Job 27:1-23
27 Tʼah nááyówehgo Job tʼááłáhígi átʼéego yááłtihgo ání,
2 Tsʼídá tʼáá aaníí Diyin God hiná: éí tʼáá ákogi átʼéego shá haʼdoodzihii shitsʼą́ą́ʼ nahjįʼ kóyiilaa,áádóó Aláahgo Ayóóʼábóodziilii tʼáá íiyisí shináháshchʼíiʼgo áshiilaa.
3 Tʼah kweʼé hinishnáagoáádóó Diyin God biyol bee tʼahdii nídísdzihgo kóshiilaa;
4 éigi átʼéego doo yáʼáshǫ́ǫ́góó doo hadeesdzih da,doodaiiʼ naʼadloʼ doo łaʼ bee hadeesdzih da.
5 Dooda yéi, tʼáá ákogi átʼéego shaa yádaałtiʼ tsʼídá doo nihidóshneʼ átʼée da;dasétsą́ bijı̨́įjįʼ doo shinaʼadloʼgóó hinishnánígíí tsʼídá doo nahjįʼ nidóshʼááł átʼée da.
6 Tʼáá ákogi áníshtʼéhígíí tʼáá shizááká yíníshtąʼ; doo bidideeshchił da;hinínaadę́ę́ʼ áátʼįįdígíí biniinaa shijéí doo nitseedáágóó áshósin.
7 Shiʼanaʼí jílíinii hániʼdii doo yáʼáshóonii jileeh,áádóó atíshijiléehii hániʼdii doo tʼáá ákogi átʼéii jileeh.
8 Diné doo Diyin God kʼehgo ájítʼéii tʼáadoo leʼé há bilááh silı̨́įʼ nidi,Diyin God éí hwiiʼ sizíinii nahjįʼ kóyiilaagoshąʼ haʼátʼíísh bee hoł chohooʼı̨́į doo?
9 Hachʼįʼ hodiiznáaʼgosozdilzingoósh Diyin God tʼáá hodidootsʼı̨́ı̨́ł?
10 Daʼ tʼáásh hó Aláahgo Ayóóʼábóodziilii baa hoł hózhǫ́ǫ doo?Tʼáásh áłahjįʼ Diyin God bichʼįʼ sozdilzin doo?
11 Diyin God bibee adziilii bee nanihidínéeshtįįł;Aláahgo Ayóóʼábóodziilii binahatʼaʼ doo nihitsʼąą nanishʼin da doo.
12 Jó, tʼáá ánółtso tʼáá nihí danóołʼı̨́ı̨́ʼ;ákoshąʼ haʼátʼíí biniyé nihí tʼáadoo biniyéhígóó yeeʼ hadah hisoohdzííʼ?
13 Diyin God éí diné doo yáʼáshóonii kótʼéii yeididooʼááł,áádóó diné ade adahodzósinii yikʼee tiʼdahwiidoonihii Aláahgo Ayóóʼábóodziilii díí yee atíhodoolííł.
14 Badaʼáłchíní kʼeeʼąą dínéestʼą́ągo diltłish bee nidadootsił yiniyé ádaatʼı̨́áádóó badaʼáłchíní náás ahoolchííłgóó chʼiyáán doo yee hwiih daoleʼ átʼée da doo.
15 Nidahasdzíiʼii daninéego naałniih tʼáá bił łeeh dabidiiʼníił doo,áádóó hweʼasdzą́ą́ danilíinii bąąh ádzísdįįdii éí doo tʼáá kʼad haa dáácha da doo.
16 Azhą́ łeezh yáájiitsih nahalingo béésh łigaii ałkʼi yáájiitsih nidi,áádóó haʼééʼ dooleełii hashtłʼish ditsʼidí ahanjiitłeeh nahalingo ahanijiijáah nidi,
17 ahanijiijááh shı̨́ı̨́ dooleeł nidi, diné tʼáá ákogi ádaatʼéii dabiʼéeʼ doo,áádóó diné tʼáadoo bee bikʼídahótʼahíii béésh łigaii ałtaa deidoonih.
18 Hakin nijíʼaahígíí chʼosh ałchozhii bighanígi átʼé,índa haʼasídí chahaʼoh áyiilaaígi átʼé.
19 Ajitʼíinii jintéehgo hanaalyeʼé doo bénáhoodzı̨́ı̨́ʼ átʼée da doo;chʼéédzídziʼgo hayódí yę́ę ádin.
20 Tó akʼi chʼídzíłhałígi átʼéego tʼóó báhádzidgo hoł yééʼ áhoołʼįįh;tłʼéeʼgo níyoltsoh hoł yóóʼiighááh.
21 Haʼaʼaahdę́ę́ʼ diyołgo hoł nídiiyołgo doo hwééhoozįįh da;nijighá yę́ędóó hoł yóóʼiiyoł.
22 Doo haa joobaʼgóó tsʼídá tʼáá bizááká hachʼįʼ níyol łeh;níyol bitsxeʼii bitsʼáhodeeshłeeł, chʼééh jinízin.
23 Tsʼíigo lą́ą, dahałníigo hachʼįʼ ahídaakad doo,áádóó hoł nídiiyolgo yóóʼahódaʼazʼįįd doo.
