya Dihlatse tša Jehofa ka wepesaete ya jw.org. Re diriša boitsebišo bja gago ka go dumelelana le seo o se kgopetšego. Maemong a mangwe, ge e ba o se sa nyaka go tšwela pele ka kgopelo ya gago, go ka direga gore re be le mabaka a semolao a go tšwela pele ka kgopelo ya gago, ge e ba go se na moo re tshelago molao.

Boitsebišo bjo o bo romelago wepesaeteng bo dirišetšwa feela morero wo o hlalositšwego ge o be o bo romela. Mabaka a gore o romele boitsebišo bja gago a ka akaretša ao a latelago:

Diakhaonto. Aterese ya e-mail yeo o e tsenyago ge o bula akhaonto wepesaeteng ye e ka dirišwa go go romela ditaba tše itšego mabapi le akhaonto ya gago. Ka mohlala, ge o ka lebala leina leo o le dirišago go tsena akhaontong ya gago goba wa lebala password ya gago ke moka wa kgopela thušo, re tla go thuša ka go go romela molaetša re diriša aterese ya e-mail yeo o tla bago o re rometše yona ge o be o bula akhaonto wepesaeteng ye.

Difomo. O ka diriša wepesaete ye go romela fomo ya kgopelo e itšego, goba phuthego ya geno e ka diriša wepesaete ye go romela fomo ya gago. Ge e ba go le bjalo, boitsebišo bjo bo rometšwego bo tla dirišwa go bona ge e ba o swanelega bakeng sa kgopelo yeo o e dirilego le merero e mengwe yeo e sepedišanago le kgopelo yeo. Ge e ba go nyakega gore fomo ya gago e hlahlobje, boitsebišo bjo bo lego fomong yeo bo ka romelwa le makaleng a mangwe goba mekgatlong yeo e dirišanago le makala yeo e dirišwago ke Dihlatse tša Jehofa dinageng tše di fapafapanego.

Meneelo. Ge e ba o ntšha moneelo ka Inthanete, re nyaka leina la gago le boitsebišo bjo re ka bo dirišago go ikgokaganya le wena. E le gore re amogele meneelo yeo e romelwago ka karata ya credit, re diriša mokgwa wa maemo a godimo le wo o lego molaong woo o kgonago go šireletša boitsebišo bja motho. Re ka hwetša boitsebišo bjo bongwe bja go swana le nomoro ya karata ya gago ya credit goba dinomoro tša akhaonto ya gago e le gore re kgone go amogela moneelo wa gago, ke moka ra romela boitsebišo bjoo go bao ba šomago ka meneelo. Re amogela moneelo wa gago gabotse re diriša melao yeo e dumelelanago le molao wa Payment Card Industry Data Security Standard (“PCI DSS”). Bao ba amogelago meneelo ba boloka direkhoto tša meneelo yeo ba e amogetšego bonyenyane lebaka la mengwaga e lesome. Direkhoto tšeo di akaretša letšatši leo moneelo o amogetšwego ka lona, gore go neetšwe bokae le mokgwa wo o dirišitšwego go ntšha moneelo woo. Se se tla re thuša go dira dilo ka go dumelelana le melao ya go boloka direkhoto tša ditšhelete le go re thuša go araba dipotšišo le ge e le dife tšeo o ka re botšišago tšona ka nako yeo. Re ka se ikgokaganye le wena re kgopela gore o re romele moneelo o mongwe.

Kgopelo ya go Hwetša Ditaba tše Oketšegilego Goba Thuto ya Beibele. Le gona o ka diriša wepesaete ya rena go kgopela go hwetša ditaba tše oketšegilego goba go kgopela thuto ya mahala ya Beibele. Re tla diriša boitsebišo bjo o re romelago bjona mabapi le kgopelo yeo o e dirilego. Ge e ba go nyakega, re tla romela boitsebišo bja gago makaleng a mangwe a rena goba mekgatlong e mengwe yeo e dirišanago le Dihlatse tša Jehofa e le gore o kgone go hwetša seo o se kgopetšego.

Merero e Mengwe. O ka re romela boitsebišo bja gago (bjalo ka leina la gago, aterese ya poso le nomoro ya gago ya founo) go phetha merero e mengwe ntle le go bula akhaonto, go romela fomo goba go ntšha moneelo. Nako e nngwe le e nngwe ge o re romela boitsebišo bja gago, re go hlalosetša gabotse gore bo tlo dirišetšwa eng. Re ka se diriše boitsebišo bja gago bakeng sa dilo tšeo re sego ra go hlalosetša tšona gabotse ge o be o re romela boitsebišo bjoo bja gago.

Re kgoboketša boitsebišo bja gago, ra bo bea gomme ra bo dirišetša feela morero wo o bo rometšego ka wona, le gona re dula re bo bolokile ge feela re sa bo hloka bakeng sa morero woo goba ka baka la mabaka a mangwe a kwagalago. Maemong a, ge o ka kgetha go se re nee boitsebišo le ge e le bofe bjo re bo kgopetšego, go ka no se kgonege gore o tsene dikarolong tše itšego tša wepesaete ye goba go ka no se kgonege gore re arabe kgopelo ya gago.

Boitsebišo bjo bo lego kgopelong ya gago goba fomong ya gago bo fetišetšwa go batho bao ba šomago ka dikhomphutha go boloka boitsebišo bja gago goba go ditsebi tša dikhomphutha. Ga re nee motho yo mongwe boitsebišo bja gago ka ntle le ge (1) go nyakega e le gore re go romele seo o se kgopetšego e bile re go tsebišitše gore re tlo fetišetša boitsebišo bja gago pele; (2) re tloga re kgodišegile gore go nea motho yoo boitsebišo bjoo go a hlokagala e le gore re se ke ra tshela melao; (3) re kgopela ke ba molao gore re dire bjalo; goba (4) boitsebišo bjoo bo nyakega go thibela bosenyi goba mathata a mangwe a dikhomphutha. Ka go diriša wepesaete ye, o dumela gore re romele motho yo mongwe boitsebišo bja gago feela ka mabaka ao a boletšwego ka mo godimo. Le ka mohla go ka se direge gore boitsebišo le ge e le bofe bjoo o re romelago bjona bo rekišwe, bo newe motho e le gore re hwetše selo se itšego goba bo adimišwe.

Mokgatlo wa rena wa bodumedi o šoma lefaseng ka moka o diriša mekgatlo e mengwe yeo e šomago dinageng tše itšego. E mengwe ya metšhene (servers) yeo e dirišwago go boloka boitsebišo bja wepesaeteng ya rena e kua United States of America. Re ka romela boitsebišo bja gago nageng e nngwe, go akaretša le dinageng tšeo melao ya tšona ya go šireletša boitsebišo bja motho e sa swanego le ya nageng yeo o dulago go yona. Ge re dutše re diriša boitsebišo bja gago le go bo fetišetša pele, re diriša mekgwa yeo e tlago go bo šireletša. Re letetše gore mekgatlo ka moka yeo e dirišwago ke Dihlatse tša Jehofa le yeo e thekgago modiro wa rena e latele melao ya rena ya go šireletša boitsebišo bja motho le melao e mengwe yeo e latelwago go šireletša boitsebišo bjoo.

Ge o tsena wepesaeteng ya rena le go re romela melaetša o diriša Inthanete, o dumelelana le melao ye yeo e latelwago lefaseng ka moka.

Neng le neng ge re amogela boitsebišo bja motho, re gata megato ya maleba go kgonthišetša gore boitsebišo bja gago bo dula bo nepagetše bakeng sa morero wo re bego re nyaka go bo dirišetša wona. Go ithekgile ka gore o dula nageng efe le melao ya nageng yeo ya go šireletša boitsebišo bja motho, o ka kgona go dira dilo tše di latelago ka boitsebišo bja gago bjo o re rometšego bjona:

• O ka kgopela boitsebišo mabapi le go kgoboketšwa le go dirišwa ga boitsebišo bja gago ka go dumelelana le melao ya nageng yeo;

• O ka kgopela go bona boitsebišo bja gago, go bo phošolla, go bo phumola goba go dira gore re se sa bo bona ge e ba bo se bja felela goba bo se bja nepagala;

• Ge e ba o na le mabaka a kwagalago, o ka kgopela gore re se ke ra tšwela pele ka kgopelo ya gago gomme re se sa diriša boitsebišo bjo o bo rometšego.

Ge e ba nageng yeo o dulago go yona go na le melao ya go šireletša boitsebišo bja motho gomme o nyaka go hwetša boitsebišo bja gago, o nyaka go bo phošolla goba go bo phumola, o ka hwetša batho bao o ka ikgokaganyago le bona karolong ya Data Protection Contacts.

Ge re hweditše kgopelo ya gago yeo e ngwadilwego, le ka morago ga gore o nee bohlatse bjo bo kgodišago bja gore o mang le boitsebišo bjo bo lekanego gore re kgone go tseba gore boitsebišo bja gago ke bofe, motho yo a laolago boitsebišo bjoo o tla bona ge e ba go go dumelela o hwetša boitsebišo bjoo, go bo phošolla goba go bo phumola go ka se bee kotsing tokelo ya mokgatlo wa rena ya go dira mediro ya bodumedi ka bolokologi. Re tla tsebiša motho goba mokgatlo le ge e le ofe woo re tla bago re fetišeditše boitsebišo bjoo go wona ka diphetogo tšeo di dirilwego.

Hle ela hloko gore re ka no se phumole boitsebišo bja gago ge e ba molao o nyaka bjalo goba ge e ba boitsebišo bjoo bo swanetše go bolokwa ka baka la mabaka a mangwe a semolao. Ka mohlala, mokgatlo wa rena wa bodumedi o nyaka go dula o na le boitsebišo bja motho yo e lego yo mongwe wa Dihlatse tša Jehofa. Go phumola boitsebišo bjo bjalo go ka šitiša mediro ya bodumedi ya mokgatlo wa rena go sa hlokagale le go bea kotsing ditumelo tša rena. Dikgopelo tša gore boitsebišo bja motho bo phumolwe di tla dirwa ka go dumelelana le melao le ge e le efe yeo re gapeletšegago go e latela. Le gona o ka ipelaetša go batho bao ba ikarabelago ka go šireletša boitsebišo bja motho ba nageng ya geno mabapi le boitsebišo bja gago bjo o re rometšego bjona o diriša wepesaete ye.