1 Chronicles 8:1-40
8 Bénjamin éí Bíílah alą́ąjįʼ há yizhchı̨́, bikééʼ góneʼ éí Áshbel, tááʼ góneʼ éí Ahárah,
2 dı̨́ı̨́ʼ góneʼ éí Nóhah, ashdlaʼ góneʼ éí Réífa.
3 Bíílah biyeʼké Ádar áádóó Gííra áádóó Abáíhad
4 áádóó Abíshuwa áádóó Néíyaman áádóó Ahówah
5 áádóó Gííra áádóó Shiifófan índa Hóram daolyé.
6 Díí Ííhad biyeʼké danilı̨́: Gííbagi kéédahatʼíinii éí daʼazhéʼé yę́ę baʼáłchíní náás daʼahílchíihii yá aląąjįʼ naazíinii danilı̨́įgo Mánahath hoolyéejįʼ abidiʼnoolkaad
7 áádóó Néíyaman áádóó Aháíjah índa Gííra nahjįʼ abidiʼnoolkaadgo Ázza índa Aháíhad há yizhchı̨́.
8 Áádóó Shéíharéíyim haʼákéí Húshim áádóó Béíyara haa yóóʼeelwodgo Móʼab kéyahgi haʼáłchíní há neheezhchı̨́.
9 Áko hweʼasdzą́ą́ Hódesh éí Hóbab áádóó Zíbiya áádóó Míísha áádóó Málkam
10 áádóó Jííyaz áádóó Shakáíya índa Mírma há niyiishchı̨́. Díí éí daʼazhéʼé yę́ę baʼáłchíní náás daʼahílchíihii yá aląąjįʼ naazíinii danilı̨́.
11 Húshim wolyéii éí Abáítab áádóó Elpéíyal há yishchı̨́.
12 Díí éí Elpéíyal biyeʼké danilı̨́: Ííber áádóó Náísham índa Shéímed daolyé. Éí Óno índa Lad hoolyéegi kin haalʼáhígíí áádóó binaagóó kin naazhjaaʼígíí áyiilaa.
13 Biiráíyah ałdóʼ áádóó Shííma éí Éíjalangi kéédahatʼíinii daʼazhéʼé yę́ę baʼáłchíní náás daʼahílchíihii yá aląąjįʼ sizíinii nilı̨́, éí Gath kin haalʼáagi kéédahatʼínígíí baa yóóʼaheezhjééʼ
14 áádóó Aháíyo, Shéíshak, Jériimath,
15 Zebadáíyah, Éírad, Éíder,
16 Máíkel áádóó Íspah índa Jóha, díí éí Biiráíyah biyeʼké danilı̨́.
17 Zebadáíyah, Miishálam, Héziikai, Hííber,
18 Íshmiirai áádóó Jezláíyah índa Jóbab, díí éí Elpéíyal biyeʼké danilı̨́.
19 Jéíkim, Zíkrai, Zábdai,
20 Eliyíínai, Zílthai, Iiláíyel,
21 Adáíyah áádóó Biiráíyah índa Shímrath, díí éí Shímiyai biyeʼké danilı̨́.
22 Íshpan, Hííber, Iiláíyel,
23 Ábdan, Zíkrai, Héínan,
24 Hananáíyah, Íílam, Antotháíjah
25 áádóó Ifedíyah índa Piinúwel, díí éí Shéíshak biyeʼké danilı̨́.
26 Shámshiirai, Shiiharáíyah, Athaláíyah,
27 Jariisáíyah áádóó Iiláíyah índa Zíkrai, díí éí Jiiróham biyeʼké danilı̨́.
28 Díí éí daʼazhéʼé yę́ę baʼáłchíní náás daʼahílchíihii yá aląąjįʼ naazíinii danilı̨́įgo Jerúsalem kin haalʼáagi kéédahatʼı̨́ı̨́ nítʼééʼ.
Saul bitsʼą́ą́dóó aníchíinii (1Chr. 9:35-44)
29 Gíbiyan kin haalʼáadi Gíbiyan dineʼé bizhéʼé kééhatʼı̨́ı̨́ nítʼééʼ. Beʼasdzą́ą́ Méíyakah wolyé.
30 Hayeʼ alą́ąjįʼ há yizhchínígíí Ábdan wolyé áádóó nááʼákééʼ góneʼígíí Zer wolyé. Hayeʼké Kish áádóó Béíyal áádóó Néídab
31 áádóó Gíídar áádóó Aháíyo índa Zéíker daolyé.
32 Áádóó Míklath éí Shímiyah há yizhchı̨́. Díí ałdóʼ Jerúsalemgi bikʼisóó yił ahíishghahgóó kéédahatʼı̨́.
33 Áádóó Ner éí Kish há yizhchı̨́ áádóó Kish éí Saul há yizhchı̨́ áádóó Saul éí Jánathan áádóó Malkishúwa áádóó Abínadab índa Esh-béíyal* há neheezhchı̨́.
34 Áádóó Jánathan éí Mérib-béíyal há yizhchı̨́ índa Mérib-béíyal* éí Máíkah há yizhchı̨́.
35 Máíkah biyeʼké Páíthan áádóó Míílek áádóó Taríya índa Éíhaz daolyé.
36 Áádóó Éíhaz éí Jiihówadah há yizhchı̨́ índa Jiihówadah éí Álemeth áádóó Azméíveth índa Zímrai há neheezhchı̨́ áádóó Zímrai éí Móza há yizhchı̨́,
37 Móza éí Bíniya há yizhchı̨́, Bíniya biyeʼ Réífa wolyé. Réífa biyeʼ Eliyéísah wolyé. Eliyéísah biyeʼ Éízel wolyé.
38 Áádóó Éízel biyeʼké hastą́ą́h: Ázrikam, Bókeru, Íshmeiyel, Shííyaráíyah, Obadáíyah índa Héínan daolyé. Díí éí tʼáá ałtso Éízel biyeʼké danilı̨́.
39 Áádóó Éízel bikʼis Ííshek wolyéii biyeʼké Yúlam éí alą́ąjįʼ yizhchı̨́, naaki góneʼ éí Jííhash índa tááʼ góneʼ éí Iilífalet wolyé.
40 Yúlam biyeʼké éí diné bidziilii áádóó doo nídanilyéesii danilı̨́įgo ayóogo daʼdiłtʼoh, áádóó biyeʼké índa binálíké tʼóó ahayóí nítʼééʼ. Neeznádiindóó baʼaan ashdladiin ánéelą́ą́ʼ. Díí tʼáá ałtso Bénjamin biyeʼké náás ahoolchíiłii danilı̨́.
Footnotes
^ Esh-béíyal éí Ishbósheth ałdóʼ wolyé. 2Sam. 2:8.
^ Mérib-béíyal éí Miifíbosheth ałdóʼ wolyé. 2Sam. 4:4.
