Job 30:1-31
30 Nidi kʼad diné shikéédę́ę́ʼ nidaakaii tʼóó shá nidahałtʼiʼgo shaa daadloh;dabizhéʼé yę́ę éí łééchąąʼí bił shidibé yaa ádahalyą́ą dooleełgi nidi doo baa jóshłíi da nítʼééʼ.
2 Tʼáá aaníí, éí hastóí yee dabidziilii bąąh nástʼįįdiihaash yitʼéego chonáánáoshʼı̨́į doo?
3 Badahojoobáʼígo áádóó dichin danilı̨́įgo nidahaasgango biniinaahiłiijı̨́įhgo doo naagháhígóó ałnáádaajahgo honoojíidi chʼil behétłʼóól deiʼaał nítʼééʼ.
4 Hazaʼaleeh hadeigéedgo índa chʼil naazkaadígíí behétłʼóól hadeigéedgo dabichʼiyąʼ nítʼééʼ.
5 Diné bitsʼą́ą́dóó chʼídahoniiłkaadáádóó aniʼįįhii bízhdílwoshígi átʼéego hódadilwosh nítʼééʼ.
6 Tsé danítʼiʼgóó dabiníkoohgóó áádóó daʼaʼáángóóínda tsé daaʼáángóó tʼéiyá kéédahojitʼı̨́ı̨́ nítʼééʼ.
7 Chʼiltahgóó hadahasʼáa łehínda chʼil hooshahii nitsaii biyaagóó ahínídeiikah nítʼééʼ.
8 Diné doo dahóyáanii, tʼáá aaníí doo béédahoʼdílzinii baʼáłchíní dajílı̨́įgotʼáadoo biniyéhígóó nidajikai nítʼééʼ; éí nahjįʼ kódahoʼdiilyaa.
9 Áko kʼad ákódabiʼdiilyaaígíí éí shaa nidadiʼaʼ;tʼáá aaníí tʼáá ádzaagóó nidashózhiʼ.
10 Shikʼee dadiniih; doo shitʼáhíjįʼ ádaatʼée da,áádóó shiniiʼ yikʼídadidoozhahgi doo yichʼįʼ niʼ danilı̨́į da.
11 Diyin God éí doo shitah hwiináágóóáádóó ádaa hojiinishbáʼígo áshiilaaígíí biniinaa doo shíká dáátiid da.
12 Shinishʼnáádę́ęʼgo ániid nidaakaii náʼnéehgo dideeshgoh biniyéshijátah nídadiltałgo yaa nínáádiikah;yee atídaʼałʼíinii shininádayiidlééh.
13 Yishááłgóó nidahwiiłchxǫǫh;shichʼįʼ nidahwiiłnáa dooígíí yíká daʼíłkeed; tʼáadoo yóweh bidóneʼé da.
14 Naʼadziʼgi tó hakʼi chʼízníłhaal nahalingo shikʼijįʼ dah náníjah.Bikʼeʼíyéeʼii bee shichʼįʼ áhooníiłgo shikʼijįʼ nídiikai.
15 Bikʼedaʼíyéeʼii shikʼééhoodleeh;deeyolígíí nahalingo shikééʼ nahaakai;kʼos yóóʼeelzhóód nahalingo bee áníshtʼéii yę́ę háájí shı̨́ı̨́ silı̨́ı̨́ʼ.
16 Áko kʼad tʼáá kódíjįʼ shiiʼ sizíinii bił shá nihonítʼiʼ nahalin;shichʼįʼ nahwiiʼnáago shíídíiską́.
17 Tłʼéeʼgo shitsʼin shił náhoniiłgah;doo shił honókʼeʼ átʼéégóó shił nahonigaah.
18 Tʼáá íiyisí doo shitah hóótsʼíídgóó shiʼééʼ shínídeidiiłjah;shizáníghą́ą́ gónaa shídiilkad nahalingo shikʼi naazdon.
19 Diyin God éí nahoditsʼǫʼ ashiyííłhan,áko łeezh dibahí índa łeeshchʼiih nahonishłin sélı̨́ı̨́ʼ.
20 Nichʼįʼ sodiszingo doo shichʼįʼ ééhonísįįh da;néisdzįįhgo tʼóó shiníníłʼı̨́į łeh.
21 Shíʼítsʼih sínílı̨́ı̨́ʼ;nílaʼ ayóó ábóodziilii bee atíshíłʼı̨́.
22 Níyol nááshidiiłtéehgo shił yiyołgo ánáshiinilʼįįh;ayóó átʼéego níyolígíí yááshiiłgohgo nínáshidíłʼoł.
23 Jó, díí shił bééhózin: dadeestsaałjįʼ yeeʼ,éí nihokááʼ dineʼé tʼáá ałtso bá nihonítʼiʼii bá hazʼą́ąjįʼ áajįʼ kóshidíílííł.
24 Azhą́ łaʼ hakʼi hoołdáazgo, Shíká oołyeed, didooniił nidi,doo łaʼ bíká adidoolnihí da.
25 Diné bichʼįʼ nahwiiʼnáago bíyoołkáałiísh tʼáadoo baa yícha da?Índa baa dahojoobáʼígíísh tʼáadoo baa yínííł niséyáa da?
26 Yáʼátʼéehii bíká áníshtʼéego jó, doo yáʼátʼéehii da shaa honíleʼ;adinídíín bíká áníshtʼéego tʼóó chahałheeł hazlı̨́ı̨́ʼ.
27 Shitsą́ habéézh nahalingo doo áhodiiszéeh da;achʼįʼ nahwiiʼná biiʼ shíyoołkááł.
28 Jı̨́honaaʼéí éí doo shiishı̨́įʼ da, nidi yínííł áníshtʼé;áłah ílı̨́įgi néisdzįįhgo shíká iʼdoolwoł biniyé náʼooshkąąh łeh.
29 Mąʼii bikʼis sélı̨́ı̨́ʼ,índa tsídiitsoh ástrich wolyéii bił naashdeeh.
30 Shikágí éí deijı̨́įʼgo nahgóó ahitʼood;kǫʼ hózhdínił nahalingo shitsʼin daneezgai.
31 Tsin tłʼóół bąąh daneelzheeʼgo bee nidaʼaʼnéii bee naashnéego yínííł jílı̨́įgo atínízhdindlehígi íitsʼaʼ nádleeh,áádóó tsin bee íʼdílzoołí bee naashnéhígíí atínáhodindleehgo hwiinééʼ dadiitsʼaʼígi ánáánéitsʼaʼ łeh.
