Leviticus 12:1-8
12 Áádóó Bóhólníihii éí Mózes ííłní,
2 Ízrel dineʼé bichʼįʼ handziihgo kóbidiní, Asdzání łaʼ izhʼniiltsąądgo ashkii jishchı̨́įgo tsostsʼid yiską́ąjįʼ doo hoʼdidéeh da doo; ąądii níjídleehígi átʼéego doo hoʼdidéeh da doo.
3 Áádóó tseebíí yiską́ągo éí ashkii bąąh náhidínóolgish.
4 Áko dił bitsʼąą hoʼdidéehgo tádiindóó baʼaan tááʼ yidoołkááł; haʼátʼíhída dadílzinii éí doo bíhizhdidooʼnáał da, doodaiiʼ níbaal biiʼ hodílzin góneʼ doo yah azhdoogáał da; ałtso hoʼdíídeeʼgo índa.
5 Nidi atʼééd jishchı̨́įgo éí tʼáá ąądii níjídleehígi átʼéego naakidi damı̨́įgo azlı̨́įʼjįʼ doo hoʼdidéeh da doo, áko dił bitsʼąą hoʼdidéehgo hastą́diindóó baʼaan hastą́ą́h yidoołkááł.
6 Áko hoʼdidéehgo yoołkáłígíí bíighah azlı̨́įʼgo éí ashkii, doodaiiʼ atʼééd jishchínígíí bá dibé yázhí łaʼ binááhaígíí didlidgo nááhániihii átʼéego áádóó hasbídí łigaii yázhí, doodaiiʼ hasbídí éí ádił niʼiidzííhjí nááhániihii átʼéego níbaal biiʼ dahozdísinii bichʼéédą́ąʼgi nááʼiiłniihii yeidoonił.
7 Éí Bóhólníihii binááł há kʼééhodoodǫǫł biniyé há néidiyoołnih, áko ąądii jílínígíí bitsʼąą hoʼdíídeeʼ dooleeł. Díí éí ashkii, doodaiiʼ atʼééd nidayiiłchíihii bá bee hazʼáanii átʼé.
8 Dibé yázhí hwee ádingo éí hasbídí naakigo, doodaiiʼ hasbídí łigaii yázhí naakigo, łaʼ didlidgo nááhániihii átʼéego áádóó łaʼígíí éí ádił niʼiidzííhjí nááhániihii átʼéego yidoojih, áko nááʼiiłniihii éí há kʼééhodoodǫǫłgo há néidiyoołnih, áko hoʼdidéeh doo.
