Job 36:1-33
36 Áádóó Iiláíhu tʼáá yááłtihgo ání,
2 Tʼáá áłtsʼíísígo haʼíínílní; łahgo nił ííshją́ą́ ánááháshdlééh,áko Diyin God bá saad bee hahideesdzihígíí tʼahdii łaʼ shee hólǫ́.
3 Doo nádiinághánídę́ę́ʼ shił bééhoozinígíí éí kʼad baa hodeeshnihgoÁshiilaii tʼáá ákogi átʼéii nilı̨́įgo ííshjání ádeeshłííł.
4 Háálá shizaad tʼáá aaníí doo woochʼííd ádaatʼée da;tʼáá ałtsojįʼ bił ééhózinii kǫ́ǫ́ nihił hólǫ́.
5 Jó, Diyin God ayóó átʼéii nilı̨́, índa łaʼda doo yiʼı̨́į da;bidziilii índa hódzą́ yee ayóó átʼé.
6 Diné doo yáʼádaashóonii doo tʼáá dahináago áyósin da,nidi diné badahojoobáʼíii éí tʼáá ákogi ádaatʼéii yeidiiʼaah.
7 Doo áá hootʼįįhgóó diné tʼáá ákogi ádaaníiłii yikʼi déezʼı̨́ı̨́ʼ;aláahgo naatʼáanii danilíinii bikááʼdóó nahatʼáii yikááʼ dah náhidinoobįįłiihoolʼáágóó yił dah naháaztą́ągo ayóó átʼéii nidahaleeh.
8 Áádóó béésh daʼahólzhaʼí bee dah dabiʼdiistłʼǫ́ǫgoínda achʼįʼ nahwiiʼná bitłʼóólyiih hekáahgo
9 áadi índa baa nidajikaígíí áádóó bee hazʼáanii kʼídajiztiʼii bee ádaa dahaʼniihígíí yee hoł halneʼ.
10 Índa bínahodíʼnóoltįįłii dadzíistsʼą́ąʼgo áhoołʼįįh,áádóó, Doo ákwii ádaotʼínígíí bitsʼáhóhkááh, yiłniih.
11 Bikʼeh dahojíłʼı̨́įgo áádóó bá nidajilʼaʼgoyáʼátʼéehgo ahódeidoołkááł,áádóó hoł dahoneenigo ałtso hwee nídahidoohah.
12 Doo akʼeh dahojíłʼı̨́ı̨́góogo tʼóó diltłish bee nidahodiʼdootsiłáádóó tʼáadoo hoł béédahózinígóó dazhdínóonééł.
13 Bijéí yee doo Diyin God yikʼeh ádaatʼéii éí tʼóó báhádzidgo bee atíʼoolnííł ade ádayooliił;Diyin God atíbiiłʼįįhgo doo yichʼįʼ sodadilzin da łeh.
14 Tʼáá ániid nidaakaigo daninéínda tʼóó baaʼihígi ádaʼahilʼı̨́įgo nidaʼiiłdįįh.
15 Badahojoobáʼíii bichʼįʼ nidahwiiʼnáago yisdáyiinííł,áádóó bide ádahólzinígíí binahjįʼ daʼíistsʼą́ąʼgo áyósin.
16 Tʼįįhdígo hazʼą́ ade áhósindę́ę́ʼ hóteelgo hazʼą́;diné doo ade áhólzinjįʼ nił ííʼáázh,áádóó nibikááʼ adání bikáaʼgi chʼiyáán bee ádaʼazįįdgo áyiilaa.
17 Nidi diné doo yáʼáshóonii bee baa náhódóotʼįįłii bee ná bihoolyaa;aa hwiinítʼı̨́ índa tʼáá ákogi átʼéii bikʼehgo nénálkááʼ.
18 Tʼóó báhádzidgo atídoolíłígíí bitsʼąą ádaa áhólyą́, áko anoonééł doo yee nahjįʼ kóndoolíił da.Tʼóó ahayóí nikʼé niilyáa nidi, doo bee yisdádíínáał da.
19 Daʼ nitʼínígíísh tʼáá íiyisí ná ílı̨́įgo yaa nitsíkees dooleeł?Nidagaʼ, óola dooda, bee adziilii nidi tʼáá ałtso doo ílı̨́į da.
20 Diné áádįįłgo ákótʼéegotłʼéʼígíí éí tʼáadoo bídin nílíní.
21 Ádaa áhólyą́; doo ákwii ánáánáoʼnééh lágo;jó, achʼįʼ nahwiiʼná bitsáskʼehgi doo ákwii átʼéii nidííníʼą́ą́ nítʼééʼ.
22 Jó, Diyin God bibee adziilii yee tsʼídá aláahgo ayóó átʼé;Diyin God naʼnitinígi átʼéego háísh łaʼ ákótʼéego nazhʼnitin?
23 Diyin God doo łaʼ, Kónínééh, biłníní da.Áádóó doo łaʼ, Doo ákwii átʼéii íinilaa, biłníní da.
24 Shą́ą́ʼ, Diyin God binaanish bee diné baa dahaniihgodahótálígíí éí bee Diyin God baa hóniih.
25 Nihokááʼ dineʼé tʼáá ałtso Diyin God ááníłígíí deiníłʼı̨́;doo bitʼááh jóyaʼ átʼéégóó deiníłʼı̨́.
26 Jó, Diyin God tsʼídá aláahdi átʼéii nilı̨́ áádóó átʼéii doo tʼáá átʼé nihił bééhózin da,áádóó naalkaahgo ákwíí binááhaígíí hoł béédahodoozįįłgo doo bídajíighah da.
27 Háálá nihokááʼdóó siil dah nídiildohgo ííłʼı̨́,áádóó tʼáá éí siil níłtsą́ nináhádleehgo naałtingo ííłʼı̨́.
28 Kʼos bitsʼą́ą́dóó nihokááʼ dineʼé bikʼijįʼ ląʼí nídahodiłtı̨́įhgo ííłʼı̨́.
29 Kʼos nídiilkǫǫhígíí índa yótʼáahdi adiʼnínígíí łaʼda doo yikʼidiitįįh da.
30 Jó, tʼáá bí binaagóó nidaʼdilchʼilgo ííłʼı̨́áádóó tónteel biyaadi hazʼánígíí bikʼi ditą́ągo ííłʼı̨́.
31 Jó, diné yá nihwiiʼaahínda chʼiyáán tʼóó ahayóí yeidiyiiʼaah.
32 Áádóó bílaʼ tʼáá ałchʼishjí yee atsiniltłʼish anáyiiłtaʼgo yídínóotahjįʼ yiʼiiłnííh.
33 Daʼdiʼníigo éí hoołtı̨́łígíí yaa halneʼ,áádóó béégashii éí daʼdiʼníigo hoołtı̨́łígíí yaa ákódanízin.
