Job 9:1-35
9 Áádóó Job ánáádooʼniidgo ání,
2 Ákódaatʼéhígíí tʼáá aaníinii átʼéego shił bééhózin,nidi diné dadootsaałiishąʼ haash yitʼéego Diyin God yichʼįʼ tʼáá ákogi átʼée doo?
3 Áádóó diné łaʼ Diyin God bił ałghaʼdishtʼáah doo jinízingotʼááłáhídi míildi bízneeztą́ąʼ nidi,tʼááłáhídi bichʼįʼ tʼą́ą́ʼ háázhdoodzihígíí doo bízhneelʼą́ą da.
4 Diyin God tʼáá íiyisí bijéí hóyą́ áádóó ayóó ábóodziil;háíyeeʼ bichʼįʼ áhozdizneestłʼisgo bee náás adizhyeesdéél?
5 Diyin God éí dził nahjįʼ kóyiiłʼįįhgo doo hoł béédahózin da;báháchįįhgo dził nídeidiyeenił.
6 Éíyeeʼ niʼ náyiighaʼgo nahjįʼ kódeileʼ,áádóó bíyah daniiʼáii daditsxiz łeh.
7 Jı̨́honaaʼéí yichʼįʼ haadzihgo doo haʼaʼaah daáádóó sǫʼ yichʼą́ą́h nináʼáłbał.
8 Tʼáá bí tʼéiyá yótʼááh hiníláii adahaasʼáago áyiilaaáádóó tónteel yilkʼoołígíí yikááʼ tádíghááh.
9 Diyin God éí Náhookǫs áádóó sǫʼ dah naazhjaaʼígíí Oráíyan wolyéiiáádóó Dilyéhé índa shádiʼááhjígo sǫʼ eelʼáhígíí áyiilaa.
10 Ayóó ádaatʼéii doo bikʼizhdootą́ą́ʼ ádaatʼéiitʼáá aaníí tʼóó bidaʼayóii doo jóołtaʼ ánéelą́ą́ʼ ádaatʼéii yaa naaghá.
11 Shoo, shíighahgóó chʼínádááh, nidi doo yiistséeh daáádóó tʼáá náás yigáałgo doo baa ákoniisįįh da.
12 Jó, tʼáá nídideeshłééł nízin shı̨́ı̨́ náyiilááh. Háísh bidínóołtłʼah?Háísh ábididooniił, Haʼátʼíí lá baa naniná?
13 Diyin God báhóóchįįdgo doo tʼą́ą́ʼ hónéidoodlíił da;diné ádaa dahojiʼniihgo áká anídajijahii Diyin God bidááhdóó yaa ádajítʼé.
14 Bił ałghaʼdishtʼáah doo biniyé saad ałkééʼ nidasínilgo nidi dooládóʼ biʼoh nidinishdleʼ da.Haitʼéegoshąʼ Diyin God bichʼįʼ tʼą́ą́ʼ háádeesdzih?
15 Azhą́ tʼáá ákogi áníshtʼée nidi, tʼáadoo bee bichʼįʼ nátʼą́ą́ʼ hanáosdziihí da,áádóó sheinítʼíinii bichʼįʼ ádaa náʼiideeshkąął.
16 Bichʼįʼ ádííniidgo áádóó shichʼįʼ haadzíiʼgo,ákondi shíistsʼą́ą́ʼ nítʼéʼígíí doo wooshdlą́ą da doo.
17 Háálá níyoltsoh atíháłʼı̨́ nahalingo nashéʼéłjizh,áádóó tʼáadoo biniinaanígóó tʼóó ahayóígóó atíshoolííł.
18 Nídísdzihígíí nidi shichʼįʼ yaa nichįʼgotʼáá íiyisí shił niiłchʼiihgo áshósin.
19 Dziil beiníshtʼı̨́įgo, shoo, bíjígo ayóó ábóodziil.Doo haada yitʼéii beiníshtʼı̨́įgo háíyeeʼ ákohgo baa nídíítʼįįł? shididooniił.
20 Azhą́ tʼáadoo bee ádąąh dahosistʼání da nidi, ádíshnínígíí tʼáá shí shikʼéidootʼih;azhá tʼáadoo bee shikʼíhótʼahí da nidi, doo ákwii áníshtʼéhígíí bee shééhodoozįįł.
21 Tʼáadoo bee shikʼíhótʼahí da; doo ádił nitsínískees da doo,áko ádił nináʼáshtʼįįh.
22 Tʼáá ałtso aheełtʼé; éí bąą ádíshní,Tʼáadoo bee bikʼíhótʼahíii índa doo yáʼádaashóonii tʼáá áłah atííłʼı̨́.
23 Tʼáadoo hooyání diné bichʼįʼ hodiiʼnááh yiniinaa daaztsą́ągodiné tʼáadoo átʼéhígóó naagháhígíí atíbiʼdiilyaii yá nahałtʼiʼ.
24 Nahasdzáán éí diné doo yáʼádaashóonii baa deetʼą́;nihokááʼgóó ándahwiiʼaahii dabiniiʼ yikʼínáʼáłtih,áko bí doo átʼı̨́ı̨́góoshąʼ háí ákótʼı̨́?
25 Kʼad shíyoołkáłígíí éí naalʼaʼí tsı̨́įłgo yilwołígíí bilááh átʼéego tʼahaaʼgo shíyoołkááł;yáʼátʼéehii tʼáadoo dayiiłtséhí bił yóóʼahwiighááh.
26 Tsinaaʼeeł tsxı̨́įłgo ahiʼeełígíí nahalingoáádóó atsá éí yidoolghałii tsı̨́įłgo yił hidideełígíí nahalingo tʼahaaʼgo shíyoołkááł.
27 Baa saad shiiłhéhígíí tʼóó beidiyeeshnahgoyínííł nishłı̨́ neeshninígíí nahjįʼ kódeeshłíiłgo,Shił hózhǫ́ǫ dooleeł, dííniidgo,
28 bikʼee tiʼhooshníhígíí tʼáá átʼé béésísdzííd.Tʼáadoo íínítʼįįdí da, doo shididííniiłígíí shił bééhózin.
29 Tʼáá íídą́ą́ʼ shaa náhástʼįįdgohaʼátʼíísh biniyé tʼáadoo biniyéhígóó naasdzil?
30 Yas tooʼ bee táʼádísgizáádóó táláwosh bitsxeʼii bee shílaʼ chin tsʼídá ałtso bąąh néíłʼéelgo;
31 azhą́ ákósdzaa nidi, tó yígeed biih shidiyííłhą́ą́ł,áádóó shiʼééʼ nidi shaaʼih danízin doo.
32 Shí diné nishłínígi átʼéego bí doo diné nilı̨́į da,áko aa dahwiinítʼı̨́įgi ahidiitʼáazhgo saad bichʼįʼ nátʼą́ą́ʼ ninádeeshʼáłígíí doo sih da.
33 Nihitaʼ yidoozįįłgo kojí yáʼátʼééh nihididooniiłgonihá niididooʼáałii nihee ádin.
34 Hániʼ bitsihał shitsʼéitįįh,índa tʼóó bee báhádzidígíí shiyahodółhéés lágo,
35 áko índa doo bikʼee shił yééʼgóó yáshtiʼ doo,nidi shiyiʼdi doo ákóhootʼée da.