Job 24:1-25
24 Haʼátʼíí biniyé Aláahgo Ayóóʼábóodziilii anídóotʼįįłii baa hoolzhiizhgo doo hashtʼeʼniyiiníił da,áádóó haʼátʼíí biniyé anídóotʼįįł bijı̨́įdi áhodooníłígíí diné béédahósinii tsʼídá doo bił béédahózin da?
2 Diné łaʼ kéyah bee hoodzooígíí biniyé tsé adaazʼáago ádaalyaa yę́ę hadayiinííł;dibé naakaígíí tʼáá naʼníleʼdii adeiniiłkaadgo tʼáá bí yadaʼałtsoʼ łeh.
3 Áłchíní bizhéʼé ádaadinii dabitélii adeiniiłkaad;asdzání bąąh ádahasdįįdii ninádaʼiisdlaʼjįʼ bibéégashii ąąh nidayiinííł.
4 Hojoobaʼ ádeinízinii nahjįʼ hadeiniiłkaadgokéyahdóó badahojoobáʼíígíí ahíhiikáahgo nídahiditʼįįh.
5 Shoo, honoojíigi télii daʼałchinii nahalingo naanishgóódahidikáahgo honoojíidi baʼáłchíní chʼiyáán yá hádaatʼı̨́.
6 Dáʼákʼehdi daneestʼáanii náádayíiłjooł;diné doo yáʼádaashóonii bichʼil naʼatłʼoʼii nínéiniłtʼı̨́hígi nidahodikai.
7 Áko biʼééʼ tʼáádaagééd danjahgo néílkááh;ayóó íídéeskʼaazgo tʼáadoo ákʼídayóltihígóó ádeileʼ.
8 Dziłdi nihidahałtı̨́įhgo ninádaaltłoh,áádóó yiyaa adahidínóochéełii hádaatʼı̨́įgo tsé biniitʼaajįʼ áłah danilı̨́į łeh.
9 Áłchíní bizhéʼé ádaadinii bimá tʼahdii deiłtʼoʼgo yílákʼee hadayiiłtłʼiid,áádóó badahojoobáʼíígíí tʼáadoo ninádajódléłígóó haʼáłchíní yázhí hatsʼą́ą́ʼ ąąh nidayiinííł.
10 Haʼééʼ tʼáádaagééd nidajikaigo dichin dajílı̨́įgotłʼoh naadą́ą́ʼ bidaʼastłʼónígíí nidajiiyeeh.
11 Áliv tsin hadah hidiitʼiʼgóó ákǫ́ǫ́ áliv bineestʼąʼ bikʼah hayídaʼiiłʼéesgo akʼah biih nídaadziʼii yiih dayiizííd;dibááʼ yikʼee tiʼdahooníihgo chʼil naʼatłʼoʼii bitooʼ yąąh hadayiiʼéés.
12 Kin haalʼáádóó ayóó íitsʼaʼgo diné nidadiʼniʼ,áádóó diné tídáánáanii chaał hadahoyiinííh,nidi Diyin God doo yaa náʼáhodíltʼı̨́į da.
13 Díí éí adinídíín yikʼijįʼ nidaalteehii łaʼ ádaatʼı̨́;éí bikʼehgo dahonítʼiʼígíí doo yéédahósin daáádóó doo yikʼeh hidikáah da.
14 Hoolʼįįhgo diné neiłtseedii nídiiʼnahgodiné bahojoobáʼíii áádóó hojoobaʼ ádaatʼéii neiłtseed łeh,áko tłʼéeʼgo aniʼįįhii nilı̨́į łeh.
15 Diné adiléii hiłyidoojı̨́łígíí yibaʼ átʼéego,Doo łaʼ shiizdoołtséeł da, níi łeh,áádóó biniiʼjįʼ yikʼéʼéłtih.
16 Tłʼéeʼgo hooghan yighádaʼanil;jı̨́įgo ádá nídaʼdilkałgo bąą adinídíín yitsʼąą nidaʼádíʼnil.
17 Háálá abínígo adididlaʼígíí aniné bichahaʼoh átʼé nahalingo yaa nitsídaakees; bił béédahózingo aniné bichahaʼoh yikʼeebił daayéeʼ łeh.
18 Tó adadziisxaalígi átʼéego hoł yóóʼahodoogááł;nihokáaʼgi kéédahojitʼínígóó hóyéeʼgo bá hadaʼiidziih;hachʼil naʼatłʼoʼii deílʼáhígóó doo tʼáá kʼad łaʼ ákwii deeshnish da.
19 Doo nahałtingóó áádóó hadoh éí yas tooʼ néiłtsih;tʼáá ákótʼéego diné ádił nidaʼiisíiʼii jishchááʼ nídabiłtsih.
20 Hamá nidi haidiyoonah;chʼosh bił jilkango dahodoolghał;tsʼídá doo hwéénínááhániih da doo,áko tʼiis naaʼanííkaadígi átʼéego doo yáʼáshǫ́ǫ́góó ááníiłii nidootʼih.
21 Asdzání baʼáłchíní ádinígíí doo ákǫ́ǫ́ ájííłʼįįd daáádóó asdzání bąąh áhásdįįdii doo baa jijoobaʼ da nítʼééʼ.
22 Diyin God bibee adziilii bee diné ayóó átʼéii nidahaleehígíí ádíchʼįʼ niyiiʼéésh;Diyin God nídiiʼnahgo diné ákónízahjįʼ jiináa dooleełígíí doo hoł bééhózin da.
23 Hasih hazʼą́ yeidiʼáahgo ákʼinídiildził,nidi ádajítʼéii hazhóʼó haisííd.
24 Tʼóó kónígháníjįʼ ayóó átʼéii nidahaleeháádóó bikééʼ ádahadįįh;diné tʼáá ałtso noonéłígi átʼéego ajiildééh,índa tłʼoh naadą́ą́ʼ kʼégishígíigi átʼéego nahjįʼ kóhoʼdoolnííł.
25 Háiyeeʼ doo ákótʼée da dohníinii biyoochʼíidiísh nishłı̨́įgo áshóhłééháádóó baa yáshtiʼígíísh doo ílı̨́į da óhłééh?
