Judges 17:1-13
17 Dził Íífreiyimdóó diné łaʼ éí Máíkah wolyé.
2 Áko hamá ábizhdííniid, Béésh łigaii łaʼtsʼáadahdi neeznádiin nitsʼą́ą́ʼ néidiinilii, éí bee hóyéeʼgo hadíínídzíiʼgo áádóó baa yáníłtiʼgo disétsʼą́ą́ʼ; shoo, béésh łigaii éí nídiinilgo naashjaah. Áko hamá ání, Shiyáázh éí Bóhólníihii bikʼijidlíi leʼ.
3 Áko béésh łigaii łaʼtsʼáadahdi neeznádiinígíí hamá baa níjíʼnil, áko hamá ání, Shiyáázh bá béésh łigaii Bóhólníihii bichʼįʼ diyingo nidiníʼą́; eʼelyaii bikʼi naʼashkʼaazhgo ályaii índa eʼelyaii nídoolyı̨́įʼgo ályaii ádoolnííł; éí bąą kʼad naa nídeeshʼnił.
4 Ákohgo hamá éí béeso baa níjíʼnil áádóó béésh łigaii naakidi neeznádiingo hamá néidiinilgo béésh łigaii yitsidii yeinínil; éí eʼelyaii bikʼi naʼashkʼaazhgo áyiilaa áádóó eʼelyaii nídoolyı̨́įʼgo áyiilaa. Áko Máíkah bikin góneʼ niiʼnil.
5 Áko diné Máíkah joolyéii dadiyinii bikin łaʼ hwee hólǫ́, índa íífad wolyéii áádóó edaʼalyaii térafim wolyéii ádajiilaago hayeʼké łaʼ dílzingo ájiilaago hanááʼiiłniihii silı̨́ı̨́ʼ.
6 Éí yoołkááł yę́ędą́ą́ʼ Ízrel dineʼé bitahgi aláahgo naatʼáanii doo hólǫ́ǫ da nítʼééʼ, nidi diné tʼááłáʼí jinítínígo díí tʼáá ákóneʼ áshtʼı̨́ daznízingo ádajoonííł nítʼééʼ.
7 Áko Júdah kéyahgi Béthlehem kin shijaaʼdóó dinééh léiʼ naagháá nítʼééʼ; éí Júdah bighandóó nijigháago Líívai dineʼé jílı̨́įgo ákwii tʼóó átsééd kééhojitʼı̨́.
8 Áko Júdah kéyahgi Béthlehem kin shijaaʼdóó dinééh dah diiyáago tʼóó átsééd kééhatʼı̨́į dooleełgi yíká dínéeztą́ą́ʼ, áko joogááł nítʼééʼ Dził Íífreiyimgi Máíkah bighandi jiníyá.
9 Áko Máíkah áhodííniid, Háádę́ęʼshąʼ naniná? Áko ábizhdííniid, Júdah kéyahgi Béthlehem kin shijaaʼdóó Líívai dineʼé nishłı̨́, índa háadi lá hazʼą́ą́ lá nisingo nanishtá.
10 Áko Máíkah áhodííniid, Tʼáá kǫ́ǫ́ shił kééhótʼı̨́įgo shizhéʼé índa nááʼiiłniihii shá nílı̨́į doo. Áko nináháháahgo béésh łigaii neeznáá naa náshʼnił doo, índa ééʼ áádóó chʼiyáán niyą́ą dooígíí naa náshʼnił doo.
11 Áko Líívai dineʼé éí diné yił bighango bił yáʼáhootʼééh áádóó diné ániid naagháhígíí tʼáá łaʼ hayeʼké ádaatʼéhígi átʼéego baa nitsídzíkees.
12 Áko Máíkah éí Líívai diné yiyíísı̨́ı̨́ʼ índa diné ániid naagháhígíí hanááʼiiłniihii silı̨́įʼgo hakin góneʼ sidáá nítʼééʼ.
13 Ákohgo Máíkah ájíní, Kʼad shił bééhózingo Bóhólníihii shikʼijidlíi doo lá, háálá Líívai dineʼé shinááʼiiłniihii nilı̨́.
