Habakkuk 3:1-19
3 Diyin God yá halneʼii Habákak bisodizin Shigiyónoth bikʼehgo bee hatáál.
2 Bóhólníihii nílíinii, naa haneʼgo disétsʼą́ąʼgo néésísdzííd.Bóhólníihii nílíinii, nináháháhígíí ałnííʼgóó hoolzhishgo ninaanish ániidí áńdíídlííł.Nináháháhígíí ałnííʼgóó hoolzhishgo ninaanish bééhózingo áńdíídlííł.Náháchįįhgo neʼaʼáhí hasin béénílniih doo.
3 Tíímandę́ę́ʼ* Diyin God honíleʼ,áádóó Dził Péíran* hoolyéédę́ę́ʼDiyin Nilíinii níyá. SíilahYee ayóó átʼéii éí yótʼááhhiníláii yikʼi dah yiskaad,áádóó nahasdzáán nidahoneesʼą́ą́góó bee baa haʼniih.
4 Bee bitsʼádiʼnílíidii adinídínígi átʼé.Bílákʼeedóó shá bitłʼóól hanoolzheeʼ;ákweʼé lą́ą bibee adziilii hólónígíí doo yitʼı̨́į da.
5 Bitsijįʼ honíłniiʼ áádóó bikéédę́ę́ʼ naałniih níłniiʼ.
6 Yiizįʼgo nahasdzáán yikááʼgóó haʼíísid,áko naazghalgo ałʼąą dineʼé bitah dahoditłid;tʼáá ałkʼidą́ą́ʼ dził naaznilii dahidiitaaʼ;tʼáá ałkʼidą́ą́ʼ dah daaskʼidii yaa ádaadzaa.Yee átʼéii éí hoolʼáágóó hólǫ́.
7 Kúshan kéyahgi níbaal yiiʼ kéédahatʼíinii nitseekaigoáádóó Mídiya dineʼé bikéyahgi dah naʼazbaalígíí daditłidgo yiiłtsą́.
8 Łı̨́ı̨́ʼ bee nidaʼabaahii áádóó nitsindaabąąs bijáád naakiígíí bee yisdáʼiildéehii bee nanibaah yę́ędą́ą́ʼ,Bóhólníihii nílíinii, tooh danílínígíísh bichʼįʼ doo nił hóózhǫǫd da?Daʼ tooh danílínígíísh bichʼįʼ náhóóchįįd?Doodaiiʼ tónteel siyínígíísh bichʼįʼ hashké ninidzı̨́ı̨́ʼ?
9 Neʼełtı̨́ı̨́ʼ bááʼdooltsoozgo yee atíʼdoolíiłii yee ádee haadzííʼ. SíilahTooh danílínígíí bee nahasdzáán bikááʼ dabikooh áhwiinilaa.
10 Dził daniiłtsą́ągo bitah dahoditłid,tó dááląądígíí ayóó ádeitsʼaʼgo adahaaznaʼ.
11 Jı̨́honaaʼéí áádóó tłʼééhonaaʼéí éí kʼaaʼ beʼadinídíiniiáádóó nitsiidétáán bee iʼdíídláadgo yiyiiłtsą́ągo tʼáá ákǫ́ǫ́ niiltłah.
12 Kéyahgóó hashké ninidzı̨́įʼgo hadininá;ałʼąą dineʼé bikʼi nisíníyáago náhóóchįįdii bee yishíníłchʼiiʼ.
13 Nidineʼé yisdáhidookah biniyé yíníyá;tʼáá éí déínísı̨́įʼii yisdáhidookah biniyé yíníyá.Doo yáʼádaashóonii bighandóó atsijįʼ naazíinii dashíníłjizh;bikʼaiʼdóó bikʼosjįʼ ałtso yíníłchxǫʼ. Síilah
14 Biʼanadaʼałʼíinii tʼáá bí bitsiidétáán bitsiitsʼiin bighá dasínísiʼ.Náátsʼóʼoołdísiitsoh nahalingo tanihiidooghas biniyé shaatįįh náásą́. Tʼáá nahontʼinee badahojoobáʼíii deildeełiigi átʼéego bił nidahoozhǫǫh.
15 Tónteel éí ayóó átʼéego yilkʼoołgo bikááʼ haʼnaa łı̨́ı̨́ʼ nił niikai.
16 Tʼóó disétsʼą́ʼígo bikʼeeshitsą́ hoditłid silı̨́ı̨́ʼ,áko iinééʼ tʼóó disétsʼą́ʼígo shidiisnáaʼgo bikʼee shidaaʼ ditłid,shitsʼin dííłdzid nahalingo doo shidziil da sélı̨́ı̨́ʼáádóó bikʼee tʼáá íiyisí shitah hoditłid.Nidi diné yighadahodidootʼááł biniyébisiláo yił nídooséłígíí bichʼįʼ nidahodiyooʼnaałbeiníłką́ bijı̨́ı̨́ góneʼ haʼóshníigo bibaʼ áníshtʼée doo.
17 Azhą́ fig sikaadígíí bizóól doo bąąh nídahasdlı̨́įʼ da nidi,áádóó chʼil naʼatłʼoʼii bineestʼąʼ doo bąąh nídahasdlı̨́įʼ da nidi,áádóó áliv sikaadígíí bineestʼąʼ doo bąąh nídahasdlı̨́įʼ da nidi,áádóó dádaʼakʼehgóó chʼiyáán tʼáadoo nídahasdlı̨́įʼ da nidi,áádóó dibé bighangi dibé doo łaʼ yidzíiʼ da nidi,índa béégashii nídaʼałchoshígi béégashii doo łaʼ naagháa da nidi,
18 ákondi Bóhólníihii tʼahdii baa shił nihoozhǫǫh doo,Diyin God bee yisdááyáii baa shił hózhǫ́ǫ doo.
19 Bóhólníihii Diyin God bee shidziilii nilı̨́,bįįhtsaʼii dilwoʼígi átʼéego shikeeʼ bee doo shił nahontłʼagóóáádóó shiʼaghádahazʼáágóó naasháago áshósin.
