Job 20:1-29
20 Ákohgo Néíyama hoolyéédę́ę́ʼ Zófar wolyéii ánááhodooʼniidgo ání,
2 Shintsíkees yíląądígíí biniinaatsı̨́įłgo nichʼįʼ hááhideesdzih nisin.
3 Eii ádínínígíí yínístsʼą́ąʼgobikʼiʼdiitą́ągo bąąh shíniʼgo bąą nichʼįʼ hááhideesdzih nisin.
4 Daʼ díísh doo nił bééhózin da?Ałkʼidą́ą́ʼ nahasdzáán bikáaʼgi diné niiltı̨́ı̨́dóó wóshdę́ę́ʼ
5 diné doo yáʼáshóonii tʼóó kónígháníjįʼ akʼidiyaa danilı̨́,áádóó tʼóó áhodilʼíinii yee bił hózhónígíí tʼóó deiltseʼ.
6 Azhą́ yádiłhił yaa ninísą́ą nidi,azhą́ kʼos yaa ninísą́ągo bitsiitsʼiin yee yéhéʼnáah nidi,
7 tʼáá hó hachaan nahalingo hoolʼáágóó ázhdoodįįł,diné dahooʼı̨́ı̨́ nítʼéeʼii, Háájí lá ííyá? dahałníi dooleeł.
8 Ałtso nidziizyeel nahalingo yóóʼajootʼaʼ doo, áádóó tʼáadoo bee hwénáhoodzı̨́ʼí da doo.Tʼáá aaníí, tłʼéeʼgo ił áhoodzaaígi átʼéego yóóʼahodíʼnóolchééł.
9 Hoołtsáanii éí doo nááhwiidooltséeł daínda kééhojitʼı̨́ı̨́ nítʼéʼígi doo nááhootʼı̨́į da doo.
10 Haʼáłchíní éí diné baa dahojoobáʼíígíí yił dahóshǫ́ǫ doo biniyébichʼįʼ hanaalyeʼé ninádeidiyoodleeł.
11 Ániid naʼadáhígi átʼéego adiih áhátʼı̨́į nidi,yóóʼáhodiʼdoolnííł.
12 Azhą́ doo yáʼáshóonii bizééʼ neiłʼaałgo bił ayóó áhóolką́ą́ʼ lá nidi,azhą́ bitsooʼ biyaa góneʼ nínéidiłʼı̨́ı̨́h lá nidi,
13 azhą́ doo tʼáá kʼad haidííłʼaalgóótʼáá bizééʼ siʼą́ągo áyósin lá nidi,
14 jííyą́ʼígíí hatsą́ądi dadííkʼǫshgotłʼiish báhádzidii bikʼaasdaʼ bikʼeʼashchʼíiʼgo bikʼeʼíyéeʼii átʼé.
15 Atʼı̨́ aníjiilnah yę́ę éí béézhdoolkoh;Diyin God éí hagháidooził.
16 Tłʼiish báhádzidii bikʼaasdaʼ hahizdootsʼǫs;naʼashǫ́ʼii báhádzidii bikʼaasdaʼ hodiyoołhééł.
17 Tooh danílı̨́įgo doo yizdoołtséeł da;tsésʼná bitłʼizh áádóó abeʼ neeskʼįhgo bił danílı̨́įgo doo yizdoołtséeł da.
18 Bikʼé nijishnishii ninázhdidooʼáałgo doo bee ákizhdoodlaał da;hanaalyeʼé hwee hazlı̨́įʼii ninázhdoodléełgotʼáadoo baa hoł ninááhoozhǫǫhí da doo.
19 Háálá diné badahojoobáʼíígíí bide áhojósin nítʼééʼ áádóó yóóʼazhdííʼą́;kin tʼáadoo ájiilaii tʼáá naʼníleʼdii diné bighazhdeetʼą́.
20 Tʼáá aaníí doo hwiih jileehígíí biniinaabídin jílíinii doo łaʼ niʼáádziihsįįh da.
21 Ałtso ayı̨́įhgo doo łaʼ chʼíníłnah da;éí bąą dah ajooléełii doo didoonaał da.
22 Azhą́ adzistʼįįdgo tʼáadoo bídin náájídlínígóó jideeyáa nidi tsʼídá nahontłʼaaígi átʼéego hóyoołáałgo ahwíidoołkááł,áádóó bee achʼįʼ nidahwiiʼnáanii tʼáá ałtso hakʼi hwiidooleeł.
23 Kʼadę́ę hwiih jileehgoDiyin God tʼáá bí tʼóó báhádzidgo yee atíʼéłʼíinii yee atíhodoolííłáádóó tʼah ajiyą́ągo hakʼijįʼ naałtin nahalingo íidoolííł.
24 Béésh bee anaʼalʼíinii bikʼee dashdínóochééł,nidi ałtı̨́ı̨́ʼ béésh łitsoii bee ályaii bee hagházdoolkah.
25 Kʼaaʼ tʼáá nááseego hayiʼdę́ę́ʼ haatą́;tʼáá aaníí kʼaabéésh hatłʼizh biiʼdę́ęʼgo haatą́;biʼdiskahígíí bił niníyééʼ.
26 Chahałheełgi hayódí bá hashtʼehoolyaa;kǫʼ doo nánílzołii ahodidoołkʼą́ą́ł;haníbaal góneʼ dadzidziihii adazhdidookʼą́ą́ł.
27 Doo ákǫ́ǫ́ ájíítʼįįdii yáʼąąshdę́ę́ʼ hatsʼą́ą́ʼ báádiʼdooltsos;nahasdzáán hachʼįʼ nídidoodááł.
28 Haghandóó danilíinii kʼeeʼąą dínéestʼáanii dah nídahidiildéeh doo,índa Diyin God tʼóó báhádzidgo atíʼdoolííł bijı̨́įdi hanaalyeʼé doo bééhodoozįįł da.
29 Kótʼéego diné doo yáʼájíshóonii Diyin God hachʼįʼ niidoolééł,áádóó Diyin God díí yee há nihodiníʼą́.
