Job 5:1-27
5 Náʼiinikąąh, łaʼda daatsʼí nichʼįʼ hadoodzih;háí diyingo naalʼaʼíshąʼ bichʼįʼ sodidíílzįįł?
2 Jó, diné doo áhályáanii hashké nídzinii bizééʼ yitʼįįhínda diné doo akʼidiitįįhii oołchʼı̨́įdgo biiłhééh.
3 Chʼil łeeh níísánígi átʼéego diné doo hóyáanii náás ayoołdiłgo yiiłtsą́,nidi tʼáadoo hooyání kééhatʼínígi hóyéeʼjįʼ bá haasdzííʼ.
4 Biyeʼké éí hasih hazʼą́ bitsʼą́ądi doo deeghánídi dahólǫ́ǫgodáńʼdítı̨́įhgi bichʼįʼ nidahwiiʼná, áádóó tʼáadoo yisdábóníłí da.
5 Azneestʼáanii diné dichin danilíinii hatsʼą́ą́ʼ deiyą́;azhą́ chʼil deeníní bitahdi náneestʼą́ą nidi, áádę́ę́ʼ háádayiiʼníiłgo deiyą́índa hanaalyeʼé aghadaʼiiʼníiłii yaa nahodeeskai.
6 Ade áhootʼé doo łeeshtahdóó haleeh da,índa achʼįʼ nahwiiʼná doo łeeyiʼdę́ę́ʼ haniséeh da;
7 tsííd yááhiiltaałígi átʼéego achʼįʼ nahwiiʼná biniyé diné biʼdichííh.
8 Diyin God háshtʼı̨́į dooáádóó biniyé áshtʼíinii Diyin God baa dideeshʼááł nisin;
9 ayóó ádaatʼéii áádóó doo bééjólkaah ádaatʼéiiínda tʼóó bikʼee ił adahayóii doo jóołtaʼ ánéelą́ą́ʼgóó áyoolííł;
10 níłtsą́ nahasdzáán yaa néidiʼááh, índa kédaayahgóó tó yaa néidiʼááh,
11 áko aʼohgo ádaatʼéii chánah ádeileʼ,áádóó atinídadindleehii wódahgo sih hazʼą́ąjįʼ ahikáahgo ádaalneʼ.
12 Diné bindaʼadloʼgo indahagizii yąąh nahwiiłkaad,áko yindaalnishii doo bee badaʼídeeł da.
13 Dahojíyáanii hondaʼadloʼii yee nihwiiłnééháádóó hondahagizii tʼáadoo hodinaʼí baa tsístłʼah jiikááh.
14 Tʼáá jı̨́įgo chahałheeł bił ałkʼą́ą́h jiikááh,ałnéʼéʼáahgo éí tłʼéeʼgo ájítʼı̨́ nahalingo nidajildeeh.
15 Diltłish deeníinii nahalingo bizaad dabizǫ́ǫziiínda atídaʼałʼíinii bitsʼą́ąjįʼ badahojoobáʼíii yisdáyiinííł.
16 Áko diné badahojoobáʼíii bił chodahooʼı̨́,áádóó doo tʼáá ákwii átʼéii tʼáá éí bizééʼ dádaʼdeeskaal.
17 Jó, Diyin God éí diné hashtʼenináyiidlósígíí bił hózhǫ́;éí bąą Aláahgo Ayóóʼábóodziilii náʼníłtsxisgo doo jiʼı̨́į da,
18 háálá hadaʼdiłniih nidi ákǫ́ǫ́ yąąh ádaʼaleʼ,tíʼdiiłʼįįh nidi bílaʼ náʼáłdziih.
19 Hastą́ągo bee achʼįʼ nahwiiʼná bitsʼą́ąjįʼ tʼáá aaníí yisdánídoołtééł,tsostsʼidi aleeh góneʼígíí ałdóʼ doo naa nídóotʼįįł da.
20 Dahodííchįįdgo aniné yitsʼąą naa áhályą́ą doo;anaaʼ hazlı̨́įʼgo diltłish bibee adziilii yitsʼąą naa áhályą́ą doo.
21 Atsooʼ bee atsxis nahalingo doo yáʼátʼééhgóó yátiʼ bitsʼąą nandiʼnilʼin dooínda atídaʼoolíiłii doo bikʼee niyanahalyiz da doo.
22 Ayóó átʼéego atíʼoolníiłgo índa dahodííchįįdgo tʼóó beídloh doo,áádóó nihokááʼgóó naaldlooshii báádahadzidii doo bééníldzid da doo.
23 Dáʼákʼehgóó tséhígíí doo nide átʼée da doo;nihokááʼgóó naaldlooshii daʼałchinii doo naa nídaatʼı̨́į da doo.
24 Níbaal biiʼ nighanígíí bee hashtʼehodítʼéii átʼéego nił bééhodoozįįłáádóó kééhótʼínígi tʼáadoo yeinítʼínígóó nánínílʼįįh doo.
25 Áádóó ałdóʼ díí nił bééhózin doo: naʼáłchíní daʼahílchíihii tʼóó ahayóí dooínda chʼil hááhinootʼı̨́łígi átʼéego naʼáłchíní yílʼáa doo.
26 Tłʼoh naadą́ą́ʼ tsʼídá ałtso neestʼánígi átʼéegosą́ bibadidíínáałgo yóóʼándiʼdoolnííł.
27 Shoo, díí nidasiilkááʼ, Job nílíinii, áko tʼáá aaníí átʼé;ná yáʼátʼéeh doo biniyé yísíníłtsʼą́ąʼgo nił bééhodoozįįł.
