Ezra 10:1-44
10 Kʼad Ézra ádaa halneʼgo sodoolzingo, Diyin God bikin bidáahjįʼ jichago tséʼyaa jineeshjoolgo Ízrel dineʼé bitsʼą́ą́dóó tsʼídá tʼóó ahayóigo diné áádóó asdzání índa aʼáłchíní haa áłah silı̨́ı̨́ʼ; jó, tʼáá íiyisí diné daachxa.
2 Áko Íílam baʼáłchíní náás daʼahílchíihii łaʼ Jiiháíyel biyeʼ Shekanáíyah éí Ézra ábizhdííniid, NihiDiyin God bichʼįʼ doo ákǫ́ǫ́ ádeiitʼįįdgóó diné kéyahgóó kéédahatʼíinii bitahdóó déʼéyóní danilı̨́įgo nihedaʼasdzą́ą́ ádeiilyaa. Azhą́ ákótʼée nidi, tʼahdii Ízrel dineʼé bá ił chohooʼı̨́ hólǫ́.
3 Éí bąą kʼad, shinanitʼaʼí áádóó nihiDiyin God bibikʼeh óʼooʼníiłii bikʼee bił daayéeʼii bił naʼakʼíyádasíníłtiʼii bikʼehgo haaʼíshąʼ nihiDiyin God bił bee ahaʼdeetʼáanii ádadiilníiłgo díí eʼasdzą́ą́ danilíinii tʼáá ałtso áádóó badaʼáłchíní tʼáá bił yóóʼadahididiitʼááł, áko hániʼ bee hazʼáanii bikʼehgo ákódadiilnííł.
4 Nídiiʼnééh; jó, díí nídadéétʼiʼii átʼé; nihí éí nił dahoniidlǫ́ǫgo nizhónígo chánah nílı̨́įgo ádíínííł.
5 Ákohgo Ézra nídiiʼnaʼgo aláahgo náádaʼiiłniihii áádóó Líívai dineʼé índa Ízrel dineʼé tʼáá ałtso díí saadígíí bikʼehgo ádee hadahididoodzihgo ájiilaa. Áádóó índa ádee hadahideesdzííʼ.
6 Ákohgo Diyin God bikin siʼánídóó dashdiiyáago Iiláíyashib biyeʼ Johéínan baʼałkʼee daʼnjah bá hazʼání góneʼ yah ajííyá. Ákwii jiníyáago bááh tʼáadoo jííyą́ąʼ da, tó nidi tʼáadoo joodlą́ąʼ da, háálá yisnááh danilı̨́ı̨́ nítʼéeʼgo ninádahaaskaígíí doo ákǫ́ǫ́ ádáátʼįįdígíí biniinaa baa yínííł jílı̨́ı̨́ nítʼééʼ.
7 Áko Júdah kéyahgóó índa Jerúsalem kin haalʼáágóó nidahozdeesdláadgo yisnááh danilı̨́įgo ninádahaaskai nítʼééʼ yę́ę tʼáá ałtso Jerúsalemjįʼ áłah áńdoolníiłgo baa nidahojisneʼ.
8 Áádóó tʼáá háiida tʼáadoo jígháhí tááʼ yiską́ąjįʼ naatʼáanii danilíinii índa aląąjįʼ naazíinii ádaaníinii bikʼehgo hanaalyeʼé tʼáá átʼé doo hódéétʼiʼgóó ádoolnííł índa yisnááh danilı̨́ı̨́ nítʼééʼ yę́ę tʼáá hó bitsʼáhodiʼdooltééł.
9 Ákohgo Júdah dineʼé áádóó Bénjamin dineʼé danilíinii tʼáá ałtso tááʼ yiską́ąjįʼ Jerúsalemgi náhástʼéí nídízííd binih naakitsʼáadahgóó yoołkáałgo tʼáá bí áłah ádaʼahiilyaa. Áádóó Diyin God bikingi kintah atiingóó diné tʼáá átʼé naháaztą́. Díigi ádahatʼínígíí índa tʼáá íiyisí nahałtinígíí biniinaa diné bił daayéeʼgo bitah dahoditłid.
10 Áko Ézra nááʼiiłniihii jílíinii dziizįʼgo diné ábizhdííniid, Bee hazʼáanii kʼídahisootiʼ índa déʼéyóní danilíinii nihedaʼasdzą́ą́ ádaahłaago Ízrel dineʼé nilíinii doo ákǫ́ǫ́ ádáátʼįįdii bóóltąʼgo kʼeeʼąą deeshzhiizh.
11 Éí bąą kʼad, danihizhéʼé yę́ę biBóhólníihii Diyin God bichʼįʼ ádaotʼįįdii bee ádaa dahołneʼ índa bił hóshóonii ádadoohłíiłgo kéyahgóó diné kéédahatʼínígíí áádóó déʼéyóní danilíinii nihedaʼasdzą́ą́ ádaahłaaígíí tʼáá nihí bitsʼánóhkááh.
12 Ákohgo diné áłah nilínígíí tʼáá ałtso ádadííniidgo ayóó íitsʼaʼgo ádaaní, Tʼáá ádííníniidígi átʼéego tsʼídá tʼáá ákódadiiʼnííł.
13 Nidi diné tsʼídá tʼóó ahayóí áłah nilı̨́, áádóó doo tłʼóóʼdóó nidzizı̨́į leʼ átʼéégóó tʼóó ahayóí nahałtin; łaʼa jı̨́da, doodaiiʼ naaki jı̨́da díigi áhootʼéego doo naʼónish áhootʼée da łeh, háálá nihí tʼóó ahoniiʼyóigo díigi átʼéego bee hazʼáanii kʼídasiitiʼ.
14 Haaʼíshąʼ kʼad nihinanitʼaʼí dajílíinii éí diné áłah nilínígíí tʼáá ałtso bá deizdoozįįł áádóó nihiDiyin God tʼóó báhádzidgo báháchįʼígíí nihitsʼą́ąjįʼ kódzaajįʼ nihikin hadaasʼáádóó déʼéyóní eʼasdzą́ą́ daazlı̨́įʼii índa tʼáá kin hadaasʼáhídę́ę́ʼ aląąjįʼ naazíinii áádóó ándahwiiʼaahii tʼáá bił bee há náhootʼaah góneʼ bił nijiikáah doo.
15 Éísahel biyeʼ Jánathan áádóó Tíkvah biyeʼ Jahéíziyah tʼéiyá díí bee nihootʼánígíí yikʼijįʼ nilı̨́ı̨́ nítʼééʼ, áko Miishálam áádóó Shábiithai, Líívai dineʼé nilı̨́įgo éí háká ahiʼnoolchą́ą́ʼ.
16 Ákohgo yisnááh danilı̨́ı̨́ nítʼééʼ yę́ę ákódáátʼįįd. Áádóó Ézra nááʼiiłniihii nilíinii éí hastóí aląąjįʼ naazíinii, dabizhéʼé yę́ę baʼáłchíní daʼahílchíihii bikʼehgo áádóó tʼáá ałtso dabízhiʼ bikʼehgo yitsʼéinínil. Éí neeznáá nídízííd binih łaʼa jı̨́ı̨́ góneʼ díí yaa nidaaskai yę́ę hazhóʼó bá nidazhdoołkah biniyé dashdineezbin.
17 Áko átsé nídízííd binih łaʼa jı̨́ı̨́ góneʼ diné tʼáá ałtso déʼéyóní hwedaʼasdzą́ą́ daazlı̨́įʼii ałtso bitsʼádajiiskai.
18 Áádóó náádaʼiiłniihii biyeʼké bitahgóó déʼéyóní hwedaʼasdzą́ą́ ádajiilaaígíí bééhoozin; éí Jázadak biyeʼ Jéshuwa biyeʼké áádóó bikʼisóó danilı̨́: Méíyasíyah áádóó Eliyíízer áádóó Jéírib índa Gedaláíyah daolyé.
19 Bidaʼasdzą́ą́ nahjįʼ kódeidoolíiłgo ádee hadahideesdzííʼ áádóó doo ákǫ́ǫ́ ádáátʼįįdii yee ádidahodiiltʼiʼgo bąą deenástsʼaaʼ nidanilkaadii łaʼ náádayiisniiʼ.
20 Áádóó Ímer baʼáłchíní daʼahílchíihii łaʼ: Hanéínai áádóó Zebadáíyah.
21 Héírim baʼáłchíní daʼahílchíihii łaʼ: Méíyasíyah, Iiláíjah, Shiiméíyah, Jiiháíyel índa Azáíyah.
22 Pásher baʼáłchíní daʼahílchíihii łaʼ: Íílaiyowíínai, Méíyasíyah, Íshmeiyel, Niithániyel, Jázabad índa Élasah.
23 Líívai dineʼé ałdóʼ łaʼ: Jázabad, Shímiyai, Kiiléíyah (éí Keláíta ałdóʼ bee wójí) áádóó Pethaháíyah, Júdah índa Eliyíízer;
24 dahataałii ałdóʼ łaʼ: Iiláíyashib áádóó dáńʼdítı̨́hí yaa ádahalyáanii łaʼ: Shálam áádóó Tíílem índa Yúrai.
25 Nááʼáłdóʼ Ízrel dineʼé łaʼ: Péírash baʼáłchíní daʼahílchíihii łaʼ: Ramáíyah, Jiizáíyah, Malkáíyah, Máíyamin, Eliiyéízar, Malkáíjah índa Biinéíyah.
26 Íílam baʼáłchíní daʼahílchíihii łaʼ: Matanáíyah, Zekaráíyah, Jiiháíyel, Ábdai, Jériimath índa Iiláíyah.
27 Zátu baʼáłchíní daʼahílchíihii łaʼ: Íílaiyowíínai, Iiláíyashib, Matanáíyah, Jériimath, Zéíbad índa Azáíza.
28 Bííbeiyai baʼáłchíní daʼahílchíihii łaʼ: Jiihohéínan, Hananáíyah, Zábeiyai índa Áthleiyai.
29 Béínai baʼáłchíní daʼahílchíihii łaʼ: Miishálam, Málak, Adéíyah, Jéíshab, Shíyal índa Réímath.
30 Péíhath-móʼab baʼáłchíní daʼahílchíihii łaʼ: Ádna, Kíílal, Biinéíyah, Méíyasíyah, Matanáíyah, Biizáliyel, Bínuwai índa Manáseh.
31 Héírim baʼáłchíní daʼahílchíihii łaʼ: Eliyíízer, Aisháíjah, Malkáíyah, Shiiméíyah, Shímiyan,
32 Bénjamin, Málak índa Shemaráíyah.
33 Héísham baʼáłchíní daʼahílchíihii łaʼ: Matiinéíyai, Mátathah, Zéíbad, Iilífalet, Jéremai, Manáseh índa Shímiyai.
34 Béínai baʼáłchíní daʼahílchíihii łaʼ: Méíyadai, Ámram, Yúwel,
35 Biinéíyah, Biidíyah, Kélu,
36 Vanáíyah, Mériimath, Iiláíyashib,
37 Matanáíyah, Matiinéíyai, Jeiyaséíyu,
38 Béínai, Bínuwai, Shímiyai,
39 Shelemáíyah, Néíthan, Adéíyah,
40 Maknádiibai, Shéíshai, Sharéíyai,
41 Azéíriyel, Shelemáíyah, Shemaráíyah,
42 Shálam, Amaráíyah índa Jóseph.
43 Nííbo baʼáłchíní daʼahílchíihii łaʼ: Jáíyel, Matitháíyah, Zéíbad, Ziibáína, Jéído, Jówel índa Biinéíyah kódaadzaa.
44 Díí tʼáá ádzíłtso déʼéyóní danilíinii hwedaʼasdzáá ádajiilaa yę́ę ádajitʼı̨́ áádóó łaʼ éí bidaʼasdzą́ą́ bá nidaʼiishchı̨́ı̨́ nítʼééʼ.