Job 3:1-26
3 Kódzaadóó bikʼijįʼ Job biʼdizhchínígíí yiyéédzííʼ.
2 Áádóó Job ádííniid,
3 Hániʼ jı̨́ biyiʼ shiʼdizhchíinii bił yóóʼahaghááh;éí bitłʼééʼ, Diné łaʼ bóʼootsą́, haʼnínígíí doo bééhániih da doo.
4 Éí jínígíí hániʼ bił chahałheeł leʼ;éí wódahdę́ę́ʼ Diyin God yaa ákonoozįįh lágo,bikʼi doodlaad lágo;
5 Jı̨́ biyiʼ shiʼdizhchínígíí hániʼchahałheeł índa anoonééł bichahaʼoh biishı̨́ı̨́h;hániʼ kʼos bikʼiilzhood; hániʼ chahałheeł bikʼee ił yéeʼii yileeh.
6 Éí bitłʼééʼ hániʼ chahałheeł bikʼiildóóh;éí nináháhááhgóó yoołkáałii bitahgi bił óoltaʼ lágoínda náhidizíídgóó bitah ooltsʼííd lágo.
7 Jó, éí bitłʼééʼ doo bíʼootsą́ą da leʼ;éí bitłʼéédą́ą́ʼ tʼáadoo diné bił dahózhóní leʼ.
8 Liiváíyathan yił hadahodínóołchał yiniyé hashtʼeʼádadiilyaiiéí jínígíí hóyéeʼgo yá hadaadziih.
9 Kʼadę́ę haiłkaahgo sǫʼ haakahígíí bíniʼ bił chahoołheeł;hániʼ hwiidoolʼįįłígíí nayólí, nidi tʼááká bee hoolʼįįh yíilaʼ,áádóó hániʼ doo bikʼijįʼ haʼdooʼáał da,
10 háálá shimá biishchʼid tʼáadoo déidiiłtsood daínda shichʼįʼ nahwiiʼnáanii tʼáadoo shitsʼąą néideesʼı̨́įʼ da.
11 Haʼátʼéegoshąʼ tʼóó shiʼdizhchı̨́ yę́ędą́ą́ʼ tʼáadoo dasétsą́ą da?Haʼátʼéegoshąʼ tʼóó háítłizh yę́ędą́ą́ʼ shiiʼ sizíinii tʼáadoo shiiʼ haalwod da?
12 Haʼátʼíishąʼ biniyé agod bitaʼdę́ę́ʼ hashiʼdooltı̨́?Índa haʼátʼíishąʼ biniyé abeʼ yíłtʼóód?
13 Dasétsą́ągo laʼ yóóʼáshiʼdiilyaago doo íitsʼaʼí da doo nítʼééʼ;dasétsą́ą́jígo laʼ hanáshyı̨́įh doo nítʼééʼ;
14 nihokááʼgóó aláahgo naatʼáanii danilı̨́ yę́ęáádóó diné naʼakʼíyádaałtiʼ yę́ęéí kin hadaasʼáago áńdahoodlaa yę́ę,
15 doodaiiʼ naatʼáanii danilíinii óola bee dahólóonii dabighan góneʼbéésh łigaii hadeideesbįįd yę́ę laʼ bił háádaashyı̨́įh doo nítʼééʼ.
16 Éí doodaiiʼ awééʼ tʼóó atsą́ hááʼéelgo yóóʼályaiitʼáadoo deezghalii nahonishłin doo nítʼééʼ.
17 Áadi diné doo yáʼádaashóonii yę́ę doo achʼįʼ nidahwiiłnáa da;áadi diné chʼééh dadeeskaii yę́ę tʼóó háádaalyı̨́ı̨́h.
18 Áadi lą́ą awáalyaaí danilíinii bide ádahósin yę́ędoo nídeididootsʼı̨́ı̨́łgóó tʼóó ałkʼi dah neisłá.
19 Diné ayáhígo ádaatʼé yę́ę áádóó ayóó ádaatʼé yę́ę áadi łeeyiʼ shijééʼ,áádóó naalteʼ jílíinii hananitʼaʼí doo hwee ádíhólníih da.
20 Haʼátʼíí lá biniyé diné tiʼhooníihii bá adinídíingo ályaa láínda haʼátʼíí lá biniyé diné bił niiłchʼiihii iiná baa deetʼą́ą́ lá?
21 Éí dadzótsaah laanaa nízin, nidi doo daotsaah átʼée daínda yódí yinéesʼı̨́įʼgo yíkaʼageedígíí bilááh átʼéego aniné hátʼı̨́;
22 éí tʼáá íiyisí bił nidahoozhǫǫhgo yóóʼádabiʼdiilyaago bił dahózhǫ́ǫ doo.
23 Diné deeyáágóó bił chʼaa óolzinii Diyin God bináʼástʼiʼii haʼátʼíí biniyé bikʼi diidíín?
24 Yínííł nishłı̨́įgo adeeshı̨́ı̨́ł yę́ę tʼóó atínídinishdleeh,áádóó tó chʼínílı̨́ nahalingo dinishʼní.
25 Háálá ayóó átʼéego bikʼee shił yéeʼii shikʼi hooleʼáádóó binásdzidígíí shichʼįʼ áánííł.
26 Doo shił hashtʼehodítʼée da áádóó doo hanáshyı̨́įh daínda doo dííníshyéel da, nidi shichʼįʼ náhodiiʼnááh.
