Jonah 2:1-10
2 Áádóó Jónah éí łóóʼ bibid biyiʼdi Bóhólníihii haDiyin God bichʼįʼ sozdilzingo
2 ájíní,
Tiʼhooshníhígíí biniinaa Bóhólníihii bichʼįʼ sodeeszingo shidiiztsʼą́ą́ʼ,áádóó hoolʼáágóó tiʼhooʼnííh hazʼą́ bitłʼááhdę́ę́ʼ hadeeshghaazhgo shiinééʼ disínítsʼą́ą́ʼ.
3 Jó, ayóó ánízáád góyaa ashiyíníłhango tónteel ałnííʼ góneʼ sélı̨́ı̨́ʼ,áádóó tó tʼáá átʼé shikʼi diilkǫʼ;nitoʼ náádadiidáhígíí áádóó yilkʼoołígíí tʼáá átʼé shikʼi diilkǫʼ.
4 Ákohgo ádííniid, Nitsʼą́ąjįʼ chʼíshidiʼyeelghan;azhą́ ákótʼée nidi, nikin biiʼ sohodizin dílzinii siʼą́ą́góó sonáádideeszįįł.
5 Tó shináálkʼołgo shiiʼ sizíinii bide áhoodzaa;tó ditánígíí shikʼi diilkǫʼ,áádóó táyiʼ chʼilígíí éí shitsiitsʼiin bikʼídeesdiz.
6 Yaago dził nidaneesʼą́ąjįʼ niníyá;nahasdzáán bidáádíljah hoolʼáágóó shichʼą́ą́h nikidadiiʼá nahalin;azhą́ ákótʼée nidi, Bóhólníihii shiDiyin God nílíinii, aʼáándę́ę́ʼ sheʼiinaʼ shá háínídlá.
7 Shiiʼ sizíinii doo bidziil da silı̨́įʼgo Bóhólníihii bénááshniiʼ,áádóó nikin biiʼ sohodizin dílzinii siʼą́ąjįʼ shisodizin disínítsʼą́ą́ʼ.
8 Tʼáá ádzaaí yichʼįʼ nidahałáii éí aa aʼááh hasin yóóʼadeidiyiiʼaah.
9 Nidi shizaad bee ahééh nisinii nichʼįʼ nááhideeshnih;bee ádee hadeesdzíiʼii éí ádeeshnííł.Bóhólníihii éí bee yisdáʼiildééh.
10 Áádóó Bóhólníihii éí łóóʼ yichʼįʼ haadzíiʼgo niʼ hóółtseijįʼ Jónah łóóʼ bídeeskwi.
