Esther 10:1-3
10 Áko aláahgo naatʼáanii Ahazawííras éí kéyah nahazʼą́ą́góó áádóó tónteel bibąąhgóó kédaayah bikʼé naʼiilyéego áyiilaa.
2 Áko bee bóhólníihgo áádóó bibee adziilii tʼáá átʼé yee áátʼįįdígíí índa Mórdiikai ayóó ájítʼéego hóhólníihgo aláahgo naatʼáanii yee náás hodeestʼeʼígíí baa haneʼgo, éí Míídiya dineʼé índa Pérzha dineʼé aláahgo bindanitʼaʼí ádaadzaii binaaltsoos biyiʼ bee bikʼeʼashchı̨́.
3 Jó, Jew dineʼé Mórdiikai éí aláahgo naatʼáanii Ahazawííras bikééʼ góneʼ hóhólnííh áádóó Jew dineʼé bitahgóó ayóó átʼéii jílı̨́ índa hakʼisóó danilíinii tʼóó ahayóígíí bił jílı̨́, áádóó hadineʼé yee ákʼi dadoodlaałii tʼéí hájítʼı̨́ índa saad bee hashtʼehodítʼéii bee hadineʼé tʼáá ałtso bichʼįʼ yájíłtiʼ nítʼééʼ.
