Hosea 3:1-5
3 Áko Bóhólníihii áshidííniid, Azhą́ Ízrel dineʼé éí diyin dabidiʼníinii yichʼįʼ nidahałáa nidi, áádóó chʼil naʼatłʼoʼii ahídiiłjéeʼii bił ayóó ádahootʼée nidi,* Bóhólníihii ayóóʼábóʼnínígi átʼéego ni ałdóʼ nílááh, asdzání bichʼooní ayóóʼábóʼníinii, azhą́ adiléii nidi, ayóóʼííníʼníi doo biniyé nídiiłteeh.
2 Béésh łigaii shékel wolyéii ashdlaʼáadah bíighahgo áádóó tłʼoh naadą́ą́ʼ bideeʼí hastą́ą́h azis bee hééł bíighahgo bee ádá náhoyéłniiʼ.
3 Áádóó áhodííniid, Tʼáá shił síníkéego tʼóó ahayóí yidoołkááł; tʼáadoo ałjiłnii nílíní doo, doo nidi diné łaʼ nínáádidííłtéeł da. Áko shí ałdóʼ ákóníshtʼée doo.
4 Áko aláahgo naatʼáanii tʼáágééd, naatʼáanii tʼáágééd, nááhániihii tʼáágééd, tsé bichʼįʼ nahadláii tʼáágééd, íífad wolyéii tʼáágééd, edaʼalyaii bichʼįʼ nahadláii tʼáágééd Ízrel dineʼé kééhatʼı̨́įgo tʼóó ahayóí yidoołkááł.
5 Áádóó bikʼijįʼ Ízrel dineʼé éí nináhidookahgo Bóhólníihii Diyin God nilíinii áádóó David aláahgo naatʼáanii nilíinii hadeintáa doo índa náás hoolzhishdi Bóhólníihii áádóó bijoobaʼ yichʼįʼ dah nidahididookahgo deidósin doo.
Footnotes
^ Diyin dabidiʼníinii Béíyal wolyéii bichʼįʼ nááyiiłniih.