Job 18:1-21
18 Ákohgo Shúwah dineʼé Bíldad wolyéii ánááhodooʼniidgo ání,
2 Łaʼ ałyóí bee hahídziihgoshąʼ haa nízahgóó hodidoonaał?Hazhóʼó baa nitsíníkees, áko índa nihí hadadiidzih.
3 Haʼátʼíísh biniyé naaldlooshii daniidlı̨́įgo nihaa nitsíníkees?Haʼátʼíísh biniyé doo áhályáanii daniidlı̨́įgo nihaa nitsíníkees?
4 Náháchįʼgo haʼádiyílgháashii nílíinii, nahasdzáán daatsʼí ná yóóʼadidootʼááł?Tsé daatsʼí nahjįʼ ná hadootʼááł?
5 Tʼáá aaníí diné doo yáʼáshóonii yee ayóó átʼéii kǫʼ nahalinii deineestsiz;bikǫʼ dah nídínoʼii doo iʼdííłdíin da.
6 Biníbaal góneʼ nideezdíinii chahałheeł dooínda bee hoolʼiní yaaʼáii dínóoltsis.
7 Nízaadi nidahidiltaałgo naaghá yę́ę tʼáá áyídígo nidahidiltaałgo ályaaáádóó yee naʼakʼíyáłtiʼii yiyaa ninádootłish.
8 Tʼáá bí łoh yiih yíyá,áko łeeh hoodzą́ągo áhoolyaago bikʼi niʼíljoolii yikááʼ deeyá.
9 Joogááłgóó bee dah hizhdidoogáałii biishdoogááł,áádóó łoh biishdoolwoł.
10 Łoh łeeyiʼ habaʼ niitʼą́;łoh biishdoogáałii hadáahgi siʼą́.
11 Tʼáá ałtsodę́ę́ʼ áchʼįʼ naʼódlíigo náldzidgo yigááł;tʼáá éí binoołchéeł doo.
12 Dichin éí doo hadziilgóó áhodoolííł;hachʼįʼ hodiyoołnáałii hwíighahgóó hólǫ́ǫ doo.
13 Łóód naʼałtseedii tʼáá átʼé hakááʼgóó niníkę́ęzgohatsʼíís bidziilii bidiʼniiłdzid.
14 Haníbaal baʼjólí yę́ędóó chʼíhodeedzı̨́įzgobikʼeʼíyéeʼii aláahgo binanitʼaʼí baa hoʼdeedzı̨́ı̨́z.
15 Doo daahóhígíí tʼéiyá haníbaal góneʼ naaznil;haghangi tsékǫʼ łitsoii nidoołtı̨́ı̨́ł.
16 Hwehétłʼóól tʼáá łeeyiʼdę́ę́ʼ nídadooltsih;wódahdi hatsʼáozʼaʼ daniiłnaʼ doo.
17 Nahasdzáán bikáaʼgi doo hwééhániih da dooáádóó haa hoyoosnahgo kintah daʼnítiingóó házhiʼ doo baa yátiʼ da.
18 Adinídííndóó chahałheeł góneʼ ahoʼdiʼnóolchééł;nihokááʼdóó hahodiʼnóolchééł.
19 Hadineʼé bitahgóó hayeʼ índa hanálí doo hodooleeł da,áádóó kééhojitʼı̨́ yę́ęgi doo łaʼ bighan da doo.
20 Dadziztsą́ bijı̨́ halą́ąjįʼ nidaakaígíí hakʼee tʼóó bił adahayói dooínda hakéédę́ę́ʼ nidaakaígíí hakʼee bił daayééʼ.
21 Diné doo yáʼádaashóonii tʼáá ałtso kojįʼ tsʼídá bá adahwiiztʼiʼ ni.Diyin God doo yéédahósinii ákwii bá hazʼą́.
