Job 23:1-17
23 Ákohgo Job ánááhodooʼniidgo ání,
2 Tʼáá díí jı̨́ tʼáá íiyisí shináháshchʼíiʼgo saad honishʼı̨́;dinishʼnínígíí biláahgo shił nahonigaah.
3 Dooládóʼ shił bééhózingo Diyin God bikʼíjóyaʼ laanaa da;dah sidáadi baoshaʼ laanaa da.
4 Ákwii Diyin God shá yaa nídóotʼįįłiibee bił hodeeshnih,áádóó bił ałghaʼdishtʼáah doo nisin.
5 Saad yee shichʼįʼ hááhidoodzihígíí shił bééhodoozįįł,áádóó áshididooniiłígíí bikʼidiʼdeeshtı̨́ı̨́ł nisin.
6 Ayóó ábóodziilígíísh yee shighadiʼdootʼááł?Dooda, tʼáá aaníí shíídóołtsʼįįł.
7 Áadi diné tʼáá ákogi ááníiłii daatsʼí hoł ałghaʼditʼáahgo yíneelʼą́;ákótʼéego shiʼánihwiiʼaahii hoolʼáágóó shééʼdoołnih.
8 Jó, náás díyáago doo áadi naagháa da,índa tʼą́ą́ʼ díyáago doo haa ákóniisįįh da;
9 nishtłʼajígo nijilnishgi háhodííníshʼı̨́įʼ nidi, doo hwiistséeh da,índa nishʼnáájígo nazhnitʼinígíí biniinaa doo hwiistséeh da.
10 Nidi deeshááłgóó shá bił bééhózin;ałtso nashíneeztą́ąʼgo óola ąąh hadoolyı̨́ʼígi átʼéego chʼídeeshááł.
11 Bikékʼeh hashchı̨́ı̨́góó nidahidishtaałgoBóhólníihii bikʼeh honishʼı̨́įgo tʼáadoo nahjįʼ háíyáa da.
12 Bikʼeh óʼooʼníiłii yee hahaasdzíiʼii tʼáadoo bitsʼáníyáa da;tʼáá ákónéehee shichʼiyąʼígíí biláahgo saad yee shichʼįʼ haadzíʼígíí tʼáá íiyisí ílı̨́įgo ádííníshtąʼ nítʼééʼ.
13 Nidi bintsíkees doo łahgo ánáyoodlíił da. Háishąʼ łahgo átʼéego ánábidoodlííł?Tʼáá ádeeshłííł, néiniidzįįhígíí áyoolííł.
14 Niidiníʼáanii ałtso shá hadaałtʼé íidoolííł;ákódaatʼéii tʼóó ahayóí yaa nitsíkees.
15 Éí bąą bitʼáahgi honishłónígíí bikʼee shił yééʼ;baa nitsískeesgo tʼáá íiyisí binásdzid.
16 Diyin God éí doo shidziilgóó áshósin;Ayóóʼábóodziilii nilíinii bikʼee shił niníyééʼ,
17 háálá tʼah doo shił chahałheeł yę́ędą́ą́ʼ tʼáadoo áshółdįįhí da,índa chahałheeł shikʼiidooldohígíí bitsʼąą tʼáadoo yichʼą́ą́h nideelniiʼ da.
