Job 17:1-16
17 Áá hosistʼįįd; doo nááshiidoolkáałjįʼ baa hoolzhiizh; yóóʼáshidiʼdoolníiłgi shá hashtʼehoolyaa.
2 Shá nidahałtʼiʼiísh doo shináhookah da,índa shá nídahałchįįhiísh doo áłahjįʼ yishʼı̨́į da?
3 Bee shá nihwííníʼánígíí shá biʼílééh.Háísh éí shá ąąh niʼídidooltééł?
4 Akʼidaʼdidootı̨́įłii bintsíkees bidádaʼdííníłkaal;éí bąą tʼáadoo ayóó átʼéii danilı̨́įgo íínísiní.
5 Diné łaʼ bikʼisóó yichʼįʼ doo tʼáá aaníígóó yáłtiʼígíítʼáá éí diné baʼáłchíní doo daʼooʼı̨́į da dooleeł.
6 Diné bitahgóó baa niyáʼáhoʼditiʼii nishłı̨́įgo áshiilaa;diné shikʼijįʼ dadizhah.
7 Yínííł nishłínígíí bikʼee doo eeshʼı̨́į da yishłeeł;chahaʼoh iildóhígi átʼéego tʼáá íiyisí shíítsʼiiní.
8 Diné tʼáá ákogi ádaaníiłii díí bikʼee tʼóó bił adahayóí,diné tʼáadoo átʼéhígóó naagháii éí Diyin God doo deidósinii yichʼįʼ ádá náhálchįįh.
9 Diné tʼáá ákogi átʼéii yikʼehgo yigáałii tʼáá ákótʼéego tʼéí naaghá,áádóó diné yáʼátʼéehgo hináanii bidziil yileełgo bidziil íʼdiilʼįįh.
10 Haaʼíyeeʼ aadę́ę́ʼ shichʼįʼ nináánóhkááh;nihitahgi diné hóyáanii doo łaʼ bikʼésháah da.
11 Kʼadę́ę ashííłkaah; biniyé áshtʼíinii tʼáá éí bíká shił chohooʼíiniitʼáadoo nídaasdlı̨́ʼí da.
12 Tłʼééʼ éí jı̨́, deiłní,chahałheeł hólónígíí biniinaa adinídínígíí doo sih da.
13 Łeeh shidiʼdooltéełgi bibaʼ áníshtʼéegoáadi chahałheełgi ashhosh doo.
14 Yóóʼáshidiʼdoolníiłgi hazʼánígíí ábidishní, Shizhéʼé nílı̨́,áádóó chʼosh ábidishní, Shimá áádóó shilah nohłı̨́.
15 Háadishąʼ shá chohooʼı̨́?Jó, shá chohooʼı̨́įgo háishąʼ yooʼı̨́į doo?
16 Łeeh hwiiʼnííłgóó sélı̨́įʼgo tʼáásh shił chohooʼı̨́įgoákǫ́ǫ́ hanáshyı̨́įh doo.
