Job 21:1-34
21 Ákohgo Job ánááhodooʼniidgo ání,
2 Kodóó ánihidishníinii hazhóʼó deísółtsʼą́ąʼgodíí bee hadaʼíínółníi doo.
3 Haaʼíyeeʼ nihichʼįʼ hadeesdzih biniyé shadiʼnohʼaah,áko ałtso nihichʼįʼ haasdzíiʼgo índa shá nináádahołtʼiʼgo tʼáá áko.
4 Daʼ shíísh diné bichʼįʼ ákʼeʼeshdlí?Haʼátʼéegoshąʼ doo haʼííníshníi da doo?
5 Tʼóó shikʼee nihił adahayóigo aadę́ę́ʼ dashinółʼı̨́,áádóó nihizééʼ dádadinołnííh.
6 Nitsískeesgo kʼasdą́ą́ʼ bikʼee tsíńdísyisáádóó shitah anáhodiʼniitłiʼ.
7 Haʼátʼíísh biniyé diné doo yáʼádaashóonii dahinááádóó ayóó ádabóodziil nidahaleehgo są́ yaa daʼiiłdįįh?
8 Baʼáłchíní daniyéego dabinááł yee ákʼindadikai dooleełii yaa nídahidiikááh,áádóó baʼáłchíní daʼahílchíihii dabinááł ákótʼéego dahiná.
9 Dabighangóó doo bił daayééʼgóó hazhóʼó hashtʼedadítʼéego kéédahatʼı̨́índa Diyin God doo atíbíléeh da.
10 Dabidóola éí doo átʼéhígóó bá nidaʼiichííh;béégashii éí doo bitsą́ hadaʼiiʼeeł da.
11 Dibé nidanilkaadii nahalingo baʼáłchíní tłʼóóʼgóó yééʼéłnih,áko naanídaʼílzhíísh.
12 Ásaaʼ yilghaałígíí índa tsin tłʼóół bąąh daneelzheeʼgo bee nidaʼaʼnéii nideidiiniłgotsin bee íʼdílzoołí yaa bił nidahoozhǫǫh łeh.
13 Atʼı̨́ yee ákidaadláago nidabííłkaʼáádóó jineeskʼołígíí nahalingo łeeh dabidiiʼnííł.
14 Éí bąą Diyin God ádeiłní, Nihitsʼá nínááh;nikʼehgo dahonítʼiʼii nihił béédahodoozįįłígíí doo daniidzin da.
15 Aláahgo Ayóóʼábóodziilii haʼátʼíísh átʼéego bichʼįʼ nidahwiidláa doo?Bichʼįʼ sodadiilzingo haʼátʼíísh nihá íidoodił?
16 Jó, bidziilgo dah daʼjíléhígíí éí doo bee hódahólníih da;diné doo yáʼádaashóonii kótʼéego dajinínígíí éí tsʼídá doo shídéétʼiʼ da!
17 Tʼáá ahą́ą́h diné doo yáʼádaashóonii bitsʼą́ą́ʼ bee hoolʼiní dahiniltséés índa atídabiʼdilʼı̨́!Diyin God éísh báháchįʼii bikʼehgo adiniih neiłniih?
18 Tʼáá ahą́ą́h níyol bidááhgóó tłʼoh naadą́ą́ʼ bitsǫz nihidílʼáhígi átʼéego hoł nídahidiiyóół,índa azhool bił yóóʼadahayółígíí nidahojílin!
19 Diné doo ákwii ájíítʼįįdii Diyin God haʼáłchíní yá hashtʼeʼniyiinííł, dadohní.Tʼáá hó kʼééhodidoodlííł, áko hoł bééhózin doo.
20 Atídahodiʼdoolníłígíí hániʼdii tʼáá hó deizdoołtsééł,áádóó Aláahgo Ayóóʼábóodziilii tʼóó báhádzidgo bibee atíʼélʼíinii jidoodlı̨́ı̨́ł.
21 Jó, ákwíí hwee nínáádidooziłii hatsʼą́ą́ʼ nahjįʼ kólyaagodadziztsą́ą́dóó bikʼijįʼ haʼáłchíní doo baa hoł nááhójǫ́ǫ da doo.
22 Diyin God yáʼąąshdi dahólóonii yaa nídóotʼįįłgołaʼdaásh ił ééhózinii bínabizhdínóołtįįł?
23 Łaʼ tʼahdii hadziilgo hoł hashtʼehodítʼéegoáádóó hwiih jílı̨́įgo dazdootsaał.
24 Beʼabeʼ bee ídaʼazįįdínda biwolda daashzhoh.
25 Diné náánáłaʼ ádił nitsidoodáałgo bił niiłchʼiihgo dadootsaał.Yáʼátʼéehii tsʼídá tʼáadoo yizlįh da dooleeł.
26 Éí diné tʼáá áłah łeeh bidiʼdooʼniłgochʼosh bił dínóoyił.
27 Jó, nihintsíkees danilíinii shił bééhózinínda doo ákǫ́ǫ́ ádahodiilníił da, danohsingo shiyadaʼoohłeehígíí baa ákonisin.
28 Áko ádadohní, Háadiyeeʼ naatʼáanii bighan siʼą́?Háadiyeeʼ diné doo yáʼádaashóonii níbaal yiiʼ kéédahatʼíinii naaznil?
29 Daʼnítiingóó diné deíkáhígíísh doo nidabídółkid da?Índa yee nihił nídahoolneʼígíísh tʼáadoo baa ákodanoozı̨́įʼ da?
30 Éí diné doo yáʼádaashóonii atíʼoolnííł bá áá biʼdilzįįh.Tʼóó báhádzidgo bee atíʼélʼíinii beidoołkáałjįʼ atsʼádabidiʼdooʼnił.
31 Éí ádáátʼįįdígíí tʼáá dabiniiʼjįʼ háísh yee bił hodoolnih?Yaa naaskaii biniinaa háí kʼéébididoodlííł?
32 Łeʼiiʼníiłgi yiltééháádóó yóóʼábiʼdiilʼįįhgo łaʼda yikʼi haʼídéesʼı̨́ı̨́ʼ.
33 Honítsʼaaʼgi bisígíí bił ayóó áhootʼéego yóóʼabiʼdidoolnííłgóóyiltéełgo diné tʼáá átʼé bikééʼ nooyéeł łeh,índa bitsijįʼ nidahaaskaígíí doo jóołtaʼ ánéelą́ąʼ da.
34 Tʼáadoo biniyéhígóó bee shichʼįʼ yádaałtiʼígíishąʼ haitʼéego bee haʼíídéeshniił?Aadę́ę́ʼ bee shichʼįʼ háádahisoohdzíʼígíí tʼáá ałtso woochʼííd tʼéiyá ádaatʼé.
