Job 8:1-22
8 Áko Shúwah dineʼé Bíldad wolyéii ánááhodooʼniidgo ání,
2 Haa nízáágóoshąʼ kótʼéego yááłtih doo?Haa nízáágóoshąʼ ayóó átʼéego níyol nahalingo yáníłtiʼ?
3 Daʼ Diyin God yee nihodiizʼáaniísh łahgo átʼéego ánáyoodlííł?Daʼ Aláahgo Ayóóʼábóodziilii doo haada yitʼéiísh łahgo átʼéego ánáyoodlííł?
4 Naʼáłchíní éí Diyin God yichʼįʼ ádił daʼasiihgobee hazʼáanii kʼídeiztiʼgo biniinaa yóóʼahodííʼą́.
5 Diyin God hánítʼı̨́įgoáádóó Aláahgo Ayóóʼábóodziilii néinikąąhgo
6 nichǫ́ʼígíí niiʼ ádingo índa tʼáadoo bee nikʼíhótʼahígóó tʼáá aaníí naa ákodínóozįįłáádóó tʼáá ákogi ánítʼı̨́įgo kééhótʼı̨́į dooleełgi naa hodidooʼááł.
7 Áádóó tʼóó dah adinilá yę́ędą́ą́ʼ áłchʼı̨́ı̨́dí nítʼééʼ nidi,tʼáá íiyisí bidziilgo dah ííléeł dooleeł.
8 Nánooshkąąh, hoolzhiizhdę́ę́ʼ daʼahílchíihii bínaʼídíłkid,áko dabizhéʼé yę́ę yídahoołʼą́ʼígíí baa nitsíníkees.
9 (Jó, adą́ą́dą́ą́ʼ índa dahosiidlı̨́ı̨́ʼ nahalingo tʼáadoo nihił béédahóziní da,háálá nihokáaʼgi nihíyoołkáłígíí éí chahaʼoh ahildóóh nahalin.)
10 Yikʼidaʼdiitánígíí yee yádaałtiʼgonidaninitingo yee nił dahalneʼ doo.
11 Tʼáá tó ádingiísh teeł nidaniseʼ łeh?Tó ádingiísh lókʼaaʼ nidanitʼąʼ łeh?
12 Tʼah doo dahagééshgóó danéesée nidi,chʼil náánáłaʼ nidaniseʼígíí tʼáá yítséedi daniiłnah.
13 Diyin God yaa dayoonahígíí tʼáá ałtso ákótʼéego bá dahonítʼiʼ,áko Diyin God doo yinízinii ił chohooʼı̨́ bee ádoodįįł.
14 Bee bił chohooʼíinii kʼídlaʼ.Naʼashjéʼii bitłʼóól kʼídlaʼígi átʼįįh.
15 Bikin yíniitééh nidi bikin naa anikaʼ;hanááʼátłʼı̨́ı̨́h nidi doo bee nááhodiʼnaah da.
16 Shą́ą́ʼgóó nooséełgoáádóó bitsʼá iitłʼohígíí bidáʼákʼehgóó tanoosééh.
17 Behétłʼóól éí tsé ałkʼi yadadiitłʼingóó tanoosééh,áádóó tsétahgi kééhatʼı̨́į łeh.
18 Éí bikéyahdóó nahjįʼ kóbiʼdiilyaago,Éí kéyah doo shídíínítʼiʼgóó tsʼídá tʼáadoo nééhosésįįd da, hałní nahalin doo.
19 Jó, kótʼéego éí bił hózhǫ́ǫgo yigááł nítʼééʼ,nidi łeezh bitsʼą́ą́dóó náánáłaʼ danéeséeh doo.
20 Jó, diné tʼáadoo bee bikʼíhótʼahígóó naagháii éí Diyin God doo yóóʼabididooʼáał da,índa doo yáʼáshónígi ádaatʼínígíí Diyin God tsʼídá doo háká adoolwoł da.
21 Tʼáá íiyisí nihoyíníihgoínda yáníłtiʼgo nił nihoozhǫǫhgo áńdoolííł.
22 Áádóó nikʼee dazhdiniihii éí baa yáhásinii dahaʼéeʼ doo,índa diné doo yáʼáshóonii biníbaal doo náánástʼą́ą da doo.