Nehemiah 10:1-39
10 Áko bízhiʼ yikʼideizohígíí éí Hakaláíyah biyeʼ Niihemáíyah, naatʼáani nilíinii áádóó Zedekáiyah,
2 Siiréíya, Azaráíyah, Jeremáíyah,
3 Pásher, Amaráíyah, Malkáíyah,
4 Hátash, Shebanáíyah, Málak,
5 Héírim, Mériimath, Obadáíyah,
6 Dániel, Gíniithan, Bérak,
7 Miishálam, Abáíjah, Míjamin,
8 Meiyazáíyah, Bilgéíyai, Shiimáíyah; íídą́ą́ʼ éí nááʼiiłniihii danilı̨́ı̨́ nítʼééʼ.
9 Áádóó Líívai dineʼé éí ałdóʼ: Azanáíyah biyeʼ Jéshuwa, Hénadad biyeʼ łaʼ Bínuwai wolyéii áádóó Kádmiyel
10 índa bikʼisóó danilínígíí łaʼ, Shebanáíyah, Hodáíjah, Kiiláíta, Piiláíyah, Héínan,
11 Máíka, Rííhab, Hashabáíyah,
12 Záker, Sheriibáíyah, Shebanáíyah,
13 Hodáíjah, Béínai, Benáínu.
14 Diné aláahgo bídahólníihii éí díí: Péírash, Péíhath-móʼab, Íílam, Zátu, Béínai,
15 Bánai, Ázgad, Bííbeiyai,
16 Adonáíjah, Bígveiyai, Éídin,
17 Éíter, Hizkáíjah, Ázer,
18 Hodáíjah, Héísham, Bíízeiyai,
19 Héírif, Ánathath, Nííbai,
20 Mágpiyash, Miishálam, Híízer,
21 Miishézabiil, Zéídak, Jeidúwa,
22 Pelatáíyah, Héínan, Anáíyah,
23 Hoshíya, Hananáíyah, Háshab,
24 Halóhesh, Píliiha, Shóbek,
25 Rííham, Hashábnah, Méíyasíyah,
26 Aháíjah, Héínan, Éínan,
27 Málak, Héírim índa Béíyanah.
28 Áádóó dineʼé łahjįʼígíí náádaʼiiłniihii, Líívai dineʼé danilíinii, dáádílkał yaa ádahalyáanii, sin yee dahataałii, Néthinim daolyéhígíí índa Diyin God bibee hazʼáanii biniyé kéyah naaznilgóó dadineʼé yitsʼą́ąjįʼ yitsʼáʼádadeesʼnilii bidaʼasdzą́ą́, dabiyeʼké, dabitsiʼké, bił éédahózinígíí áádóó akʼidadiʼyiitįįhígíí tʼáá ałtso
29 éí dabikʼisóó, naatʼáanii danilíinii yihidiikaígíí, hóóyéeʼgo há haʼdoodzihgo, doodaiiʼ ádee hadidoodzihgo Diyin God bibee hazʼáanii bikʼehgo dajíkááh éí Diyin God bá naalʼaʼí Mózes yeidiníʼáanii bikʼehgo áádóó Bóhólníihii, éí nihiBóhólníihii nilíinii, bibikʼeh óʼooʼníiłii tʼáá ałtso áádóó yee nihodiyiiʼaahii índa yee nihwiizʼáanii bídaʼjósin doo,
30 áádóó danihitsiʼké éí kéyahdóó diné danilíinii doo bił ahaa dahidiiʼnił da índa dabitsiʼké éí danihiyeʼké doo bił ahaa dahidiiʼnił da,
31 áádóó kéyahdóó dineʼé tʼáá haʼátʼíhída ádayiilaaígíí, doodaiiʼ chʼiyáanda naʼiiniʼ biniyé łaʼ hááʼáyı̨́ı̨́h jı̨́ı̨́ góneʼ, doodaiiʼ hodílzin jı̨́ náʼádleeh góneʼ yiníjaaʼgo doo łaʼ baa nidahidiilnih da, áádóó tʼáá tsostsʼid nináháhááh góneʼ doo kʼéédaʼdiilyéeh da doo índa ahąąh hadasiilʼáhígíí ahá yóóʼadahidiitʼaah doo, éí bee ádee hadazdeesdzííʼ.
32 Áádóó ałdóʼ bikʼeh hoogáałii ádá ádeiilyaa; éí tʼáá nináháhááh bikʼeh nihiDiyin God bikin siʼą́ągi oonishígíí bá shékel wolyéii ałnííʼ bichʼįʼdóó anídahiiʼnił doo,
33 áádóó bááh nááhániihii bá ałdóʼ, tʼáá ákwíí jı̨́ akʼáán nááhániihii bá, tʼáá ákwíí jı̨́ didlidgo nááhániihii bá, hááʼáyı̨́ı̨́h jı̨́ nídaʼadleehígíí bá, dah néitı̨́ı̨́h bá, hodílzingo áłah náʼádleeh nídeitʼaahígíí bá áádóó diyingo chodaoʼíinii bá, ádił niʼiidzííhjí náádahaniihii éí bee Ízrel dineʼé bá kʼééhodoodǫǫłii bá índa nihiDiyin God bikin siʼą́ągi oonishígíí tʼáá ałtso bá bikʼeh hoogáałii ádá ádeiilyaa.
34 Áko náádaʼiiłniihii áádóó Líívai dineʼé danilíinii índa diné tʼáá ałtso bitahgi yááʼiiltʼeʼ baa ninéiikah nítʼééʼ: éí bikʼehgo danihizhéʼé yę́ę badaʼáłchíní ahoolchíiłii ałkééʼ níjaaʼ bikʼehgo tʼáá nináháhááh bikʼeh nídeitʼaahígíí bikʼehgo chizh bee náádiʼyoonihii nihiDiyin God bikinjįʼ ninádayiijih doo, áko bee hazʼáanii biyiʼ bee akʼeʼashchínígíí bikʼehgo Bóhólníihii nihiDiyin God bibikááʼ nááʼiiniihí yikáaʼjįʼ deidiłid doo.
35 Áádóó alą́ąjįʼ nídantʼı̨́hígíí áádóó tsin dabineestʼąʼ alą́ąjįʼ nídantʼı̨́hígíí tʼáá ałtso tʼáá nináháhááh bikʼeh Bóhólníihii bikin biyiʼ yah anídahiijáah doogo bee hazʼáanii ádá ádeiilyaa.
36 Áádóó nihiyeʼké alą́ąjįʼ nihá nidahaazhchíinii, áádóó danihilı̨́ı̨́ʼ, éí nihibéégashii índa nihidibé dah danéelkaadii átsé nidayiishchíinii bee hazʼáanii biyiʼ bee bikʼeʼashchínígíí bikʼehgo nihiDiyin God bikin siʼą́ąjįʼ náádaʼiiłniihii nihiDiyin God bikin siʼą́ągi nidaalʼaʼígíí baa dahiiʼníił doogo bee hazʼáanii ádá ádeiilyaa.
37 Áádóó taosniiʼ átsé ádeiilʼínígíí áádóó nááhideeshnih daniidzinígíí áádóó tsin ałʼąą ádaatʼéii dabineestʼąʼ átsé nídantʼı̨́hígíí áádóó wáin ániidíii índa tsin áliv bineestʼąʼ bikʼah átsé haakánígíí éí nihiDiyin God bikin siʼánígíí biiʼ dahooghangi náádaʼiiłniihii baa dahiijáah doo; nihidádaʼakʼehdóó nidaniiltʼąʼii éí neeznáago ahádaashjaaʼgo tʼááłáʼí bidoojaaʼígíí Líívai dineʼé bichʼįʼ kódeiilʼı̨́į doo, háálá Líívai dineʼé éí kin naazhjaaʼdóó dádaʼakʼehgóó nidantʼąʼii tʼááłáʼí bidadeeshjaaʼgo nínádayiidlááh.
38 Líívai dineʼé éí neeznáago hadaashjaaʼii tʼááłáʼí bidoojaaʼígíí nídayiiláahgo Éran baʼáłchíní ahoolchíiłii łaʼ nááʼiiłniihii nilíinii yił hólǫ́ǫ doo, áádóó Líívai dineʼé éí nidahiditʼaahígíí éí neeznáago ahanáádaashjaaʼgo tʼááłáʼí bináádoojaaʼgo nihiDiyin God bikin biiʼ dahooghanígi yódí bá hooghanjįʼ yah adajiijáah doo.
39 Áko Ízrel dineʼé danilíinii índa Líívai dineʼé danilíinii tłʼoh naadą́ą́ʼ áádóó wáin ániidíii índa áliv tsin bineestʼąʼ bikʼah náádeidiyoołnihii dahooghango hazʼą́ąjįʼ nidayiijáah doo; ákwii hodiyin hazʼą́ągi beedí chodaoʼíinii sinil áádóó náádaʼiiłniihii áádóó dáádílkał yaa ádahalyáanii índa sin yee dahataałii nidaháaztą́. Nihí éí nihiDiyin God bikin tsʼídá doo yóóʼadadidiitʼáał da.
