Job 12:1-25
12 Áko Job ánááhodooʼniidgo ání,
2 Tʼáá aaníí nihí tʼéiyá diné danohłı̨́,índa dasinoonáago hódzą́ tʼáá nihił ádoodįįł.
3 Tʼáá nihígi átʼéego akʼidiʼyiishtįįh; doo nihiʼohgo áníshtʼée da.Tʼáá aaníí, háishąʼ díigi ádaatʼéhígíí doo bił bééhózin da?
4 Diné yił kééhatʼíinii tʼóó bá nahałtʼiʼii nahonishłingoDiyin God bichʼįʼ sonídíszįįhgo shichʼįʼ éénáhoosįįh;diné tʼáá ákwii átʼéii, éí tʼáá ákóneʼ átʼéii yeeʼ nilı̨́įgo, éí tʼóó baa oodloh.
5 Doo bide ádahootʼéhígíí éí achʼįʼ nahwiiʼná deiʼı̨́įgotʼáá chą́ą́h dadigeehgo deíkáahii tʼéí bichʼįʼ ákódahoonííł danízin.
6 Diné aghadaʼiiʼníiłii biníbaal hazhóʼó hashtʼeʼsinil;Diyin God yá nídahałchįįhii tʼáadoo beinítʼínígóó kéédahatʼı̨́;éí bílákʼee naazláii tʼéí shidiyin átʼé danízin.
7 Nidi nidaaldlooshii nideídółkid; éí nidanihinitin doo;tsídii wódahgo naaldeehii nideídółkid; éí nihił dahodoolnih.
8 Éí doodaiiʼ nahasdzáán nideídółkid; éí nanihinitin doo,áádóó tónteel biiʼ łóóʼ naaldeehígíí nihił dahodoolnih.
9 Díí bitaaʼiisíłtaʼígíí tʼáá ałtso háidíígíishąʼBóhólníihii ádayiilaago doo hoł bééhózin da?
10 Hiná nináneelʼą́ąjįʼ yee hináanii Bóhólníihii bílákʼee silá,índa nihokááʼ dineʼé tʼáá ałtso yee nídídzihii dah yoolééł.
11 Chʼiyáán jilįhígi átʼéego ajaaʼ bee saad dzółtsʼą́ʼígíí bééhodzoosįįh.
12 Diné náás daazlı̨́įʼii dahóyą́,áádóó diné ląʼí dabiiskáanii ląʼígóó akʼidadiʼyiitįįh.
13 Diyin God tʼáá íiyisí hóyą́, índa ayóó ábóodziil;éí naʼakʼíyáłtiʼ áádóó tʼáá íiyisí akʼidiʼyiitįįh.
14 Jó, diné łaʼ hałchǫǫhgo tʼáadoo háázhdódleʼ átʼéégóó áyiiłʼįįh;diné yidáʼdíłkałgo tʼáadoo bee ąą ánáolneʼígóó áyiiłʼįįh.
15 Tó tʼą́ą́ʼ kóyósingo kéyah náltsih;tó yidichiʼgo kéyah bikááʼgóó tó nídaadląąh.
16 Bí tʼéí ayóó ábóodziil, áádóó tʼáá íiyisí hóyą́;diné biʼdeesdloʼii áádóó diné binaʼadloʼii tʼáá áłah Diyin God yííʼ nilı̨́.
17 Diné naʼakʼíyádaałtiʼii tʼáá ákohígo ayiiʼéésh;ánihwiiʼaahii doo dahóyą́ą́góó ádeileʼ.
18 Aláahgo naatʼáanii danilíinii yee ade ádahósinii kʼéédaʼiʼaʼ,áádóó binííʼ gónaa yinídaʼastʼiʼ.
19 Nááʼiiłniihii danilíinii bąąh daʼéébı̨́įʼgo ayiiʼéésh;diné ayóó ádaatʼéii danilínígíí nahjįʼ hááyiiʼnííł.
20 Diné baa dahodzódlíii doo yádaałtiʼgóó ádeileʼ;hadaastihii yikʼidadiʼyiitįįhii yił chʼaa ádeileʼ.
21 Aghádahideezíinii tʼóó yeidloh;ayóó ádaatʼéii dabidziilii doo dabidziilgóó ádeileʼ.
22 Chahałheełdę́ę́ʼ tʼáá íiyisí doo daatʼíinii ííshją́ą́ áyoolííł,áádóó hootʼı̨́įjįʼ anoonééł bichahaʼoh yikʼi diʼyiiłdlaad.
23 Ałʼąą dineʼé ayóó ádabóodziilgo ííłʼı̨́, áádóó atíyoolíiłgo áyoołdįįł;ałʼąą dineʼé ayóó ádaatʼéego áyiiłʼįįh, áádóó doo dabidziilgóó ánáyoodlííł.
24 Nihokááʼgóó aláahgo bídahólníihii bijéí yee yikʼidadiʼyiitįįhígíí yitsʼéidiiʼaahgohonoojíidi atiin ádindi tádadikáahgo áyoolííł.
25 Adinídíín tʼáágééd chahałheełgóó nidadidzaʼ;diné oodlą́ąʼgo naʼnitʼiígíí nahalingo nidaʼnitʼigo áyoolííł.
