Ezekiel 15:1-8
15 Áádóó Bóhólníihii kóníigo náádisétsʼą́ą́ʼ,
2 Diné nílíinii, hodíłchʼilgi chʼil naʼatłʼoʼiishąʼ haa yitʼéego náánáłaʼ tsin naniseʼii yiláahgo yáʼátʼééh?
3 Chʼil naʼatłʼoʼii naniseʼiísh haʼátʼíhída tʼáá bee ádoolníiłgo átʼé? Daʼ éísh łaʼ bąąh kʼélniihgo łeetsʼaaʼ tʼáá bąąh dah náhidiitʼáahgo ádoolnííł?
4 Shoo, éíyeeʼ chizh átʼéego tsédzaatı̨́ı̨́h áádóó tʼáá hadiiłnéezgo ałtso adikʼą́ąhgo ałníiʼgi tʼeesh tʼéiyá níʼá yileehgo tʼáadoo leʼéésh biniyé tʼáá chonáájoołʼı̨́ʼígi átʼée łeh?
5 Shoo, éí chʼil naʼatłʼoʼii bitsʼáozʼaʼ tʼah hadaałtʼé yę́ędą́ą́ʼ tʼáadoo leʼé biniyé tʼáadoo choozʼįįd da; ałtso adííkʼą́ą́ʼdóó tʼeesh silı̨́įʼgo tʼóó tséʼédinda doo chooʼı̨́ı̨́ʼ átʼįįh da.
6 Éí bąą Bóhólníihii Diyin God kóní, Hodíłchʼilgi chʼil naʼatłʼoʼii didoolił biniyé tsídzáátánígi átʼéego Jerúsalemgi kéédahojitʼínígíí nináhodideeshʼááł.
7 Hakʼijįʼ doo ákóníshtʼéégóó nidínéeshtʼááł; hodiiltłahígíí bitsʼą́ąjįʼ dashdidoojah, nidi adazhdidookʼą́ą́ł, áko hakʼijįʼ nishłı̨́ íʼdiishyaago Bóhólníihii nishłı̨́įgo nihił béédahodoozįįł.
8 Bóhólníihii Diyin God ání, Doo ákǫ́ǫ́ ádajíítʼįįdígíí bąą kéyah tʼáá níłtéél nítʼééʼ doo naagháhígóó áhodeeshłííł.
