Job 25:1-6
25 Ákohgo Shúwah dineʼé Bíldad wolyéii ánááhodooʼniidgo ání,
2 Diyin God tʼéiyá nantʼá áádóó dólzin;agháníhóóʼáadi hózhǫ́ǫgo bił hazʼą́ągo áhósin.
3 Bidiyingo nidaalʼaʼí dah deínéehii ánéelą́ʼígíísh bééhózin?Háishąʼ bitsʼą́ą́dóó adinídínígíí doo bee bikʼiʼdiidíin da?
4 Ákoshąʼ haitʼéego Diyin God bichʼįʼgo diné tʼáá ákogi átʼée doo?Haash yitʼéego diné éí asdzání bishchı̨́įgo doo bąąh chinígóó hináa doo?
5 Jó, Diyin God binááł ooljééʼ nidi doo hazhóʼó adiníłdíin da,áádóó sǫʼígíí doo yáʼádaatʼéehii átʼéego yiníłʼı̨́.
6 Áádóó tʼah náábíláahgo diné éí chʼosh nahalingo tʼóó haaʼih,índa diné bitsʼą́ą́dóó hodzizlı̨́įʼgo chʼosh nahalingo tʼóó haaʼih.
