Job 19:1-29
19 Áádóó Job ánááhodooʼniidgo ání,
2 Haa nízáágóó lá hinishnánígíí dadohłáashgosaad shikʼijįʼ dahidooł táahgo shaa nídaahtʼı̨́į doo?
3 Neeznáadi laʼ tʼóó shaa yáhásinígi átʼéego shá hadasoohdzííʼ;doo nihił baa yádahasingóó doo shéédahonohsingóó yeeʼ ídaʼdoołyaa.
4 Azhą́ tʼáá aaníí asésiih lá nidi,éí tʼáá adííghahígo yeeʼ asésiih.
5 Áko kʼad tʼáá aaníí shichʼįʼ ayóó ádanohtʼéego ádaʼdoołyaagoáádóó bee shichʼįʼ nahwiiʼnánígíí bee shikʼijįʼ yádaołtiʼgo
6 díí baa ákodanohsįįh; Diyin God yeeʼ nahjįʼ kóshiilaagoínda tłʼóół naneesdizí shinéineesheeʼgo átʼé.
7 Jó, doo yáʼátʼéhígi ádashiłní, nidi łaʼda doo shá yiyíistsʼą́ʼí da;saad hoséłı̨́ı̨́ʼ nidi doo shá baa náhátʼı̨́į da.
8 Yishááłgóó shidáahdi shichʼą́ą́h adeestʼiʼgo doo bitis dóshaʼ átʼée da.Yishááłgóó chahałheełgo áhoolaa.
9 Bee shaa haʼniihii ałtso shąąh néístʼįįd;bee shééhoʼdílzinii shaa néidiidlá.
10 Tʼáá ałtsodę́ę́ʼ atíshiilaa, áko kʼad áníshdin;tsin sikaad nahjįʼ hajíítą́ nahalingo shił chohooʼíinii nahjįʼ kóyiilaa.
11 Áádóó ałdóʼ shichʼįʼ tʼóó báhádzidgo báhóóchįįdgobiʼanaʼí laʼ nishłíįgo shaa nitsízkééz.
12 Bisiláo yinéełii shichʼįʼ yiyííłʼaad. Łeeyiʼ daʼdeezgeedgo áchʼą́ą́h daníʼáago ádayiilaa,áádóó shiníbaal yinaagóó nidahaazná.
13 Shikʼisóó danilíinii doo nádiiníghánígóó shitsʼéininíłkaad.Diné bił ahéédahasinii nidi doo shichʼįʼ nidaakai da daazlı̨́ı̨́ʼ.
14 Shikʼéí danilíinii doo shaa daókááh átʼée daínda diné hánígo shikʼis danilíinii shaa dayooznah.
15 Shighangi naháaztánígíí áádóó asdzání shinaalʼaʼí éí déʼéyóní nishłı̨́įgo shaa nitsídaakeesínda dabinááł doo bidineʼé nishłı̨́į da nahonishłin.
16 Diné shá naalʼaʼí, Hágo, bidííniidgo néisiskan nidi, tʼáadoo shichʼįʼ haadzíiʼ da.
17 Sheʼasdzą́ą́ éí shizaʼ niłchxonígíí doo yiníłdzil da,áádóó shidineʼé tʼáá łaʼ bił háíjéʼígíí nidi, doo shitʼáahjįʼ dadikáah da.
18 Tʼáá aaníí, áłchíní éí dashiʼı̨́,áádóó nídiishnahgo shikʼijįʼ yádaałtiʼ łeh.
19 Hánígo diné shikʼis danilíinii dashiʼı̨́,áádóó diné ayóó ádeíníshʼníinii shikʼijįʼ daazlı̨́ı̨́ʼ.
20 Shikágí éí shitsʼin bąąh niʼdibał,áádóó tʼáá tídzíʼahída shikʼi hooldoh.
21 Shaa aʼáhí danoohsįįh, shikʼisóó danohłíinii, shaa aʼáhí danoohsįįh,háálá Diyin God atíshiilaa.
22 Haʼátʼíí lá biniyé Diyin God atíshíłʼínígi átʼéego atídashoołʼı̨́,áádóó áníshtʼéhígíí haniih doo nihił daasihgóó ádaahtʼı̨́?
23 Dooládóʼ saad bee yáshtiʼígíí naaltsoos bikááʼ ádaalyaa laanaa da!Dooládóʼ naaltsoos biiʼ bee akʼeʼashchı̨́įgo bee niitʼą́ą laanaa da!
24 Áádóó béésh nitłʼizii bee tsé binídaʼakʼaashgo béésh dilyı̨́hí ákóneʼ ahidólyı̨́įhgo beeshizaad tsé bikááʼ nooʼníiłgo shizaad tsé bikʼi sinilgo ahóyéelʼáa laanaa.
25 Jó, shił bééhózingo nááshiisniiʼii hiná,áádóó niidoołkáałjįʼ ayííłką́ągo bí tʼéí nihokáaʼgi ahidíízı̨́į doo.
26 Áko shikágí ałtso atélyaadóó bikʼijįʼ shitsʼíís bee Diyin God yideestsééł.
27 Tʼáá shí hwiideestsééł;shinááʼ bee hwiideestsééł; tʼáá háiida éí dooda.
28 Ádadooniidgo, Haa léitʼéego atídahodiilnííł lá?Tʼáá bitłʼááhdę́ę́ʼ bichʼįʼ nahwiiʼnánígíí nihił béédahoozin dashíínóhʼníigo
29 diltłish béédadoołdzííł, háálá yéego bibee atíʼélʼíinii éí diltłish yee atíʼoolííł.Áko ánihwiitʼaah baa hodoolzhishgo nihił béédahodoozįįł.