Ezekiel 19:1-14
19 Áádóó ni, Ízrel dineʼé binanitʼaʼí danilíinii baa yínííł naniná,
2 áádóó kódíní,
Nimá haʼatʼíísh átʼéé nítʼééʼ?*Náshdóítsoh bitsiijįʼ daditłʼooígíí bitahdóó nimá náshdóítsaʼii bitsiijįʼ ditłʼooígíí nilı̨́įgo biyázhí néidiiłjééʼ.
3 Biyázhí łaʼ yiyaa hoołʼaʼii éí nitsxaaz silı̨́ı̨́ʼ;*yidoolghałii yił hidideełgo yíhoołʼą́ąʼgo diné yooldéél.
4 Ałʼąą dineʼé haa dahodiiztsʼą́ąʼgo aʼáán ádayiilaago yee hoł dadeezdéél;béésh daʼahólzhaʼí yee Ííjip kéyahdi dahazlóóz.
5 Nítʼééʼ tʼah jinízinígíí bąą bee hoł chohooʼı̨́ yę́ę ásdįįdgo hoł bééhoozingonáánáłaʼ hayázhí biyaa nááhojiiłʼaʼgo éí nitsxaaz náánásdlı̨́ı̨́ʼ.*
6 Éí náshdóítsoh bitsiijįʼ daditłʼooígíí yitahgóó naaghá,áádóó éí nitsxaaz silı̨́įʼgo yidoolghałii yił hidideełgo yíhoołʼą́ąʼgo diné yooldéél.
7 Bineʼ nidadzidziʼgi hooʼı̨́;hakin hadaasʼáii naa ayiiskaad;biiʼ nahodiʼniʼgo ánínígíí yee kéyah tʼáá náhwiistʼą́ą́ nítʼééʼdoo naagháhí da haazlı̨́ı̨́ʼ.
8 Ałʼąą dineʼé bił dah nahazʼą́ą́dę́ę́ʼ tʼáá ałtso honáztʼih;bitłʼóól naneesdizí hakʼídeistiʼ;bee aʼáán góyaa hoł dadeezdéél.
9 Béésh daʼahólzhaʼí yee dahólóosgo yah adahastʼeʼ;Bábilan dineʼé aláahgo binanitʼaʼí yaa dahazlóóz;Ízrel dineʼé bikéyahdi dził naaznilígíí dabighą́ą́ʼgóó hwiinééʼ doo náádiitsʼaʼ da dooleełígíí biniyé yah adahastʼeʼgo hadádaʼdeeskaal.
10 Tábąąhgóó chʼil naʼatłʼoʼii kʼidoolyáhígi átʼéego nimá chʼil naʼatłʼoʼii nahalingotó tʼóó ahayóígíí bąą bitsʼáozʼaʼ tʼóó ahayóí nítʼééʼáádóó bineestʼąʼ tʼóó ahayóí bąąh náhoodleeł nítʼééʼ.
11 Naatʼá gish biniyé bitsʼáozʼaʼ tʼáá íiyisí dabidziil nítʼééʼ;tʼóó ahayóí atsʼáozʼaʼígíí bitah góneʼ yadiineez nítʼééʼ;dzíneezgo hatsʼáozʼaʼ tʼóó ahayóigo hoʼdootʼı̨́ı̨́ nítʼééʼ.
12 Tʼáá naʼníleʼdii hahodiʼyoolghan;niʼjįʼ ahodiʼyoolghan;haʼaʼaahdę́ę́ʼ deeyolgo haneestʼąʼ ałtso yisgan;hatsʼáozʼaʼ dabidziilii yiyiiztiʼgo daniiłnaʼgo ałtso adahideezkʼą́ą́ʼ.
13 Kʼad éí honoojíidi, tó ádindi, índa hóółtseidi kʼihoʼdoolyá.
14 Bitsʼáozʼaʼ łaʼ biyiʼdę́ę́ʼ kǫʼ hadíínóodgo bineestʼąʼ ałtso iidííłkʼą́ą́ʼ,áádóó bitsʼáozʼaʼ bidziilii doo łaʼ ánászįįd da,áko naatʼá gish doo łaʼ náhodoodleeł da.
Díí lą́ą baa atínáhodindleeh ni, áádóó baa cha hasingo hodeeshzhiizh ni.
Footnotes
^ Júdah dineʼé bibee óhólníihgo hazʼánígíí ááhyiłní.
^ Aláahgo naatʼáanii Jiihóʼahaz ááhyiłní. 2Kgs. 23:31-34.
^ Aláahgo naatʼáanii Jehóíyakin ááhyiłní. 2Kgs. 24:8-15.