Job 28:1-28
28 Tʼáá aaníí béésh łigaii haagééd áádóó óola náhidilyı̨́ı̨́h bá hazʼą́.
2 Béésh nitłʼizii éí nahasdzáán biyiʼdóó haagéédáádóó tsé biiʼdóó bééshłitsoii hadahidilyı̨́ı̨́h.
3 Diné haʼagédígíí tʼáá nihoodzą́ąjįʼ haigédígíí neiłkaah,áádóó índa bee hoolʼiní yidiiłtłiʼgo tʼáá íiyisí chahałheełdiínda doo naagháhí góneʼ haʼagéedgo yaa nídiidááh.
4 Diné kéédahatʼínígíí bitsʼáhwiiníʼą́ądi iʼiiníiłgo haʼagéedgo yaa nídiidááh;łeeyiʼdi ałnánálchʼąłgo tʼáá tłʼóoʼdi nidaakaígíí bitsʼą́ądi haʼagééd.
5 Łeeyiʼdóó chʼiyáán nihwiileeh;níléí wóyahdi łeeyiʼdi kǫʼ bee nishódahootʼeehígíí bee łahgo ánáyoodlííł.
6 Tsé bitsʼą́ą́dóó tsé ílíinii sáfair wolyéii hólǫ́,áádóó łeeyiʼ óola hólǫ́.
7 Jó, áadi naatʼagii éí atsįʼ hadeintáii doo hólǫ́ǫ da,áádóó jeeshóóʼ doo hooʼı̨́į da;
8 naaldlooshii daʼaldeełii doo ákǫ́ǫ́ nidaakai da,índa náshdóítsoh bitsiijįʼ daditłʼooii doo ákǫ́ǫ́ nidaakai da.
9 Tsé nitłʼizii yidilnishgo chʼil hahaltsʼǫǫdígi átʼéegodził naaznilígíí bee niłdzilii tʼáá yił nídeidiyeenił.
10 Tó nídadinahgóó tsétahgi naʼanił;tsé daʼílíinii tʼáá átʼé yikʼéghááh.
11 Tó doo danílı̨́į da dooleeł biniyé yidádaʼdiłtłʼı̨́įhgodoo daatʼíinii daatʼı̨́ neheleeh.
12 Nidi háadi lá hódzą́ bikʼíʼdoodááł?Áádóó háadi lá akʼidiʼdootı̨́łígíí bá hazʼą́?
13 Hódzą́ bą́ą́h ílíinii éí diné doo bił bééhózin da,índa nihokáaʼgi dahináanii bitahgi ádin.
14 Tónteel ditáanii ání, Shí doo shiiʼ hólǫ́ǫ da,índa tónteel ání, Shí shee ádin.
15 Óola doo bikʼé nidoolyéeł da,índa béésh łigaii doo bikʼé dahididoodloh da.
16 Óferdę́ę́ʼ óola tsʼídá ílíinii biláahgo ílı̨́,índa nitłʼiz ałtaasʼéí ániks áádóó sáfair wolyéii biláahgo ílı̨́.
17 Óola índa tózis biisdííłtóolii éí hódzą́ ílíinii doo bił aheełtʼéego ílı̨́į da;yódí ałtaasʼéí óola ílíinii bee ádaalyaii doo bił ałghááʼjóʼnííł átʼée da.
18 Áko yooʼ łichíʼí áádóó diichiłí ílíinii tʼáadoo biniyéhí da, jiníi dooleeł;nitłʼiz ałtaasʼéí daʼílíinii biláahgo hódzą́ ílı̨́.
19 Iithiyópiya kéyahdę́ę́ʼ tsé ílíinii tópaz wolyéii nidi doo íʼjítı̨́įh da;óola éí tʼáá bízhání nidi tʼáá níjííʼoh.
20 Ákoshąʼ háádę́ę́ʼ hódzą́ nihwiileeh?Áádóó háádę́ęʼshąʼ akʼidiʼyiitįįh hwee hodooleeł?
21 Hiná nináneelʼą́ąjįʼ tʼáá ałtso bitsʼąą nanilʼin,índa tsídii wódahgo naaldeehii bitsʼąą nanilʼin.
22 Hoolʼáágóó atíʼéłíinii áádóó aniné ání, Tʼóó jiní,haʼníigo tʼéí baa hodiitsʼaʼ.
23 Diyin God éí hódzą́ átʼéii bił bééhózin,áádóó ákweʼé átʼéegi bił bééhózin,
24 háálá nahasdzáán nidahoneesʼą́ą́góó déezʼı̨́ı̨́ʼ,áádóó wódahgo dahólóonii tʼáá ałtso yooʼı̨́.
25 Níyol haa bóodziilgo áyiilaagoáádóó tó ádanéeltʼeʼígíí yídaʼnééłʼąądgo
26 áádóó nidahałtin doogoínda nidaʼdilchʼil doogo yee nihodiizʼą́ągo
27 kótʼéego yiníłʼı̨́, áádóó yaa chʼíhoníʼą́áádóó bidziilgo áyiilaa índa tʼáá aaníí hayíísid.
28 Áádóó diné áyidííniid, Shoo, Bóhólníihii dólzin éí hódzą́ átʼé,áádóó doo yáʼátʼéehii bitsʼájígháahgo akʼizhdiʼyiitįįh jileeh.
