Job 11:1-20
11 Ákohgo Néíyama hoolyéédę́ę́ʼ Zófar wolyéii ánááhodooʼniidgo ání,
2 Diné akónéelą́ąʼgo yáłtiʼgoósh bichʼįʼ saad doo nátʼą́ą́ʼ ninádootʼáał da nítʼééʼ?Índa diné ayóo yáłtiʼiísh, Tʼáá ákogi ánítʼé, bidiʼníi doo?
3 Haʼdíłchʼałgoósh diné yikʼee dahidiiłheeł doo?Índa tʼóó ánahółtʼiʼgoósh diné łaʼ doo ádaa yánínídzingo ándoolíił da?
4 Jó, ádíní, Naʼnishtinígíí tsʼídá tʼáadoo bee bąąh dah hazʼání daáádóó ninááł tʼáá íiyisí yáʼáníshtʼééh.
5 Dooládóʼ Diyin God nichʼįʼ yáołtiʼ laanaa nisin,áádóó nikʼijįʼ hadoodzihgo
6 tʼáá bí tʼéiyá bee hódzáanii ááhyiłníinii ahą́ą́h nániiláago nił ííshją́ą́ áyólééh laanaa.Éí bąą díí baa ákoniizįįh: Diyin God doo ákwii ánítʼínígíí biniinaa atínídoolííł nítʼéʼígíí tʼáá biʼoh góneʼ atíníłʼı̨́.
7 Daʼ hazhóʼó naniłkaahgo Diyin God átʼéiísh nił bééhodoozįįł?Aláahgo Ayóóʼábóodziilii nabikʼítsíníłkeesgo bił nidahoneesʼą́ą́góósh nił bééhodoozįįł?
8 Éíyeeʼ yádiłhił biláahdi hólóonii óolyé; nishąʼ éí haʼátʼíí bíninilʼą́?Áádóó chʼı̨́įdiitah bilááh góyaa nidi ayóó átʼé; nishąʼ, haʼátʼéego nił bééhózin doo?
9 Átʼéiigi nahasdzáán bilááhgóó áníłnééz,áádóó tónteel áníłtélígíí bilááh áníłtéél.
10 Diyin God niiłtsoodgo yah anííłtʼeʼgo naa nídóotʼįįłjįʼ aníílóozgoháishąʼ bidínóołtłʼah?
11 Jó, Diyin God éí diné tʼáadoo biniyéhígóó nidaakaii yééhósin;doo ákwii éʼétʼéii ałdóʼ yiyiiłtséehgo yiníłʼı̨́.Daʼ éísh doo yaa nitsíkees da doo?
12 Télii ałchinii biyázhí doo átʼíínígóó diné nilı̨́įgo yichíihgo doo bohónéedzą́ą da;éigi átʼéego diné doo áhályáanii doo hodooyąął da.
13 Nijéí bee yáʼátʼéehgo tsíńdííníkéezgoáádóó Diyin God bichʼįʼgo dah díílnihgo
14 doo ákwii ádaatʼéii niiʼ hólǫ́ǫ́ ládą́ą́ʼ, éí doo deeghánígóó átsʼádinítʼaah,áádóó tʼááká doo yáʼádaashóonii nighangi hólóníi laʼ.
15 Áko lá índa tʼáá aaníí tʼáadoo haada níínílniní de ádííníił ni,áádóó doo áchʼįʼ naʼíínídlíígóó doo nił yéeʼ da doo.
16 Háálá nichʼįʼ nahwiiłnánígíí beidiyíínah;tó íínaʼígíí nahalingo doo béénílniih da doo.
17 Áádóó ałnéʼéʼáahgo hoolʼinígíí bilááh átʼéego adinídííngóó hinínáa doo;bikʼee nił chahałheełígíí abínígo nee haʼííʼánígíigi átʼée doo.
18 Áko nidziih doo, háálá ná chohooʼı̨́ hólǫ́;tʼáá aaníí ánaagóó haʼísíid doo índa hasih hazʼą́ągi háánílyı̨́įh doo.
19 Áádóó nínítı̨́įgo łaʼda doo tsíńdidoołhis da,áádóó ląʼí shichʼoníníi doo daaníigo nídanookąąh doo.
20 Diné doo yáʼádaashóonii doo daʼooʼı̨́į da dadooleeł,índa tʼáá haʼátʼéegoda tsʼídá doo yisdádahizhdookah da,áádóó diné ádazhdoodįįłígíí bee hoł chodahooʼı̨́.
