Job 7:1-21
7 Nihokáaʼgi dineʼésh doo naalnishgo bee bá hazʼą́ą da?Bíyoołkáłígíísh ałdóʼ doo adeenáago naalnishígi átʼée da?
2 Naalteʼ nilíinii chahaʼoh tʼáá íiyisí yídin nilínígi átʼéegoáádóó adeenáago naalnishí bichʼįʼ nidoolyéełii nayólíhígíí nahalingo,
3 haa shı̨́ı̨́ nízádígóó tʼáadoodabiniyéhíii shaa deetʼą́índa tiʼhooshníihgo niyiiłkahígíí ałdóʼ shaa deetʼą́.
4 Nishtéehgo, Hahgo lá nídideeshnah lá, dishníi łeh,nidi nízaadgóó iiłkáahgo hááhgóó shı̨́ı̨́ łaʼ ałyóiijįʼ náheeshghałgo haiłkááh.
5 Ééʼ dziztı̨́ nahalingo shitsʼíís éí chʼosh bikʼéʼésxoł áádóó łeezh dibahí bee dáátłʼis;shikááʼ nináʼákǫs nidi tʼáá ákǫ́ǫ́ náánáshchʼozh łeh.
6 Atłʼohí atłʼóogo bee adzooí tsxı̨́įłgo choyoołʼínígíí nahalingo shíyoołkááł,áko tʼáá ákwíí jı̨́ tʼáadoo bee ił chohooʼínígóó iʼiiʼaah.
7 Jó, béédaałniih, tʼááłáhídi haʼoodzolígi áníłtsogo hinishná;yáʼátʼéehii tsʼídá doo néideestséeł da.
8 Shizhníłʼíinii doo nááshiizhdoołtséeł da;tʼáá dashinółʼı̨́įgo doo shééhodoozįįł da.
9 Kʼos ádįįhígi átʼéegodiné yóóʼábiʼdiilyaadę́ę́ʼ dooháádoodáał da.
10 Bighanjįʼ doo yah anídoodáał da, áádóó kééhatʼínígi baa dayoonah.
11 Éí bąą hadeesdzihígíí doo bichʼįʼ baa nishchįʼ da doo;tʼáá íiyisí shichʼįʼ nahwiiʼnánígíí biyiʼdóó hahideesdzih;shiiʼ sizíinii bił niiłchʼiihgo saad honishłǫ́ǫgo hahideesdzih.
12 Tónteel nishłı̨́įgo,doodaiiʼ tónteel biiʼgóó łóóʼ ayóó áníldíilii nishłı̨́įgoóshhashisíid dooleełii nináníłtééh?
13 Shiyaateeł lą́ą bikááʼgóó hoolzhólígi dínéeshtéeł ni,doodaiiʼ shibikʼi dah antéhí bikááʼgóó hoolzhólígi shił hodínóokʼeeł ni, dííniidgo
14 bikʼee nídideeshgąshii baa nashiyíseeł, índashikʼiidoolchíiłii shił átʼı̨́įgo ánáshiinilʼįįh.
15 Tʼóó dashiʼdiidloʼgo dadeestsaałjígo nidideeshʼááł;iiná biláahgo aniné nisin.
16 Hinishnánígíí jooshłxá, doo hoolʼáágóó hinishnáa da doo,tʼáadoo shaa nánítʼíní;tʼáadoo biniyéhígóó yeeʼ shíyoołkááł.
17 Dinéshąʼ haʼátʼíí átʼéego ayóó átʼéii nilı̨́įgo íínísináádóó baa nitsíníkees
18 áádóó tʼáá ákwíí ábíní baa ninánítaahínda tʼóó náhodiʼnaahgo bee bééhózin dooígíí bee naniłkaah?
19 Haa nízáágóoshąʼ tʼáadoo shitsʼą́ąjįʼ hanighaałí shiníníłʼı̨́į doo,índa shizhééʼ iishneeh biná tʼáadoo shaa nánítʼíní doo?
20 Diné haisíidii nílíinii, ádił asésiihgo haash nishłééh?Haʼátʼíísh biniyé shííníłtʼóoh dooleełgo áshiinilaa,áko tʼáá shí ádá hééł nísísdlı̨́ı̨́ʼ?
21 Haʼátʼéegoshąʼ bee hazʼáanii kʼéhééshtíihii doo shá kʼééʼíłchǫǫh da,índa haʼátʼéegoshąʼ doo ákwii áátʼįįdii doo shá nahjįʼ kóníléeh da?Kʼad yóóʼáshiʼdiilyaago łeeyiʼ sétı̨́į doo, áko abínígo há shidíníʼı̨́įʼ doo, nidi áníshdin doo.
