Ezra 2:1-70
2 Bábilan dineʼé aláahgo binanitʼaʼí Nébukadnézzar díí diné Bábilan kéyahgóó deisnáanii yisnááh danilı̨́ı̨́dę́ę́ʼ béédaʼiisniiʼgo Jerúsalemjįʼ índa Júdah kéyahgi tʼáá bí bikin haalʼáajįʼ tʼááłáʼí nítínígo ninádahaaskai.
2 Éí Zerábabel, Jéshuwa, Niihemáíyah, Siiréíyah, Riyeléíyah, Mórdiikai, Bílshan, Mízpar, Bígveiyai, Rííham índa Béíyanah daolyé.
Ízrel dineʼé bidiné danilíinii dayééltaʼgo éí
3 Péírash baʼáłchíní náás ahoolchíiłii naakidi mííldóó baʼaan tʼááłáhídi neeznádiindóó baʼaan tsostsʼidiindóó baʼaan naaki.
4 Shefatáíyah baʼáłchíní náás ahoolchíiłii táadi neeznádiindóó baʼaan tsostsʼidiindóó baʼaan naaki.
5 Éírah baʼáłchíní náás ahoolchíiłii tsostsʼidi neeznádiindóó baʼaan tsostsʼidiindóó baʼaan ashdlaʼ.
6 Péíhath-móʼab baʼáłchíní náás ahoolchíiłii éí Jéshuwa áádóó Jóʼab baʼáłchíní náás ahoolchíiłii naakidi mííldóó baʼaan tseebíidi neeznádiindóó baʼaan naakitsʼáadah.
7 Íílam baʼáłchíní náás ahoolchíiłii tʼááłáhídi mííldóó baʼaan naakidi neeznádiindóó baʼaan ashdladiindóó baʼaan dı̨́ı̨́ʼ.
8 Zátu baʼáłchíní náás ahoolchíiłii náhástʼéidi neeznádiindóó baʼaan dízdiindóó baʼaan ashdlaʼ.
9 Zákeiyai baʼáłchíní náás ahoolchíiłii tsostsʼidi neeznádiindóó baʼaan hastą́diin.
10 Béínai baʼáłchíní náás ahoolchíiłii hastą́ądi neeznádiindóó baʼaan dízdiindóó baʼaan naaki.
11 Bííbeiyai baʼáłchíní náás ahoolchíiłii hastą́ądi neeznádiindóó baʼaan naadiin tááʼ.
12 Ázgad baʼáłchíní náás ahoolchíiłii tʼááłáhídi mííldóó baʼaan naakidi neeznádiindóó baʼaan naadiin naaki.
13 Adonáíkam baʼáłchíní náás ahoolchíiłii hastą́ądi neeznádiindóó baʼaan hastą́diindóó baʼaan hastą́ą́h.
14 Bígveiyai baʼáłchíní náás ahoolchíiłii naakidi mííldóó baʼaan ashdladiindóó baʼaan hastą́ą́h.
15 Éídin baʼáłchíní náás ahoolchíiłii dı̨́įdi neeznádiindóó baʼaan ashdladiindóó baʼaan dı̨́ı̨́ʼ.
16 Éíter baʼáłchíní éí Heziikáíyah baʼáłchíní náás ahoolchíiłii náhástʼédiindóó baʼaan tseebíí.
17 Bíízeiyai baʼáłchíní náás ahoolchíiłii táadi neeznádiindóó baʼaan naadiin tááʼ.
18 Jórah baʼáłchíní náás ahoolchíiłii neeznádiindóó baʼaan naakitsʼáadah.
19 Héísham baʼáłchíní náás ahoolchíiłii naakidi neeznádiindóó baʼaan naadiin tááʼ.
20 Gíbar baʼáłchíní náás ahoolchíiłii náhástʼédiindóó baʼaan ashdlaʼ.
21 Béthlehem kin shijaaʼdóó diné neeznádiindóó baʼaan naadiin tááʼ.
22 Niitófa kin shijaaʼdóó diné ashdladiindóó baʼaan hastą́ą́h.
23 Ánathath kin haalʼáádóó diné neeznádiindóó baʼaan naadiin tseebíí.
24 Azméíveth hazʼánídóó diné dízdiindóó baʼaan naaki.
25 Kíriyath-éírim, Kiifáírah índa Biyérath kin naazhjaaʼdóó diné tsostsʼidi neeznádiindóó baʼaan dízdiindóó baʼaan tááʼ.
26 Réímah áádóó Géíba kin haalʼáádóó diné hastą́ądi neeznádiindóó baʼaan naadiin łaʼ.
27 Míkmas hazʼánídóó diné neeznádiindóó baʼaan naadiin naaki.
28 Béthel índa Éíʼai kin haalʼáádóó diné naakidi neeznádiindóó baʼaan naadiin tááʼ.
29 Nííbo kin shijaaʼdóó diné ashdladiindóó baʼaan naaki.
30 Mágbish kin shijaaʼdóó diné neeznádiindóó baʼaan ashdladiindóó baʼaan hastą́ą́h.
31 Náánáłaʼ Íílam nááhoolyéédóó diné tʼááłáhídi mííldóó baʼaan naakidi neeznádiindóó baʼaan ashdladiindóó baʼaan dı̨́ı̨́ʼ.
32 Héírim hazʼánídóó diné táadi neeznádiindóó baʼaan naadiin.
33 Lad, Héídid índa Óno kin naazhjaaʼdóó diné tsostsʼidi neeznádiindóó baʼaan naadiin ashdlaʼ.
34 Jériko kin haalʼáádóó diné táadi neeznádiindóó baʼaan dízdiindóó baʼaan ashdlaʼ.
35 Siinéíyah hazʼánídóó diné táadi mííldóó baʼaan hastą́ądi neeznádiindóó baʼaan tádiin.
36 Náádaʼiiłniihii: Jéshuwa bighandóó Jedéíyah baʼáłchíní náás ahoolchíiłii náhástʼéidi neeznádiindóó baʼaan tsostsʼidiindóó baʼaan tááʼ.
37 Ímer baʼáłchíní náás ahoolchíiłii tʼááłáhídi mííldóó baʼaan ashdladiindóó baʼaan naaki.
38 Pásher baʼáłchíní náás ahoolchíiłii tʼááłáhídi mííldóó baʼaan naakidi neeznádiindóó baʼaan dízdiindóó baʼaan tsostsʼid.
39 Héírim baʼáłchíní náás ahoolchíiłii tʼááłáhídi mííldóó baʼaan tsostsʼidtsʼáadah.
40 Líívai dineʼé: Hodaváíyah baʼáłchíní náás ahoolchíiłii łaʼ Jéshuwa índa Kádmiyel baʼáłchíní náás ahoolchíiłii tsostsʼidiindóó baʼaan dı̨́ı̨́ʼ.
41 Dahataałii éí Éísaf baʼáłchíní náás ahoolchíiłii tʼááłáhídi neeznádiindóó baʼaan naadiin tseebíí.
42 Aańdaditı̨́hí yaa ádahalyáanii badaʼáłchíní: Shálam, Éíter, Tálman, Ákab, Hatáíta, Shóbai badaʼáłchíní náás daʼahílchíihii éí tʼáá ałtso tʼááłáhídi neeznádiindóó baʼaan tádiindóó baʼaan náhástʼéí.
43 Kin biiʼ sohodizingi yindaalʼaʼii Néthinim wolyéii: Záíha, Hashúfa índa Tabéíyath badaʼáłchíní náás daʼahílchíihii,
44 Kííras, Sáíyah índa Péídan badaʼáłchíní náás daʼahílchíihii,
45 Lébanah, Héígabah índa Ákab badaʼáłchíní náás daʼahílchíihii,
46 Héígab, Shálmai índa Héínan badaʼáłchíní náás daʼahílchíihii,
47 Gídel, Géíhar índa Riyéíyah badaʼáłchíní náás daʼahílchíihii,
48 Ríízin, Niikóda índa Gázam badaʼáłchíní náás daʼahílchíihii,
49 Ázza, Pasíyah índa Bíísai badaʼáłchíní náás daʼahílchíihii,
50 Ásnah, Miihúnim índa Nefúsim badaʼáłchíní náás daʼahílchíihii,
51 Bákbak, Hakúfa índa Hárhur badaʼáłchíní náás daʼahílchíihii,
52 Bázlath, Miiháída índa Hársha badaʼáłchíní náás daʼahílchíihii,
53 Bárkas, Sísera índa Téímah badaʼáłchíní náás daʼahílchíihii,
54 Niizáíyah índa Hatáífa baʼáłchíní náás ahoolchíiłii.
55 Sálaman bá nidaalʼaʼí badaʼáłchíní náás daʼahílchíihii: Sótai, Sófiireth índa Piiráída badaʼáłchíní náás daʼahílchíihii,
56 Jéíyalah, Dárkan índa Gídel badaʼáłchíní náás daʼahílchíihii,
57 Shefatáíyah, Hátil, Ziibéíyimdę́ę́ʼ naagháii Pókiireth índa Éímai badaʼáłchíní náás daʼahílchíihii.
58 Kin biiʼ sohodizingi yindaalʼaʼii Néthinim tʼáá átʼé áádóó Sálaman bá nidaalʼaʼí baʼáłchíní náás ahoolchíiłii táadi neeznádiindóó baʼaan náhástʼédiindóó baʼaan naaki.
59 Tel-míílah kin shijaaʼdę́ę́ʼ, Tel-hársa kin shijaaʼdę́ę́ʼ, Kíírab hazʼánídę́ę́ʼ, Ádan hazʼánídę́ę́ʼ áádóó Ímer hazʼánídę́ę́ʼ nidahaaskaígíí dabizhéʼé yę́ę dabikʼéí áádóó badaʼáłchíní náás daʼahílchíihii, doodaiiʼ Ízrel dineʼé daatsʼí danilı̨́, éí naaltsoos bee hwéédahózinígíí hwee ádaadin.
60 Diiléíyah, Tobáíyah índa Niikóda badaʼáłchíní náás daʼahílchíihii hastą́ądi neeznádiindóó baʼaan ashdladiindóó baʼaan naaki.
61 Áádóó náádaʼiiłniihii badaʼáłchíní: Habéíyah áádóó Kaz baʼáłchíní náás ahoolchíiłii índa Barziléíyai baʼáłchíní náás ahoolchíiłii; éí Gíliyad dineʼé nilíinii Barziléíyai bitsiʼké łaʼ beʼasdzą́ą́ áyiilaa nítʼééʼ, tʼáá éí dabízhiʼ bee hoʼdójíí nítʼééʼ.
62 Éí badaʼáłchíní náás daʼahílchíihii dabízhiʼ naaltsoos bikááʼ ádaalyaaígíí hazhóʼó naaskáaʼgo háí ádaatʼínígíí doo hózhǫ́ bééhózin da. Éí bąą doo dazhdiyingóó haa nitsáhákeesgo náádaʼiiłniihii tʼáadoo bił dahodééltaʼ da.
63 Naatʼáanii* ábíłní, Tʼáá haʼátʼíhída dadiyinii tʼáadoo daohsání doo; tʼáá hazhóʼó nááʼiiłniihii éí Yúrim áádóó Thámmim hazhóʼó yikʼeh áhoołʼįįhgo tʼéiyá.
64 Dah yinéłígíí tʼáá átʼégo dízdiindóó baʼaan naakidi mííldóó baʼaan táadi neeznádiindóó baʼaan hastą́diin ánéelą́ą́ʼ.
65 Áádóó diné há nidaalʼaʼígíí índa chʼikę́ę́h há nidaalʼaʼígíí tsostsʼidi mííldóó baʼaan táadi neeznádiindóó baʼaan tádiindóó baʼaan tsostsʼid ánéelą́ą́ʼ, áádóó hatahdóó éí diné índa asdzání dahataałígíí naakidi neeznádiin.
66 Dabilı̨́ı̨́ʼ éí tsostsʼidi neeznádiindóó baʼaan tádiindóó baʼaan hastą́ą́h; dabidzaanééz éí naakidi neeznádiindóó baʼaan dízdiindóó baʼaan ashdlaʼ.
67 Ghą́ą́ʼaskʼidii éí dı̨́įdi neeznádiindóó baʼaan tádiindóó baʼaan ashdlaʼ; dabitélii éí hastą́ądi mííldóó baʼaan tsostsʼidi neeznádiindóó baʼaan naadiin.
68 Dahazhéʼé yę́ę baʼáłchíní aląąjįʼ naazíinii łaʼ Jerúsalem kin haalʼáagi Bóhólníihii bikin biiʼ sohodizinjįʼ nidahaaskaigo Diyin God bikin bá hazʼánígi áńdazhdoodlííł biniyé tʼáá bí ádeinízingo yee adahaazhjéʼígíí nidayiizhjaaʼ.
69 Diyin God bikin bee bindaʼdoonish biniyé tʼáá yídaneelʼánígíí bikʼehgo yódí hashtʼeʼnidayiizhjaaʼ: óola tʼááłáhídi mííldóó baʼaan hastą́diin dah hidiidloh, béésh łigaii éí ashdladi mííl dah hidiidloh índa nááʼiiłniihii biʼéénééz éí tʼááłáhídi neeznádiin.
70 Náádaʼiiłniihii áádóó Líívai dineʼé danilíinii áádóó diné náádaałaʼ áádóó dahataałii áádóó dáńʼdítı̨́hí yaa ádahalyáanii índa kin biiʼ sohodizin yindaalʼaʼii Néthinim wolyéii dabikin hadaasʼáago ákwii kéédahatʼı̨́ı̨́ nítʼééʼ, áádóó Ízrel dineʼé tʼáá ałtso dabikin hadaasʼáagi kéédahatʼı̨́ı̨́ nítʼééʼ.
Footnotes
^ Naatʼáanii éí Pérzha dineʼé bizaad kʼehjígo Tershéítha jiníigo óolyé.
