Joshua 3:1-17
3 Tʼah abíínídą́ą́ʼ Jáshowa nídiiʼnaʼgo Shíttimdóó dah náádadiiʼná, áko Jórdan toohjįʼ Ízrel dineʼé tʼáá ałtso bił jiníná, índa tʼah doo haʼnaa niinééhgóó tʼáá ákwii dabiiską́.
2 Áádóó ákódzaago tááʼ yiską́ą́dóó bikʼijįʼ diné naatʼáanii danilíinii dah daʼínéhígíí yitahgóó tádookaigo
3 diné yichʼįʼ hadaasdzíiʼgo ádaaní, Bóhólníihii nihiDiyin God bitsitsʼaaʼ dílzinii éí bee ahaʼdeetʼáanii biiʼ sinilii Líívai dineʼé náádaʼiiłniihii éí deíʼaahgo deidoołtsééł índa bikééʼ dah didoohkahgo bikééʼ wohkah doo.
4 Ákótʼée nidi nihitaʼ ahonízahgi bídadíʼnóołʼaałgo táadi mííl ké silá ánízahdę́ę́ʼ bikééʼ wohkah doo. Tsitsʼaaʼ dílzinii éí tʼáadoo bitʼáahjįʼ nidaahkaí, áko disoohkaigóó nihił béédahózin doo, háálá tʼah doo kojįʼ dohkáah da nítʼééʼ.
5 Áádóó Jáshowa éí diné áyidííniid, Tʼáá nihí diyingo ádaʼdidoołnííł, háálá yiską́ągo nihitahgi Bóhólníihii álílee ayóó ádaatʼéii íidoolííł.
6 Áádóó Jáshowa éí náádaʼiiłniihii áyidííniid, Tsitsʼaaʼ dílzinii éí bee ahaʼdeetʼáanii biiʼ sinilii nídadoohʼaahgo diné bilą́ąjįʼ deínóhʼaah doo. Áko tsitsʼaaʼ dílzinii éí bee ahaʼdeetʼáanii biiʼ sinilii nídeidiiʼą́ągo diné yilą́ąjįʼ dah diikai.
7 Áko Bóhólníihii éí Jáshowa áyidííniid, Díí jı̨́ Ízrel dineʼé tʼáá ałtso dabinááł ayóó átʼéii nílı̨́įgo ándeeshłííł, áko díí bił béédahózin doo: Mózes bił honishłǫ́ yę́ęgi átʼéego nił honishłǫ́ǫ doo.
8 Áádóó bichʼįʼ bee handziihgo náádaʼiiłniihii éí tsitsʼaaʼ dílzinii éí bee ahaʼdeetʼáanii biiʼ sinilii deíʼaahígíí ábidiní, Jórdan tooh bibąąhjįʼ oohkaigo Jórdan tooh ałníiʼgi hazhóʼó deidoosįįł.
9 Áko Jáshowa éí Ízrel dineʼé áyidííniid, Wóshdę́ę́ʼ hidohkááh, Bóhólníihii nihiDiyin God bizaad dadidoohtsʼı̨́ı̨́ł.
10 Áko Jáshowa ání, Díí nihił béédahodoozįįł: Diyin God hináanii nihitahgi hólǫ́; éí tʼáadoo chʼééh ííłʼíní nihilą́ąjįʼ Kéínan dineʼé, Het dineʼé, Háíva dineʼé, Píírez dineʼé, Gírgas dineʼé, Ámor dineʼé índa Jííbas dineʼé ałtso baa chʼíhidoojah.
11 Jó, nahasdzáán tʼáá átʼé bee Bóhólníihii bitsitsʼaaʼ dílzinii éí bee ahaʼdeetʼáanii biiʼ sinilii nihilą́ąjįʼ Jórdan tooh haʼnaa nidootʼááł.
12 Éí bąą kʼad Ízrel dineʼé bitahdóó diné naakitsʼáadahgo nídiinííł; diné tʼááłáʼí nítínígo ałʼąą dóoneʼé danilı̨́įgo nídidíínił.
13 Áádóó kótʼée doo: náádaʼiiłniihii éí Bóhólníihii bitsitsʼaaʼ dílzinii deíʼaah dooígíí taah dadeestáalgo, éí nahasdzáán tʼáá átʼé bee Bóhólníihii bitsitsʼaaʼ dílzinii éí bee Jórdan tooh áhodidoolzih, áko Jórdan tooh wódahdę́ę́ʼ nílínígíí áhodiilzeeʼgo doo nílı̨́į da dooleeł índa nihidiiʼáa dooleeł.
14 Ákódzaago diné dabiníbaaldóó Jórdan tooh haʼnaagóó dah dadiináago tsitsʼaaʼ dílzinii éí bee ahaʼdeetʼáanii biiʼ sinilii diné yilą́ąjįʼ deíʼaahgo yikah.
15 Áádóó tsitsʼaaʼ dílzinii deíʼaahígíí Jórdan toohjįʼ yíkaigo áádóó náádaʼiiłniihii tsitsʼaaʼ dílzinii deíʼaahígíí tábąąhgi táyiʼ deizįʼgo, (Jórdan tooh éí tʼáá nídaʼntʼı̨́ı̨́h bikʼeh nádląąhgo ałtso wóʼanídadziiłhał,)
16 áko íídą́ą́ʼ tooh wódahdę́ę́ʼ nílínígíí Záretan tʼáá áyídígi Ádam kin haalʼáhídóó nízaadi iʼnoolʼąądgo áhodiilzeeʼgo doo nílı̨́į da índa nihidiiʼá silı̨́ı̨́ʼ; dzígaigi tónteel siyínígíí, éí Tónteel Dókʼǫ́ǫzhii hoolyéii, bichʼįʼgo tó nílínígíí íígoʼ, índída Ízrel dineʼé éí Jériko bichʼijigo tséʼnaa niníná.
17 Áádóó náádaʼiiłniihii éí Bóhólníihii bitsitsʼaaʼ dílzinii éí bee ahaʼdeetʼáanii biiʼ sinilii deíʼaahgo niʼ hóółtseigi Jórdan tooh ałníiʼgi naazı̨́ı̨́ nítʼééʼ; Ízrel dineʼé tʼáá ałtso niʼ hóółtseigóó tséʼnaa yikahgo diné ałtso Jórdan tooh haʼnaa niikai.
