Job 4:1-21
4 Áko Tííman kin haalʼáádóó Élifaz wolyéii ánááhodooʼniidgo ání,
2 Eii nił nabikʼíyádeiiltiʼgoósh bikʼee nídidííltał?Nidi háísh tʼáadoo hadoodzihgóó yíneelʼą́?
3 Jó, diné ląʼí nanínítą́ąʼgo dabidziilgo áńdeindlaa.
4 Diné niʼiisíihii nizaad yee doo niʼiisíih da nítʼééʼ;diné bitah doo dahółdzilii dabidziilgo ádeinilaa.
5 Nidi kʼad, ninaa hoolzhiizhgo doo haʼíínílníi da;yáadi shı̨́ı̨́ nihodiiłtʼiʼgo tʼóó nide áhootʼé.
6 Daʼ doósh Diyin God díínísinígíí bee baa dzíínílíi da?Daʼ doósh tʼáá ákóneʼ ánítʼéhígíí bee nił chohooʼı̨́į da?
7 Kʼad díí béénílniih, nánooshkąąh: háí diné shı̨́įshąʼ doo ádihodiiltʼiʼgóó hoolʼáágóó tiʼhoonííh,índa háadishąʼ diné doo binaʼadloʼgóó yáʼátʼéehgo yigáałii ábiʼdisdįįd?
8 Tʼáá yiiłtsánígi átʼéego doo ákwii éʼétʼéii yił nidahwiiłdlaadiiínda doo yáʼáshóonii kʼideidiléii tʼáá éí nídeiyizh.
9 Diyin God hwiiyołgo bee ájoodįįł,índa hachʼįʼ báháchįʼígíí biyol bee ahizhdikʼą́ą́h.
10 Diné doo yáʼádaashóonii náshdóítsoh bitsiijįʼ ditłʼooii biiʼ nahodiʼniʼii nahalingoáádóó náshdóítsoh bitsiijįʼ ditłʼooii báhádzidígíí áníinii índa dabiyázhí dabiwooʼ daheestǫʼgo dadiiłheel.
11 Náshdóítsoh bitsiijįʼ ditłʼooii chʼééh naashzheeʼgo tʼóó dichin bidiyoołhééłáádóó náshdóítsaʼii bitsiijįʼ ditłʼooii biyázhí tʼóó taidoolwoł.
12 Haneʼ łaʼ tʼáá nahontʼinee bee shił hóoneʼ;bee shijeeh anootʼą́ągo disétsʼą́ą́ʼ.
13 Diné tʼáá íiyisí daʼiiłhaazhgotłʼéeʼgo shił ádzaaígíí baa nitséskeesgo
14 shił yééʼ hazlı̨́ı̨́ʼ áádóó dah náshtǫǫhgoshitah hodiisnáaʼgo shitah hoditłid.
15 Haʼátʼíí shı̨́ı̨́ léiʼ bídíníshyęshgo shitáshtłʼoh nídiijééʼ.
16 Éí haʼátʼíí shı̨́ı̨́ tʼáá ákǫ́ǫ́ yiizįʼ, nidi gaʼ chʼééh bééhonisįįh;tʼáadoo bahatʼaadí kǫ́ǫ́ shidááhgóó sizı̨́,nidi gaʼ doo íitsʼaʼí da, áko łaʼ hadzoodzíiʼgo ájíní,
17 Diné dadootsaałiísh Diyin God yiláahgo tʼáá ákogi átʼée doo?Diné ábiilaaísh ábiilaaígíí yiláahgo baʼátʼeʼ ádingo hináa doo?
18 Tʼáá bá nidaalʼaʼí nidi doo yaa dzólíi da;bidiyingo nidaalʼaʼí nidi nidaʼiisíihgo yikʼéháʼááh.
19 Hashtłʼish bee ádabiʼdiilyaii yee dahináanii éí łeezh bitsʼą́ą́dóóályaii chʼosh ałchozhiigi átʼéego łeeh béhégíiłii tʼah yówehgo doo yaa dzólíi da.
20 Abínídóó níléí eʼeʼáahjįʼ áhoʼdooldįįł;łaʼda doo haa ákonízingóó hoolʼáágóó ájoodįįł.
21 Bee dabidziilii nahjįʼ kódaalʼįįhgotʼah hódzą́ tʼáágééd daniné.
