1 Chronicles 4:1-43
4 Júdah biyeʼké éí Píírez, Hézran, Kármii, Her índa Shóbal daolyé.
2 Áádóó Shóbal biyeʼ Riyéíyah wolyé; éí Jéíhath bizhéʼé jílı̨́, índa Jéíhath éí Ahómai áádóó Léíhad bizhéʼé jílı̨́. Díí éí Zórah kin haalʼáadi kéédahatʼíinii náás ahoolchíiłii danilı̨́.
3 Íítam biyeʼké Jézriyel áádóó Íshma índa Ídbash daolyé. Áádóó bitsiʼ Házelelpónai wolyé.
4 Piinúwel éí Gíídar yizhéʼé nilı̨́; Íízer éí Húsha yizhéʼé nilı̨́. Díí Her hatsʼą́ą́dóó náás ahidideeshchíinii danilı̨́. Éfratah alą́ąjįʼ bá hoʼdizhchı̨́. Her éí Béthlehem bizhéʼé dzizlı̨́ı̨́ʼ.
5 Áádóó Tekówadi kééhatʼíinii bizhéʼé Ásher wolyéii beʼasdzą́ą́ naaki éí Híílah áádóó Néíyarah wolyé.
6 Áko Néíyarah éí Ásher bá díí nijiishchı̨́: Ahúzam áádóó Híífer áádóó Témenai índa Héíyaháshtarai. Díí tʼáá ałtso Néíyarah biyáázhké danilı̨́.
7 Híílah biyáázhké éí Zííreth áádóó Jiizówer índa Ííthnan daolyé.
8 Kaz éí Éínab áádóó Zobííbah índa Héíram yizhéʼé nilı̨́. Héíram hayeʼ Ahárhel baʼáłchíní náás ahoolchíiłii hólǫ́.
9 Áádóó Jéíbez éí yił háájééʼ biláahgo ił ílíinii nilı̨́. Hamá éí Jéíbez* yee hóózhiʼ kóníigo, Háálá yínííł nishłı̨́įgo hoshéłchı̨́.
10 Nítʼééʼ Ízrel dineʼé biDiyin God bichʼįʼ Jéíbez sozdoolzingo ájíní, Tʼáá íiyisí shikʼizhdíídliił áádóó kéyah hótsaago shaa diníʼaah índa shił honílǫ́ áádóó doo yáʼáshóonii bitsʼąą shaa áhólyą́, áko doo yínííł nishłı̨́į da doo! Áádóó Diyin God bíjííkeedígíí haidiníʼą́.
11 Áádóó Kíílab bikʼis Shúwah éí Mííhir há yizhchı̨́; Mííhir éí Éshtan yizhéʼé nilı̨́.
12 Éshtan éí Beth-réífa áádóó Pasíyah índa Tiihínah yizhéʼé nilı̨́. Tiihínah éí Irnéíhash há yizhchı̨́. Díí éí Rííkahdóó dineʼé danilı̨́ı̨́ nítʼééʼ.
13 Áádóó Kíínez biyeʼké Áthniyel índa Siiréíyah wolyé. Áthniyel biyeʼ Héíthath wolyé.
14 Miyónothai biyeʼ Ófrah wolyé. Siiréíyah biyeʼ Jóʼab wolyé. Jóʼab éí Kárashim dineʼé yizhéʼé nilı̨́. Kárashim dineʼé nidaʼachʼąąhii danilı̨́ı̨́ nítʼééʼ.
15 Jiifáneh biyeʼ Kéíleb wolyé. Kéíleb biyeʼké Áíru áádóó Íílah índa Néíyam daolyé. Íílah biyeʼ Kíínaz wolyé.
16 Áádóó Jeháliilel biyeʼké Zif áádóó Zífah áádóó Tíriya índa Aséíriyel daolyé.
17 Ézra biyeʼké Jííther áádóó Mííred áádóó Íífer índa Jéílan daolyé. Áádóó Mííred bitsiʼ Míriyam wolyé áádóó biyeʼké Shámeiyai índa Íshbah wolyé. Éí táltʼéego Féro bitsiʼ Bitháíyah wolyéii Mííred bá nijiishchı̨́. Íshbah biyeʼ Éshtiimowa wolyé.
18 Áádóó Mííred beʼasdzą́ą́ Jew dineʼé nilínígíí Jííred áádóó Hííber índa Jiikóthiyel niyiishchı̨́. Jííred biyeʼ Gíídar wolyé. Hííber biyeʼ Sóko wolyé. Jiikóthiyel biyeʼ Zanówah wolyé.
19 Hodáíyah beʼasdzą́ą́ nilíinii Néíham bilah jílı̨́įgo hayáázhké nidiltʼé hólǫ́. Łaʼ Kiiʼáílah wolyéego Gárma dineʼé yizhéʼé silı̨́ı̨́ʼ. Łaʼígíí Éshtiimowa wolyéego Méíyakath dineʼé yizhéʼé silı̨́ı̨́ʼ.
20 Sháíman biyeʼké Ámnan áádóó Rínah áádóó Ben-héínan índa Táílan daolyé. Íshai biyeʼké Zóheth áádóó Ben-zóheth wolyé.
21 Júdah biyeʼ Shíílah wolyéii biyeʼké hólǫ́. Łaʼ Er éí Lííkah yizhéʼé nilı̨́, áádóó łaʼígíí Léíyadah éí Marííshah yizhéʼé nilı̨́, áádóó Shíílah jílíinii Ashbííyadóó dineʼé áłtsʼóózígo yisdizígíí bee naʼatʼą́hí łigaii ditsʼidgo ádeiłʼı̨́įgo ahoolchíiłii bizhéʼé dzizlı̨́ı̨́ʼ,
22 áádóó hayeʼké Jókim, łaʼ Kozííba kin shijaaʼdóó dineʼé, áádóó Jóʼash índa Séíraf daolyé. Séíraf éí Móʼabgi índa Jashóíbai-lííhemgi nantʼáá nítʼééʼ. Áko díí tʼáá ałkʼidą́ą́ʼ yízhí bee naaltsoos siʼáanii átʼé.
23 Díí éí Netáíyim kin shijaaʼdóó áádóó Gedíírah kin shijaaʼdóó hashtłʼish ásaaʼ ádeiłʼíinii danilı̨́ı̨́ nítʼééʼ. Ákwii aláahgo naatʼáanii yá nidaalnish biniyé ákwii kéédahatʼı̨́ı̨́ nítʼééʼ.
Símiyan bitsʼą́ą́dóó aníchíinii
24 Símiyan biyeʼké Némuʼel, Jéímin, Jéírib, Zíírah índa Shéíyal daolyé.
25 Shéíyal biyeʼ Shálam wolyé. Shálam biyeʼ Míbsam wolyé. Míbsam biyeʼ Míshma wolyé.
26 Míshma biyeʼ Hámuʼel wolyé. Hámuʼel biyeʼ Záker wolyé. Záker biyeʼ Shímiyai wolyé.
27 Áádóó Shímiyai biyeʼké hastą́ʼáadah; bitsiʼ éí hastą́ltʼé, nidi bikʼisóó badaʼáłchíní doo daaląʼí da, doo nidi Júdah dineʼégi átʼéego kʼeeʼąą dínéestʼą́ą da.
28 Bíyer-shííbagi áádóó Móladahgi índa Héízar-shúwalgi,
29 Bílhahgi, Íízemgi índa Tóladgi,
30 Biithúwelgi, Hórmahgi áádóó Zíklagi,
31 Beth-márkabothgi, Héízar-súsimgi, Beth-bíraigi índa Shéíyaréíyimgi kéédahatʼı̨́ı̨́ nítʼééʼ. Aláahgo naatʼáanii David dah neezdáajįʼ kótʼéego bikin hadaasʼáá nítʼééʼ.
32 Díí bikin dah naazhjaaʼ nítʼéʼígi éí Íítam, Áyiin, Ríman, Tóken índa Éíshan, kin hadaasʼá ashdlaʼgo.
33 Áádóó tʼáá Béíyaljįʼ díí kin hadaasʼáhígíí binaagóó ałdóʼ kin dah naazhjaaʼ nítʼééʼ. Ákweʼé kéédahatʼı̨́ı̨́ nítʼééʼ áádóó dabizází náás daʼahílchínígíí bikʼinídaháasdzoh.
34 Miishóbab, Jámlek, Amazáíyah biyeʼ Jóshah,
35 Jówel, Josibáíyah biyeʼ Jííhu, éí Siiréíyah hanálí áádóó Éísiyel naakidi náhánálí,
36 Íílaiyowíínai, Jéíyakóbah, Jeshohéíyah, Aséíyah, Éídiyel, Jiisímiyel, Biinéíyah
37 índa Zíza wolyéii bizází Shiiméíyah dı̨́įdi náhánálí, Shímrai táadi náhánálí, Jedéíyah naakidi náhánálí, Álan hanálí, Sháífai hazhéʼé.
38 Díí éí dabízhiʼ chʼídahastʼánígíí éí náás daʼahílchíihii yinanitʼaʼí danilı̨́ı̨́ nítʼééʼ, áádóó dabizhéʼé yę́ę badaʼáłchíní náás daʼahílchíihii ayóó átʼéego kʼeeʼąą dínéestʼą́.
39 Éí Gííder kéyah yah ahóótʼiʼjįʼ, honítsʼaaʼígíí haʼaʼaahjígo bilı̨́ı̨́ʼ yá chʼil hadeintáago nidahaazná.
40 Ákweʼé kéyah hóteelgo áádóó hodéezyéelgo índa hashtʼehodítʼéego bilı̨́ı̨́ʼ yee dadínóolkʼahii yikʼídaneeztą́ą́ʼ; ákwii átséédą́ą́ʼ Ham dineʼé kéédahatʼı̨́ı̨́ nítʼééʼ.
41 Heziikáíyah éí Júdah dineʼé aláahgo yinanitʼaʼí nilı̨́ı̨́dą́ą́ʼ éí díí dabízhiʼ naaltsoos bikʼinídaháasdzohgo nidahaaznánígíí ákwii kéédahojitʼı̨́įgo ałtso nidahastseed áádóó dahaníbaal áádóó dahaghan ałtso ádeisdįįd índa dahaghan yę́ęgi bighan ádahoolaa, háálá ákwii bilı̨́ı̨́ʼ bá chʼil dahólǫ́.
42 Áádóó Símiyan dineʼé bitahdóó diné ashdladi neeznádiingo éí Dził Síyergóó hadahaazná; éí binanitʼaʼí danilíinii Pelatáíyah, Niiyaráíyah, Riifáíyah índa Azáíyel daolyéii Íshai biyeʼké danilı̨́.
43 Áádóó Ámalek dineʼé łaʼ yóóʼadahineezhchą́ąʼgo dadzoodzíʼígíí nidahoʼdiztseed índa dahakéyah yę́ęgi díí jı̨́įjįʼ kéédahatʼı̨́.
Footnotes
^ Jéíbez jiníigo éí Hííbrew kʼehjígo neezgai jinínígi átʼéego diitsʼaʼ.
