Job 10:1-22
10 Shiiʼ sizíinii sheʼiinaʼ yijoosłxááʼ;tʼáá shí ádaa saad honishłónígíí doo tʼáá áásésįįd da;shiiʼ sizíinii bił niiłchʼiihgo hahideesdzih.
2 Diyin God ábidideeshniił, Doo shá nihodííʼáał da.Haʼátʼíí biniyé doo ákǫ́ǫ́ shikʼijįʼ ánítʼé?Bee shił hólneʼ.
3 Diné bide áhwíínísingo áádóó binishínílnishígíí niʼı̨́įgoínda diné doo yáʼádaashóonii yindahaʼáii bichʼijí nílı̨́įgoósh nił yáʼátʼééh?
4 Atsʼíís kʼehgoósh ninááʼ hólǫ́?Doodaiiʼ diné ooʼínígi átʼéegoósh ííníʼı̨́?
5 Diné bíyoołkáłígi átʼéegoósh níyoołkááł?Índa diné bee nináháháhígi átʼéegoósh nee nináháhááh;
6 biniinaa doo ákwii áátʼįįdii naniłkaaháádóó ádił asésiihígíí hazhóʼó hanisííd?
7 Ákondi diné doo yáʼáshóonii doo nishłı̨́ı̨́góó nił bééhózináádóó doo nighaʼódléłí da.
8 Tʼáá sézı̨́ı̨́ nítʼééʼ shitsʼáozʼaʼ dahólǫ́ǫgo áshiinilaa,nidi tíhodideeshłííł shííníʼní.
9 Nánooshkąąh, hashtłʼish bee áshiinilaaígíí béénílnííh.Daʼ ákoósh łeezh dibahí ánáshídléeh doo?
10 Abeʼ yajiiziid nahalingo yashiiniziid,áádóó géeso ályaaígi átʼéego áshiinilaa.
11 Shikágí shitsʼíís bikʼi nííníłkaad,áádóó tsʼin bee ahą́ą́h dashidínínilgo atsʼid bee ahídadiniłkad.
12 Hinishnáago índa shichohaʼníigo shaa nitsíníkeesgo áshíínísin nítʼééʼ;shiníłchʼi baa áhólyánígíí bee kónízahgóó hinishná.
13 Nidi díí nijéí biiʼ nídadííníłʼı̨́ı̨́ʼ,áko díí biniyé ánítʼíinii shił bééhózin;
14 éí ádił niʼiisíihgo shaa ákonínízin,áádóó doo ákwii áátʼįįdii doo shá nahjįʼ kwáálíił da.
15 Doo yáʼáshóonii nishłı̨́įgo hatihíláaneʼgo shá hazʼą́;tʼáá ákogi áníshtʼéego doo de dah dínéeshtʼáał da.Atíshiʼdoolʼįįdígíí bąą tʼóó shił haada; éí bąą tiʼhooshʼníihgo sídáhígíí níníłʼı̨́.
16 Jó, shide ádzaago nááshdóítsoh bitsiijįʼ daditłʼooii naalzheeh nahalingo shíkanítááádóó tʼóó bidaʼayóii bee shikʼijįʼ nanilnish.
17 Ná dahalneʼí shikʼijįʼ danilı̨́įgo ánáádlííł,áádóó shikʼijįʼ nánáháchįįhígíí tʼóó hoonaał;anaʼí ániidiígíí shichʼįʼ ałnááhííʼnił.
18 Haʼátʼíishąʼ biniyé shiʼdizhchı̨́?Tʼáadoo łaʼda shiiłtséhé tʼóó dasétsą́ą laanaa nisin.
19 Tʼáadoo hosélı̨́ı̨́ʼgóó tʼóó áníshdin doo nítʼééʼ;tʼóó shiʼdizhchı̨́ı̨́dóó łeshiʼdooltı̨́į doo nítʼééʼ.
20 Doo ląʼí shiidoołkáał da; tʼáadoo yeeʼ shaa nánítʼíní,áko haʼíídéeshniiłgo háádeeshyįh nisin;
21 tʼah doo dah nídiishdááhdą́ą́ʼ háádeeshyįh;áadi índa doo nídeeshdááłgóó kéyah chahałheeł biiʼgóó áádóó anoonééł chahaʼoh biiʼgóó deeshłeeł.
22 Éí kéyah hodiłhiłii tsʼídá hodiłhiłgo hazhóodii átʼé,áádóó anoonééł chahaʼoh biiʼ tʼáá ałtsoní ił ałtaa násʼnil,índa áadi adinídíinii chahałheełígíigi átʼé.
