Job 29:1-25
29 Tʼah nááyówehgo Job tʼááłáhígi átʼéego yááłtihgo ání,
2 Diyin God shaa áhályą́ągo shíiníłką́ yę́ędą́ą́ʼáníshtʼé yę́ęgi áníshtʼée laanaa.
3 Diyin God bibee hoolʼiní bee shitsiitsʼiin bikʼiʼdiidíingochahałheeł biiʼ yishááłdą́ą́ʼ bibee adinídíinii bikʼehgo níyá,
4 ániid naasháádą́ą́ʼ Diyin Godkʼé shóʼníigo shiníbaal yaa áhályą́ą́dą́ą́ʼ,
5 Aláahgo Ayóóʼábóodziilii tʼahdii shił hólǫ́ yę́ędą́ą́ʼ,shaʼáłchíní shinaagóó tʼahdii nidaakai yę́ędą́ą́ʼ,
6 tʼáá ałtsoní bee ádaʼazįįdgo hinishná yę́ędą́ą́ʼ,tsé nidi biyiʼdę́ę́ʼ akʼah shá hadaazlı̨́ı̨́dą́ą́ʼ,
7 kin haalʼáago dáńʼdítı̨́įhjįʼ náshdááh yę́ędą́ą́ʼákwii dah náníshdaah yę́ędą́ą́ʼ áníshtʼé yę́ęgi áníshtʼée laanaa;
8 dinééh dashiiłtséehgo shitsʼąą nínádaditʼı̨́ı̨́h nítʼééʼ,hadaastihii bił nishłı̨́įgo nídeidzįįhgo tʼáá naazı̨́į łeh nítʼééʼ.
9 Naatʼáanii danilíinii dadidoołhiłgobizééʼ dádadilnih nítʼééʼ.
10 Geʼ, jidííniid nahalingo aląąjįʼ naazíinii tʼóó dadéesyéél nítʼééʼáádóó doo hadaʼatahee naazı̨́į łeh nítʼééʼ.
11 Diné dashidiitsʼı̨́įhgo shaa dahaniih nítʼééʼ;diné dashiiłtséehgo yáʼátʼéehgo shaa yádaałtiʼ łeh nítʼééʼ,
12 háálá diné bahojoobáʼígíí daacha yę́ęínda áłchíní bizhéʼé ádingo tʼáadoo bíká oolyeedí da yę́ę yisdáhóójaaʼ.
13 Diné kʼadę́ę daatsaahii bee shaa hodooʼnihii bee shikʼihodzisdliʼáádóó asdzání bąąh áhásdįįdii bijéí bił hózhǫ́ǫgo hataałgo áshłaa.
14 Tʼáá ákogi átʼéii ákʼísístiʼgo tʼáá ákogi átʼééjí ééʼ bee hashiʼdiilyaa;doo haa dayitʼéii bee hadiishʼééʼ índa shitsiiʼ náztʼiʼ nítʼééʼ.
15 Diné doo daʼooʼíinii bá anááʼ nishłı̨́ı̨́ nítʼééʼ,índa diné doo nidaakaii bá ajáád nishłı̨́ı̨́ nítʼééʼ.
16 Diné badahojoobáʼígíí bizhéʼé nishłı̨́ı̨́ nítʼééʼ;diné doo bééhasinii bee bikʼéhátʼáahii bá naashkaah nítʼééʼ.
17 Diné doo yáʼádaashóonii dabiyaatsʼiin kʼíshtihgodayótsaʼii bizééʼ hááháshtłʼiid nítʼééʼ.
18 Kódíshníí nítʼééʼ, Tʼáá shighandi dadeestsaałínda séí ayóó ánéelą́ʼígi átʼéego tʼóó ahayóí shiidoołkááł.
19 Shehétłʼóól táyiʼjigo taah noolzheeʼínda tłʼééʼ bíighah shitsʼáozʼaʼ dahtooʼ daabąąh łeh.
20 Bee ił nishłíinii tʼáá áłahjįʼ ániidí náádleeł,áádóó sheʼałtı̨́ı̨́ʼ ałdóʼ áłahjįʼ ániidí náádleeł.
21 Diné dashíistsʼą́ąʼii shibaʼ ádaatʼéegonabikʼíyáshtiʼgo dadéesxéél nítʼééʼ.
22 Haasdzihgo doo shichʼįʼ hanádziihí da nítʼééʼ;shizaad dahakʼijįʼ naałtin nítʼééʼ.
23 Níłtsą́ bibaʼ nidzíiztą́ nahalingo shibaʼ nidaháaztą́ą łeh nítʼééʼ;níłtsą́ nidayólí nahalingo yídin ádaanéehgo kʼadę́ę dashidiitsʼı̨́įh łeh nítʼééʼ.
24 Doo dashijoodlą́ą́góó tʼóó hachʼįʼ yishdloh łeh nítʼééʼ;shił hózhǫ́ neeshningo doo shąąh nidahwiiłkaad da nítʼééʼ.
25 Dajíkáah dooleełgóó há nidahidishʼaahgo agháago naatʼáaniigi átʼéego dah sédáa łeh nítʼééʼ;aláahgo naatʼáanii bisiláo yitahgi kééhatʼı̨́ nahalingo kééhashtʼı̨́ı̨́ nítʼééʼ;yínííł danilı̨́įgo atínídadindleehii hayiʼiyoołníihii nahonishłingo kééhashtʼı̨́ı̨́ nítʼééʼ.
