Job 16:1-22
16 Áádóó Job ánááhodooʼniidgo ání,
2 Haneʼ ákódaatʼéii yeeʼ ląʼí disétsʼą́ą́ʼ.Tʼáá ánółtso doo tʼáá yíní átʼéejįʼ bee haʼahóníinii bee yádaołtiʼ.
3 Tʼáadoo biniyéhígóó saad danilíiniísh nidootʼih?Haʼátʼíísh bee doo dasootiʼgóó ayóogo háádaohdzih?
4 Shí áníshtʼéhígi ádanohtʼéego shí ałdóʼ tʼáá nihígi átʼéego yáshtiʼ doogo átʼé;nihichʼįʼ shitsiiʼ néishghaʼgo saad nihikʼijįʼ yéideestsihgo átʼé.
5 Kótʼéego nihidishníigo danihidziilgo ánihideeshłííłáádóó tʼáá nihichʼįʼ yáshtiʼgo bee hadaʼíínółníi doo nítʼééʼ.
6 Tʼáá yáshtiʼgo níshgaígíí doo áhodiildzéeh da;doo yáshtiʼgóó tʼááłáhígi átʼéego níshgai.
7 Nidi kʼad Diyin God chʼééh shideesá;shaʼáłchíní ałtso ásíníłdįįd.
8 Shikááʼgóó noojíigo íinilaaígíí bee shikʼijįʼ nílínígíí yaa halneʼ;shíítsʼiinígo tʼóó tséʼédin yishgą́ą́ł. Shíítsʼiinígíí shiniiʼjįʼ yaa halneʼ.
9 Tʼóó báhádzidgo báhóóchįįdgo yee atíʼéłʼínígíí yee nishiisdláád, áádóó shikʼee deeznih;shichʼįʼ biwooʼ ahíideeshkʼash;shiʼanaʼí náshidiniilgęsh.
10 Diné hááhgóó shı̨́ı̨́ dashidiláashgo dashiʼı̨́įgo shiniiʼjįʼ nídeineezkaad;shikʼijįʼ danilı̨́įgo ahínéikah.
11 Diyin God doo dabidósinii yaa shidiníʼą́ągodiné doo yáʼádaashóonii yílákʼee shidííʼą́.
12 Doo íitsʼaʼígóó sédáá nítʼééʼ, nidi Diyin God aháshíínizhgi áshiilaa;shikʼos yisiłgo tʼáá íiyisí shíígháád, áádóó yółtʼóóh dooleeł biniyé nishiníłtı̨́.
13 Bá daʼdiłtʼohii shináshzhiizh.Doo áá sísįįhgóó shitsą́ áshkʼazhí ałtáiniiłgizh; shitłʼizh niʼjįʼ náálı̨́įgo áyiilaa.
14 Tsé yítłʼinii ahiih náháłdaas nahalingo ahiih náshííyiizh;yéʼiitsoh akʼijįʼ dah diilwod nahalingo shikʼijįʼ dah nídiilwoʼ.
15 Tłʼoh azis ééʼ áshłaago shiʼééʼ nítʼééʼ.Bee shidziilii łeezh dibahí biiʼ yíłchǫʼ.
16 Yishchago bikʼee nídeishchih;kʼad niʼiishchéehgo shinákʼee alzhíínígo sédá.
17 Azhą́ ákótʼée nidi, tʼáadoo haa deisdzaa daáádóó tsʼídá tʼáadoo binoolninígóó sodiszin.
18 Nahasdzáán nílíinii, shidił nídóółʼįįh lágoáádóó bíniʼ shiinééʼ diitsʼaʼ doo.
19 Áádóó ałdóʼ, shoo, kʼad shá ooʼíinii yáʼąąshdi hólǫ́áádóó bee shaa hóóneʼígíí bił bééhózinii áadi hólǫ́.
20 Shikʼisóó danilíinii shá nidahałtʼiʼ,nidi shinákʼeeshtoʼ náálı̨́įgo Diyin God bichʼįʼ yishcha.
21 Diné łaʼ yił kééhatʼíinii yá náʼookąąhígi átʼéegodooládóʼ łaʼ Diyin God há náyookąąh laanaa!
22 Tʼáá díkwíí nínáánááhaigo dah nídiisdzáago doo nídeeshdáał da.