Job 31:1-40
31 Shinááʼ tʼéiyá bee níshʼı̨́į dooleełii nidiníʼą́,áko haʼátʼéegoshąʼ chʼikę́ę́h łaʼ bidáneeshníi doo?
2 Diyin God yótʼááhdę́ę́ʼ hólóonii haʼátʼíí achʼįʼ niidoolééł?Aláahgo Ayóóʼábóodziilii agháníhóóʼáadi hólóonii haʼátʼíishąʼ aididooʼááł?
3 Daʼ diné doo yáʼáshónígi áátʼįįdígíísh doo atíbidiʼdoolníił da?Daʼ diné doo ákwii ádaatʼíiniísh doo ayóó ábidiʼdoolníił da?
4 Daʼ Diyin God éí yishááłgóósh doo yooʼı̨́į da,índa nihidishtaałígíísh doo tʼáá ałtso yółtaʼ da?
5 Shinaʼadloʼgo daatsʼí hinishnáá nítʼééʼ,éí doodaiiʼ tsxı̨́įłgo inaʼashłoʼgo niséyáá ládą́ą́ʼ,
6 hániʼdii bee dah nídiidlohí doo binaʼadloʼii bee shééhodoozįįł,áko doo shinaʼadloʼgóó Diyin God bił bééhodoozįįł.
7 Tʼáá ákóneʼ áshtʼı̨́įgo bitsʼá níyáagoáádóó bidánáneeshnihii tʼéí shíniʼ nilı̨́įgo yisháałgo,ádił niʼiidzííh łaʼ tʼáá shiiʼ hólǫ́ǫ́ ládą́ą́ʼ,
8 hániʼdii kʼéédíshdléehgo náánáłaʼ diné nídeidı̨́įh doo;tʼáá aaníí shá nidaniseʼii hániʼdii hadahóltsʼǫǫd.
9 Asdzání shíniʼ áhoolaago,doodaiiʼ bił kééhashtʼíinii bichʼéʼétiindóó baa hííníshdáá nítʼéeʼgo,
10 hániʼdii sheʼasdzą́ą́ náánáłaʼ diné yá akʼáa doo,índa hániʼdii náánáłaʼ diné yił nídabiilkááh.
11 Jó, ákóhoodzaago tʼáadoo hasohnáhodiiníbézhígóó ádił oodzíiʼ dooleeł;tʼáá aaníí doo ákwii ádajíítʼįįdígíí ándahwiiʼaahii atídahodoolííł.
12 Háálá atíʼoolníiłjįʼ kǫʼ ałtso idiʼdoołkʼą́ąłii átʼé;shee nihwiileehii ałtso shitsʼą́ąjįʼ kódaalneʼ doo nítʼééʼ.
13 Diné shá naalʼaʼí, doodaiiʼ asdzání shá naalʼaʼí biʼdiiłʼáhígíí biniinaashikʼéháʼáahgo bá baa nídéeshtʼįįłgi doo niizı̨́ı̨́ʼgóogo,
14 áko Diyin God shá nihodooʼááł biniyé nídiidzáago haa deeshnííł?Shaa honíleʼgoshąʼ haʼátʼíí bidideeshniił?
15 Daʼ doósh Diyin God áshiilaago iishchʼid biyiʼ nishiníłtínígíí áhoolaa da?Daʼ doósh tʼááłáʼígíí tʼáá áníidla tʼáá ałʼąą nihimá biishchʼid biyiʼdi ánihiilaa da?
16 Baa dahojoobáʼíii tʼáadoo leʼé deinízinii bichʼįʼ baa nááchįʼgo,doodaiiʼ asdzání bąąh áhásdįįdii yídin nilíinii tʼáadoo bee bíká aashwodgóogo;
17 éí doodaiiʼ tʼáá sáhí shichʼiyąʼ yíyą́ąʼgoáłchíní bizhéʼé ádinii tʼáadoo łaʼ baʼníłtsoodgóogo;
18 (jó, tʼáá tsíłkéí nishłı̨́ı̨́dę́ę́ʼ bizhéʼé nishłı̨́ nahalingo bił níyá,áádóó tʼáá bimá bishchínídóó kǫ́ǫ́ dahonítʼiʼ, bidishníigo nísą́;)
19 łaʼda shinááł ééʼ yídin nilı̨́įgo daaztsą́ągo,doodaiiʼ bahojoobáʼíii biʼééʼ ádingo yiiłtsą́ągo,
20 áádóó bahojoobáʼíii tʼáadoo ééʼ baa nínilgóó doo shichʼįʼ ahééh niizı̨́ı̨́ʼgóogoínda shidibé bighaaʼ bee ééʼ ádaalyaaígíí tʼáadoo yee náʼiidziilgóogo,
21 áádóó dáńʼdítı̨́įhgi ándahwiiʼaahii shikʼis dajílı̨́įgo bąąáłchíní bizhéʼé ádaadinii bide ádahwíínísin ládą́ą́ʼ;
22 hániʼdii shigąąstsiin shiwos bąąh niʼdiikęęs;hániʼdii shigaan shichʼoozlaaʼgi kʼédlaad.
23 Jó, Diyin God atíʼéłʼı̨́įgo tʼáá íiyisí bikʼee shił yééʼ nítʼééʼ,áádóó ayóó átʼéii nilı̨́įgo biniinaa tʼáadoo bínééshʼąąd da.
24 Óola bee shił chohooʼı̨́įgo,doodaiiʼ óola yáʼátʼéehgo nídoolyı̨́įʼii, Naa jííníshłí, bidííniidgo,
25 áádóó tʼáá íiyisí bidziilgo dah aashłéłígííínda ląʼí nishóʼiisíłtʼeʼígíí baa shił nihoozhǫǫhgo,
26 áádóó jı̨́honaaʼéí adiníłdíingoínda ooljééʼ nizhónígo hááyáago nééłʼı̨́įʼgo;
27 tʼáá nahontʼinee shijéí yíniʼ áhoolaagoshílaʼ sétsʼǫsgo;
28 kótʼéego doo ákwii áhóótʼįįdígíí ałdóʼ átʼéego ándahwiiʼaahii yaa nídadóotʼįįłgo atídeidoolííł nítʼééʼ;kósdzaago éí, Diyin God yótʼáahdi hólóonii doo shídéétʼiʼ da, dííniid doo nítʼééʼ.
29 Daʼ diné shikʼee diniihii atílyaaígíísh bąą shił nihoozhǫǫhínda doo yáʼátʼéhígi ábiʼdiilyaagoósh baa tsʼíigo lą́ą niizı̨́ı̨́ʼ?
30 Dooda, tʼáá aaníí biʼdódziihgo daotsaʼ doo laanaa nisingo doo bee ádił iisiihgo haasdziih da.
31 Shiníbaal siʼą́ą́dóó tʼáá háiida,Hachʼiyąʼ tʼah doo bee hwiih deidleeh da, doo niihí da?
32 Déʼéyóní doo łaʼ kintah atiingi biiską́ą da,nidi chʼaadeíkáahii bá shighan ąą íínísin nítʼééʼ.
33 Doo ákwii áátʼįįdii shijéí biiʼ nídíłʼı̨́įʼgo,Ádam ádzaa yę́ęgi átʼéego bee hazʼáanii kʼínítiʼígíísh díníłʼı̨́įʼgo,
34 ayóó ánéelą́ą́ʼ áłah ílínígíí bikʼee shił yéeʼgodahooghandę́ę́ʼ diné dah deíkáahii dashiʼı̨́įgo tsídasideesyizígíí biniinaatʼóó dííníshhéél nítʼééʼ, áádóó tłʼóóʼgóó nidi tʼáadoo chʼíníyáa da?
35 Dooládóʼ łaʼ shíistsʼą́ą́ʼ laanaa da!Jó, kǫ́ǫ́ ádaa hashneʼgo AláahgoAyóóʼábóodziilii shichʼįʼ ééhoosįįh laanaa nisin,índa shiʼanaʼí nilíinii naaltsoos bikáaʼgi akʼeʼółchíiłgo shaa chíhóʼááł laanaa nisin.
36 Ákódzaago shiwos dah deeshʼááłáádóó naatʼá chʼah hachʼah ájíléhígi átʼéego shitsiinídeeshtʼih nítʼééʼ.
37 Níyáádę́ę́ʼ kónéelą́ąʼdi nidinishtáál, dishníigo bił hodeeshnih nítʼééʼ;naatʼáanii nahalingo bitʼááh deeshááł nítʼééʼ.
38 Shikéyah shikʼee hááchago áádóó anákʼeeshtoʼ náálı̨́ nahalingotó neetsʼeeʼgo danílínígíí shichʼįʼ saad dahółǫ́ǫgo,
39 áádóó kéyahdóó neestʼáanii béeso tʼáadoo bikʼé nanishłéhí yíyą́ąʼgobiniinaa bikéyah daʼílíinii daneeznáago áshłaago;
40 hániʼdii tłʼoh naadą́ą́ʼ hadadínóosééł yę́ęgi chʼil deeníní hadaniseʼ leʼ,índa tłʼoh naadą́ą́ʼ bideeʼí hadadínóosééł yę́ęgi tłʼoh niłchxoní yiltʼąąʼída nidaniseʼ.Kojįʼ lą́ą Job saad niiníłtʼiʼ.
