Job 40:1-24
40 Nááʼáłdóʼ Bóhólníihii éí Job áyidííniidgo ání,
2 Diné adiláashii éísh Aláahgo Ayóóʼábóodziilii yił ałghaʼditʼáah doo?Ákótʼéego Diyin God bił ííshjání áhodeeshłííł, jinízinii hániʼdii tʼáá hó saad nináázhdootʼááł.
3 Áko nítʼééʼ Job éí Bóhólníihii áyidííniidgo ání,
4 Jó, tʼáadoo nishłíní da. Haʼátʼíísh bee nichʼįʼ hadeesdzih?Shizééʼ tʼóó dadideeshnih.
5 Tʼááłáhídi haasdzííʼ, nidi kodóó éí doo hanáádeesdzih da;naakidi lá hadzódziihígi átʼée nidi, tʼóó kʼadí dooleeł.
Diyin God bibee adziilii yitʼíní ályaa
6 Ákohgo náátsʼóʼoołdísii biyiʼdę́ę́ʼ Bóhólníihii éí Job yichʼįʼ haadzíiʼgo ání,
7 Diné nininísáanii nahalingo kʼad áká nílzisnanídídéeshkiłgo shił hodíílnih.
8 Doo ákǫ́ǫ́ ájíítʼįįd da, diníigoósh shá hadíídzih?Tʼáá ákogi ánítʼéego ádá hahídziih dooísh biniyé shaa nídíítʼįįł?
9 Diyin God bigaan nahalingoósh nigaan hólǫ́?Adiʼní nahalingo biinééʼ diitsʼaʼígi átʼéegoósh yáníłtiʼ?
10 Kʼad ayóó éʼétʼéii índa ił ídlı̨́ bee hadínééh;aʼoh adidilyééh índa ayóó ánóolninii bee hadínééh.
11 Ayóó átʼéego náháchįʼígíí bidíchííd; tʼááłáʼí nítínígo ádaa dahaʼniihii níníłʼı̨́, áádóó aʼohgo ádanileʼ.
12 Tʼááłáʼí nítínígo ádaa dahaʼniihii níníłʼı̨́įgo aʼohgo átʼé ádanileʼ,áádóó diné doo yáʼádaashóonii bił nahazʼą́ą́góó tʼóó bikʼi nidíínaał.
13 Tʼáá ałtso tʼáá łahjįʼ łeezh dibahí bikʼiizíidgo nídíłʼįįh;łeeyiʼdi biniiʼ bikʼídaʼdeesdizgo bikʼi hoogééd.
14 Áko índída, Nigaan nishʼnáájí bee yisdáʼádííníltı̨́ bííníghah, nidideeshniił.
15 Kʼad ániishłaaígi átʼéego Bihíímath wolyéii íishłaaígíí níníłʼı̨́;éí béégashii nahalingo chʼil yiłchozh.
16 Shoo, binííʼ gónaa yee bitsxeʼ,bibid gónaa bidoh dah naazhóódígíí yee bidziil.
17 Gad nahalingo bitseeʼ yiwod,bitsoskʼid gónaa bitsʼid ahíishghahgo neelzheeʼ.
18 Béésh łitsoii níyizgo biih hoodzánígíí nidahalingo bitsʼin átʼéhígíí dabidziil;bijáád éí béésh dantłʼizii daníyizígíí nidahalin.
19 Díí lą́ą nihokáaʼgi agháago Diyin God ábiilaa,áko bíniʼdii ábiilaii diltłish bichʼįʼ yiditsééh.
20 Jó, dziłdi chʼiyáán bá náhoodleeł;áadi naaldlooshii nidaajeehii tʼáá ałtso nidaané.
21 Tábąąhgi tʼiis bichahaʼohgóóáádóó lókʼaaʼ deílʼáágóó nahalghalgo naʼádinilʼin.
22 Tʼiis bichahaʼohjįʼ iigháahgo tʼiis bitʼąąʼ bichʼą́ą́h yílʼáa łeh.Tooh nílı̨́įgi tábąąhgóó kʼaiʼ yílʼáago ákóneʼ iigháahgo kʼaiʼ bichʼą́ą́h yílʼáa łeh.
23 Jó, tooh nílínígíí wóʼądaanah nidi, doo bikʼee bił yéeʼ da;azhą́ bizéeʼjįʼ Jórdan tooh bínízdeełhałgo nílı̨́į nidi, doo yaʼólíi da.
24 Haʼídéesʼı̨́įʼgo łaʼda daatsʼí jidooloh.Bínííʼ jidooshahgo bee nízdidoolóós.
