Genesis 36:1-43
36 Díidí Íísa baʼáłchíní náás daʼahílchíihii ádaatʼı̨́ (Íísa éí Íídam ałdóʼ wolyé).
2 Íísa éí Kéínan dineʼé bitsiʼké baʼákéí áyiilaa: Het dineʼé Íílan bitsiʼ Éídah wolyéii áádóó Háíva dineʼé Zíbiyan bitsiʼ Éínah wolyéii bichʼéʼé Ahólibéíma wolyéii
3 índa Íshmeiyel bitsiʼ Niibéíyath bilah Báshiimath wolyéii baʼákéí áyiilaa.
4 Áko Éídah éí Élifaz wolyéii Íísa yá yishchı̨́, áádóó Báshiimath éí Rúwel yishchı̨́,
5 índa Ahólibéíma éí Jííʼash áádóó Jéíyalam índa Kórah niyiishchı̨́; díidí Íísa biyeʼké ádaatʼı̨́; kéyah Kéínan biyiʼ bá niheezhchı̨́.
6 Áádóó Íísa baʼákéí áádóó biyeʼké áádóó bitsiʼké índa bił nijikaígíí tʼáá ałtso áádóó bibéégashii índa bilı̨́ı̨́ʼ áádóó Kéínan kéyahdóó hwee hazlı̨́ʼígíí náájíizhchidgo hatsilí Jéíkab bitsʼą́ą́ʼ náánáłaʼ kéyahgóó dashdiiná.
7 Háálá jitʼínígíí tʼóó ahayóigo biniinaa tʼáá łaʼ kééhojitʼı̨́į dooleełígíí doo bohónéedzą́ą da, áádóó éí kéyahgi déʼéyóní dajílı̨́įgo halı̨́ı̨́ʼ tʼáá átʼé doo bohóoghah da.
8 Íísa éí Dził Síyerdi kééhatʼı̨́; Íísa tʼáá éí Íídam wolyé.
9 Díí éí Dził Síyerdi Íísa éí Íídam dineʼé yizhéʼé nilíinii baʼáłchíní náás daʼahílchíihii ádaatʼı̨́.
10 Áko Íísa biyeʼké kódaolyéé nítʼééʼ: Íísa beʼasdzą́ą́ Éídah biyáázh Élifaz wolyéii áádóó Íísa beʼasdzą́ą́ Báshiimath biyáázh Rúwel wolyéii.
11 Élifaz biyeʼké éí Tííman áádóó Ómar áádóó Zíífai áádóó Géítam índa Kíínez daolyé.
12 Áko Tímna éí Íísa biyeʼ Élifaz beʼasdzą́ą́ yíłʼíní jílı̨́; Ámalek éí Élifaz yá yishchı̨́; díí éí Íísa beʼasdzą́ą́ Éídah biyáázhké ádaatʼı̨́.
13 Áádóó Rúwel biyeʼké: Néíhath áádóó Zíírah áádóó Shámmah índa Mízzah daolyé; díí éí Íísa beʼasdzą́ą́ Báshiimath biyáázhké ádaatʼı̨́.
14 Áko Zíbiyan wolyéii bitsiʼ Éínah hachʼéʼé Ahólibéíma éí Íísa beʼasdzą́ą́ nilı̨́, áko díí Ahólibéíma biyáázhké ádaatʼı̨́: Jííʼash áádóó Jéíyalam índa Kórah éí Íísa yá niyiishchı̨́.
15 Díí Íísa biyeʼké naatʼáanii danilı̨́: Íísa bá alą́ąjįʼ yizhchínígíí Élifaz biyeʼké éí naatʼáanii Tííman áádóó Ómar áádóó Zíífai áádóó Kíínez
16 áádóó Kórah áádóó Géítam índa Ámalek daolyé. Díí tʼáá ałtso naatʼáanii danilı̨́įgo Íídam kéyahdi Élifaz baʼáłchíní náás daʼahideeshchíinii danilı̨́; díí tʼáá ałtso Éídah binálíké ádaatʼı̨́.
17 Índa díí Íísa biyeʼ Rúwel biyeʼké naatʼáanii danilı̨́: naatʼáanii Néíhath áádóó Zíírah áádóó Shámmah índa Mízzah; éí Íídam kéyahdi Rúwel baʼáłchíní náás daʼahideeshchíinii danilı̨́; éí Íísa beʼasdzą́ą́ Báshiimath binálíké ádaatʼı̨́.
18 Díí Íísa beʼasdzą́ą́ Ahólibéíma biyáázhké; naatʼáanii Jííʼash áádóó Jéíyalam índa Kórah daolyé; éí tʼáá ałtso naatʼáanii danilı̨́; díí éí Éínah bichʼéʼé Ahólibéíma Íísa beʼasdzą́ą́ bitsʼą́ą́dóó naatʼáanii chʼéheeskaígíí ádaatʼı̨́.
19 Díidí Íísa, tʼáá éí Íídam wolyéego biyeʼ ádaatʼı̨́; tʼáá éí naatʼáanii danilı̨́.
Síyer bitsʼą́ą́dóó adideezhchíinii (1Chr. 1:38-42)
20 Díí Síyer wolyéii Hor dineʼé nilíinii biyeʼké éí kéyahdi kéédahatʼíinii danilı̨́: Lótan áádóó Shóbal áádóó Zíbiyan áádóó Éínah
21 áádóó Dáíshon áádóó Íízar índa Dáíshan ádaatʼı̨́; díí éí Síyer baʼáłchíní Íídam kéyahdi Hor dineʼé binanitʼaʼí danilı̨́.
22 Lótan baʼáłchíní éí Hórai índa Híímam wolyé áádóó Lótan bilah éí Tímna wolyé.
23 Díí Shóbal baʼáłchíní: Álvan áádóó Mánahath áádóó Ííbal áádóó Shíífai índa Ónam daolyé.
24 Díí éí Zíbiyan biyeʼké: Éíyah índa Éínah wolyé; díí Éínah halgaidi bizhéʼé Zíbiyan bitélii neiniłkaadgo tó sidoh háálı̨́įgo yikʼíníyáhígíí átʼı̨́.
25 Díí éí Éínah baʼáłchíní: biyeʼ Dáíshon wolyé índa bitsiʼ Ahólibéíma wolyé.
26 Díí Dáíshon biyeʼké ádaatʼı̨́: éí Hémdan áádóó Éshban áádóó Íthran índa Kííran daolyé.
27 Díí Íízer baʼáłchíní ádaatʼı̨́: éí Bílhan áádóó Zéíyavan índa Éíkan daolyé.
28 Índa Dáíshan baʼáłchíní éí Uz índa Éíran wolyé.
29 Díí Hor dineʼé binanitʼaʼí danilı̨́: Lótan áádóó Shóbal áádóó Zíbiyan áádóó Éínah
30 áádóó Dáíshon áádóó Íízer índa Dáíshan daolyé; díí Síyer kéyahdi Hor dineʼé bitsʼą́ą́dóó naatʼáanii danilı̨́.
Íídamdóó aláahgo naatʼáanii danilíinii (1Chr. 1:43-54)
31 Tʼah doo Ízrel dineʼé binanitʼaʼí haleehdą́ą́ʼ Íídam kéyahdi díí aláahgo naatʼáanii danilı̨́ı̨́ nítʼééʼ.
32 Bíyor biyeʼ Bííla éí Íídam kéyahgi naatʼáanii nilı̨́ı̨́ nítʼééʼ; bikin haalʼáhígíí éí Dínhabah hoolyéé nítʼééʼ.
33 Áádóó Bííla daaztsą́ągo bitsáskʼehgi Bázra kin haalʼáádę́ę́ʼ Zíírah biyeʼ Jóbab aláahgo naatʼáanii náánídlı̨́ı̨́ nítʼééʼ.
34 Áádóó Jóbab daaztsą́ągo bitsáskʼehgi Hósham éí Tííman dineʼé bikéyahdóó naagháago aláahgo naatʼáanii náánídlı̨́ı̨́ nítʼééʼ.
35 Áádóó Hósham daaztsą́ągo bitsáskʼehgi Bíídad biyeʼ Héídad wolyéii Móʼab halgaigi Mídiyan dineʼé yikʼeh deesdlı̨́ı̨́ʼ yę́ę aláahgo naatʼáanii náánídlı̨́ı̨́ nítʼééʼ; éí bikin haalʼáago Éívith hoolyéé nítʼééʼ.
36 Héídad daaztsą́ągo bitsáskʼehgi Mazrííkah hoolyéédóó Sámlah aláahgo naatʼáanii náánídlı̨́ı̨́ nítʼééʼ.
37 Sámlah daaztsą́ągo bitsáskʼehgi Saul éí Riihóbath tooh bibąąhdóó naagháago aláahgo naatʼáanii náánídlı̨́ı̨́ nítʼééʼ.
38 Saul daaztsą́ągo bitsáskʼehgi Ákbor biyeʼ Béíyal-héínan aláahgo naatʼáanii náánásdlı̨́ı̨́ʼ.
39 Ákbor biyeʼ Béíyal-héínan daaztsą́ągo bitsáskʼehgi Héídad aláahgo naatʼáanii náánásdlı̨́ı̨́ʼ; bikin haalʼáhígíí éí Péíyu hoolyéé nítʼééʼ áádóó beʼasdzą́ą́ éí Mézeihab bitsiʼ Méítred bichʼéʼé Mehétabel wolyéé nítʼééʼ.
40 Áko díí Íísa bitsʼą́ą́dóó naatʼáanii danilı̨́įgo badaʼáłchíní áádóó bił dah nahazʼą́ índa dabízhiʼ bikʼehgo chʼéheeskai; éí Tímna áádóó Álvah áádóó Jíítheth
41 áádóó Ahólibéíma áádóó Íílah áádóó Pínon
42 áádóó Kíínez áádóó Tííman áádóó Míbzar
43 áádóó Mágdiyel índa Áíram daolyé; díí tʼáá ałtso naatʼáanii danilı̨́ı̨́ nítʼééʼ; Íídam kéyahdi, tʼáá bí bikéyahdi kéédahatʼı̨́ı̨́ nítʼééʼ; díí Íísa éí Íídam dineʼé yizhéʼé nilı̨́.
