Job 39:1-30
39 Tsétah tłʼízí nidaʼiiłchíihgoósh nił bééhózin?Bįįhtsaʼii nidaʼiiłchíihgoósh hanisííd?
2 Idaʼniiltsąąhdóó díkwíí nídíziʼgo nidaʼiiłchíhígíísh nił bééhózin?Doodaiiʼ tsʼídá ákweʼé hoolzhishgo daʼdoołchíłígíísh nił bééhózin?
3 Daʼdoołchííł biniyé dahinteehgo biyázhí nidahwiileeh.Áajįʼ bikʼi dahwiildóóh.
4 Biyázhí bidziil nidahaleeh áádóó hootsogóó nidaakaigo nitsaaz nidahaleeh;tʼáá áádóó dah dahidiikáahgo bimá doo yaa ninádahakáah da.
5 Háí tʼéiyá télii ałchinii doo bidahodiitʼiʼgóó áyiilaa?Háí tʼéí yideideezhchidgo tʼáá bí nízinígóó nidaakaigo áyiilaa?
6 Éí honoojítahgi bikéyah dooleeł biniyé baa diníʼą́,áádóó táhánííʼ hólǫ́ǫgi nidaakai dooleełgo áshłaa.
7 Kin haalʼáajįʼ doo hooʼı̨́į da;diné oołbąsii háádílwoshgo tsʼídá tʼah doo yidiitsʼı̨́įh da.
8 Dziłdi dahootsogóó naʼałchozhgo háádiidááh;chʼil ániid hanootʼáanii tʼéí haintáago naʼałchozh łeh.
9 Béégashii ałchiniísh íinízingo tʼáá bee nidíílnish?Doodaiiʼ nibéégashii nídaʼałchosh góneʼésh tʼáá biidoołkáałgo átʼé?
10 Tó daneetsʼeeʼ doo biniyé bee hahodiyííłdlałgoósh bíninilʼą́?Doodaiiʼ nidáʼákʼehgi nahaghazí yooshołgoósh ádíílíiłgo bíninilʼą́?
11 Tʼáá íiyisí bitsxeʼígíísh bee baa dzíínílíi doo?Doodaiiʼ ninaanishísh baa didííʼááł?
12 Daʼ nitłʼoh naadą́ą́ʼ habínáʼíłʼisíjįʼtłʼoh naadą́ą́ʼ tʼáá ná niidooyéełgoósh baa dzíínílíigo átʼé?
13 Tsídii ástrich wolyéii bitʼaʼ baa dzólníigo yíłbal.Bitsʼos ayóó ánóolninígíí ayóóʼóʼóʼníinii yaa halneʼ.
14 Háálá biyęęzhii tʼáá niʼgóó niyiiníiłgonahasdzáán éí ayęęzhiígíí deineesdogo
15 łaʼda yikʼi didooltałgo yidoołtsʼił,doodaiiʼ naaldlooshii ałchinii yikʼi nidookahgi tʼóó yaa náyooʼnah łeh.
16 Doo bííʼ danilı̨́į da nahalingo biyázhí tʼáá naʼníleʼdii áyoołʼįįł;azhą́ tʼáadoo biniyéhígóó ałchíih nidi, doo bikʼee bił yéeʼ da.
17 Biniinaa átʼéhígíí éí Diyin God hódzą́ tʼáadoo beidiníʼą́ą da,índa akʼidiʼyiitįįh dooleełgo tʼáadoo ábiilaa da.
18 Bitʼaʼ de áyiiłʼįįhgo nídiilwoʼgołı̨́ı̨́ʼ áádóó bił yilwołígíí tʼóó yeidloh łeh.
19 Łı̨́ı̨́ʼísh bidziilgo ádanileʼ?Bikʼosísh ayóó ábóodziilgo ádanileʼ?
20 Nahachagiitsoh yááhiichahígi átʼéegoósh łı̨́ı̨́ʼ dah náníljı̨́įhgo ádanileʼ?Íʼdíłtłʼiidgo tʼóó báhádzid łeh.
21 Bidziilígíí bąą biinéigo honítsʼaaʼ góyaa bikʼétłʼiin diitsʼaʼ,áádóó atah nidoobah biniyé daʼahijigánígíí yidááh yilwoʼ.
22 Yééʼ tʼóó yeidlohgo doo náldzid da,índa diltłish nidi doo yikʼee nátʼą́ą́ʼ hadoolwoł da.
23 Booshkʼiizhdę́ę́ʼ kʼaayééł áádóó tsiidétáán índa tsin kʼaabééshbighą́ą́h díʼáago bikʼi nizdidlaadgo ahídadínídahgo dadiitsʼaʼ łeh.
24 Tʼóó báhádzidgo índa tʼóó bikʼeʼíyéeʼgo niʼ bidinínáágóó ahildóohgo yilwoł łeh;deenástsʼaaʼ bideeʼ bee íʼdílzoołí áníigo doo yaa náʼáhodíltʼı̨́ı̨́góó doo niiltłáad da.
25 Deenástsʼaaʼ bideeʼ bee íʼdílzoołí áńdíʼniihgo, Háháa, ní nahalin łeh.Doo nádíinágháníjįʼ anaaʼ dandzinii yiłchin!Siláo binanitʼaʼí dadilwoshgoáádóó siláo ałtʼááh yijahgo yidiitsʼı̨́ı̨́h.
26 Nibee hódząʼásh bee ginítsoh nahashkáaʼgo naatʼaʼ,áádóó shádiʼáahjigo ahetʼááh?
27 Daʼ ni handzihgoósh atsá dah diitʼahgoníléí wódahdi bitʼoh áhoołʼįįh?
28 Tséghą́ąʼdi kééhatʼı̨́įgo áadi dah sidáa łeh;tsénítʼiʼígíí bohoníłdzilgi tsédáaʼgi kééhatʼı̨́.
29 Áádę́ę́ʼ yidoolghałii doo nádíinágháníjįʼ dayiiłtseʼ.
30 Biyázhí ałdóʼ dił hadayiitsʼǫǫs łeh.Haʼátʼíhída naaztseedgo atsá ákwii naagháa łeh.
