Nehemiah 7:1-73
7 Ákódzaadóó tsé ahénáʼáhígíí ałtso ahééʼítłʼingo áádóó chʼídaʼiiztiingóó dáádílkał dah dasínilgo áádóó chʼéʼétiin yaa ádahalyánígíí áádóó dahataałígíí índa Líívai dineʼé nibideeʼnilgo
2 shikʼis Hanéínai áádóó siláo bighan yinanitʼaʼí Hananáíyah ałdóʼ Jerúsalem kin haalʼá yinantʼáago íishłaa, háálá Hananáíyah éí diné baʼahódlíii nilı̨́įgo diné ląʼí biláahgo Diyin God yidósin.
3 Áádóó ábidííniid, Jerúsalemgi bidáńʼdaditı̨́hígíí náhoniigahgo índa ąą ándaalʼįįh doo; nídídáhí tʼah tʼáá ákweʼé naazı̨́įgo dáńʼdadołkałgo bił dah nídaʼohtı̨́ı̨́h áádóó Jerúsalemgi kéédahatʼíinii bitahdóó haʼídéesʼı̨́ʼí nidahidoohnił: tʼááłáʼí jinítínígo haa dadeestʼą́ą́góó éí tʼááłáʼí jinítínígo hakin bíighahdóó hadaʼízdéesʼı̨́įʼ doo.
4 Ákohgo kin haalʼá nídoodleełgi ayóó áhoníłtéél áádóó tʼáá íiyisí hótsaa, nidi ákweʼé diné doo ląʼí hólǫ́ǫ da índa kin tʼáá díkwíhí yeeʼ naaznil.
Ninádahasnánígíí dabízhiʼ naaltsoos bikááʼ
5 Áádóó shiDiyin God shijéí tsíideeskéezgo aląąjįʼ naazíinii índa naatʼáanii danilíinii áádóó diné tʼáá ałkééʼ nidahoʼdiizhchínígíí bikʼehgo dahodiʼdóoltah biniyé ahąh áhodeeshłííł niizı̨́ı̨́ʼ. Áko nítʼééʼ áłtsé ninádahaasʼnánígíí tʼáá ałkééʼ nidahaazhchínígíí bikʼehgo bízhiʼ naaltsoos biiʼ ádaalyaa yę́ę nídiiʼą́ągo éí biyiʼ kótʼéego biiʼ bikʼedaʼashchı̨́.
6 Bábilan dineʼé aláahgo binanitʼaʼí Nébukadnézzar hasnáago náánáłaʼ kéyahgóó ahoniiskaadgo áadi yisnááh dajílı̨́įgo łaʼ áádę́ę́ʼ ninádadziiskaii áádóó Jerúsalem kin haalʼáajįʼ índa Júdah kéyahdi tʼááłáʼí jinítínígo hakin hadaasʼáhíjįʼ anídadziiskaígíí díí éí ádajitʼı̨́:
7 éí Jerábabel, Jéshuwa, Niihemáíyah, Azaráíyah, Reiyamáíyah, Neihaméínai, Mórdiikai, Bílshan, Míspiireth, Bígveiyai, Nííhum áádóó Béíyanah bił níjíʼná.
Ízrel dineʼé bitahdóó diné yééltaʼgo bił níjíʼnánígíí díí éí ádaatʼı̨́:
8 Péírash baʼáłchíní ahoolchíiłii éí naakidi mííldóó baʼaan tʼááłáhídi neeznádiindóó baʼaan tsostsʼidiindóó baʼaan naaki.
9 Shefatáíyah baʼáłchíní ahoolchíiłii táadi neeznádiindóó baʼaan tsostsʼidiindóó baʼaan naaki.
10 Éírah baʼáłchíní ahoolchíiłii hastą́ądi neeznádiindóó baʼaan ashdladiindóó baʼaan naaki.
11 Jéshuwa áádóó Jóʼab bitsʼą́ą́dóó ahoolchíiłii éí łaʼ Péíhath-móʼab baʼáłchíní ahoolchíiłii naakidi mííldóó baʼaan tseebíidi neeznádiindóó baʼaan tseebíítsʼáadah.
12 Íílam baʼáłchíní ahoolchíiłii tʼááłáhídi mííldóó baʼaan naakidi neeznádiindóó baʼaan dı̨́ı̨́ʼ.
13 Zátu baʼáłchíní ahoolchíiłii tseebíidi neeznádiindóó baʼaan dízdiindóó baʼaan ashdlaʼ.
14 Zákeiyai baʼáłchíní ahoolchíiłii tsostsʼidi neeznádiindóó baʼaan hastą́diin.
15 Bínuwai baʼáłchíní ahoolchíiłii hastą́ądi neeznádiindóó baʼaan dízdiindóó baʼaan tseebíí.
16 Bííbeiyai baʼáłchíní ahoolchíiłii hastą́ądi neeznádiindóó baʼaan naadiin tseebíí.
17 Ázgad baʼáłchíní ahoolchíiłii naakidi mííldóó baʼaan táadi neeznádiindóó baʼaan naadiin naaki.
18 Adonáíkam baʼáłchíní ahoolchíiłii hastą́ądi neeznádiindóó baʼaan hastą́diindóó baʼaan tsostsʼid.
19 Bígveiyai baʼáłchíní ahoolchíiłii naakidi mííldóó baʼaan hastą́diindóó baʼaan tsostsʼid.
20 Éídin baʼáłchíní ahoolchíiłii hastą́ądi neeznádiindóó baʼaan ashdladiindóó baʼaan ashdlaʼ.
21 Heziikáíyah bitsʼą́ą́dóó Éíter baʼáłchíní ahoolchíiłii náhástʼédiindóó baʼaan tseebíí.
22 Héísham baʼáłchíní ahoolchíiłii táadi neeznádiindóó baʼaan naadiin tseebíí.
23 Bíízeiyai baʼáłchíní ahoolchíiłii táadi neeznádiindóó baʼaan naadiin dı̨́ı̨́ʼ.
24 Héírif baʼáłchíní ahoolchíiłii tʼááłáhídi neeznádiindóó baʼaan naakitsʼáadah.
25 Gíbiyan baʼáłchíní ahoolchíiłii náhástédiindóó baʼaan ashdlaʼ.
26 Béthlehem kin shijaaʼdóó áádóó Niitófa kin shijaaʼdóó dineʼé tʼááłáhídi neeznádiindóó baʼaan tseebídiindóó baʼaan tseebíí.
27 Ánathath kin haalʼáádóó dineʼé tʼááłáhídi neeznádiindóó baʼaan naadiin tseebíí.
28 Beth-azméíveth kin shijaaʼdóó dineʼé dízdiindóó baʼaan naaki.
29 Kírjath-jíyarim, Kiifáírah índa Biyérath kin naazhjaaʼdóó dineʼé tsostsʼidi neeznádiindóó baʼaan dízdiindóó baʼaan tááʼ.
30 Réímah índa Géíba kin haalʼáádóó dineʼé hastą́ądi neeznádiindóó baʼaan naadiin łaʼ.
31 Míkmas kin shijaaʼdóó dineʼé tʼááłáhídi neeznádiindóó baʼaan naadiin naaki.
32 Béthel kin shijaaʼdóó índa Éíʼai kin haalʼáádóó dineʼé tʼááłáhídi neeznádiindóó baʼaan naadiin tááʼ.
33 Náánáłaʼ Nííbo kin shijaaʼdóó dineʼé éí ashdladiindóó baʼaan naaki.
34 Náánáłaʼ Íílam kéyahdóó dineʼé éí tʼááłáhídi mííldóó baʼaan naakidi neeznádiindóó baʼaan ashdladiindóó baʼaan dı̨́ı̨́ʼ.
35 Héírim baʼáłchíní ahoolchíiłii táadi neeznádiindóó baʼaan naadiin.
36 Jériko kin haalʼáádóó dineʼé táadi neeznádiindóó baʼaan dízdiindóó baʼaan ashdlaʼ.
37 Lad, Héídid índa Óno kin naazhjaaʼdóó dineʼé éí tsostsʼidi neeznádiindóó baʼaan naadiin łaʼ.
38 Siinéíyah baʼáłchíní ahoolchíiłii táadi mííldóó baʼaan náhástʼéidi neeznádiindóó baʼaan tádiin.
39 Nááʼiiłniihii łaʼ: Jéshuwa bitsʼą́ą́dóó oochíiłii Jedéíyah éí baʼáłchíní daʼahílchíihii náhástʼéidi neeznádiindóó baʼaan tsostsʼidiindóó baʼaan tááʼ.
40 Ímer baʼáłchíní ahoolchíiłii tʼááłáhídi mííldóó baʼaan ashdladiindóó baʼaan naaki.
41 Pásher baʼáłchíní ahoolchíiłii tʼááłáhídi mííldóó baʼaan naakidi neeznádiindóó baʼaan dízdiindóó baʼaan tsostsʼid.
42 Héírim baʼáłchíní ahoolchíiłii tʼááłáhídi mííldóó baʼaan tsostsʼidtsʼáadah.
43 Líívai dineʼé łaʼ: Jéshuwa áádóó Kádmiyel índa Hódavah baʼáłchíní daʼahílchíihii tsostsʼidiindóó baʼaan dı̨́ı̨́ʼ.
44 Dahataałii łaʼ: Éísaf baʼáłchíní ahoolchíiłii tʼááłáhídi neeznádiindóó baʼaan dízdiindóó baʼaan tseebíí.
45 Dáádílkał yaa ádahalyáanii łaʼ: Shálam baʼáłchíní ahoolchíiłii, Éíter baʼáłchíní ahoolchíiłii, Tálman baʼáłchíní ahoolchíiłii, Ákab baʼáłchíní ahoolchíiłii, Hatáíta baʼáłchíní ahoolchíiłii, Shóbai baʼáłchíní ahoolchíiłii tʼááłáhídi neeznádiindóó baʼaan tádiindóó baʼaan tseebíí.
46 Néthinim łaʼ: Záíha baʼáłchíní ahoolchíiłii, Hashúfa baʼáłchíní ahoolchíiłii, Tabéíyath baʼáłchíní ahoolchíiłii,
47 Kííras baʼáłchíní ahoolchíiłii, Sáíyah baʼáłchíní ahoolchíiłii, Péídan baʼáłchíní ahoolchíiłii,
48 Lébanah baʼáłchíní ahoolchíiłii, Héígabah baʼáłchíní ahoolchíiłii, Shálmai baʼáłchíní ahoolchíiłii,
49 Héínan baʼáłchíní ahoolchíiłii, Gídel baʼáłchíní ahoolchíiłii, Géíhar baʼáłchíní ahoolchíiłii,
50 Riyéíyah baʼáłchíní ahoolchíiłii, Ríízin baʼáłchíní ahoolchíiłii, Niikóda baʼáłchíní ahoolchíiłii,
51 Gázam baʼáłchíní ahoolchíiłii, Ázza baʼáłchíní ahoolchíiłii, Pasíyah baʼáłchíní ahoolchíiłii,
52 Bíísai baʼáłchíní ahoolchíiłii, Miyúnim baʼáłchíní ahoolchíiłii, Niifíshesim baʼáłchíní ahoolchíiłii,
53 Bákbak baʼáłchíní ahoolchíiłii, Hakúfa baʼáłchíní ahoolchíiłii, Hárhur baʼáłchíní ahoolchíiłii,
54 Bázlith baʼáłchíní ahoolchíiłii, Miiháída baʼáłchíní ahoolchíiłii, Hársha baʼáłchíní ahoolchíiłii,
55 Bárkas baʼáłchíní ahoolchíiłii, Sísera baʼáłchíní ahoolchíiłii, Téímah baʼáłchíní ahoolchíiłii,
56 Niizáíyah baʼáłchíní ahoolchíiłii, Hatáífa baʼáłchíní ahoolchíiłii.
57 Sálaman bá nidaalʼaʼí badaʼáłchíní daʼahílchíihii: Sótai baʼáłchíní ahoolchíiłii, Sófiireth baʼáłchíní ahoolchíiłii, Piiráída baʼáłchíní ahoolchíiłii,
58 Jéíyalah baʼáłchíní ahoolchíiłii, Dárkan baʼáłchíní ahoolchíiłii, Gídel baʼáłchíní ahoolchíiłii,
59 Shefatáíyah baʼáłchíní ahoolchíiłii, Hátil baʼáłchíní ahoolchíiłii, Pókiireth baʼáłchíní ahoolchíiłii, Ziibéíyam baʼáłchíní ahoolchíiłii, Éíman baʼáłchíní ahoolchíiłii.
60 Néthinim tʼáá ałtso áádóó Sálaman bá nidaalʼaʼí badaʼáłchíní daʼahílchíihii táadi neeznádiindóó baʼaan náhástʼédiindóó baʼaan naaki.
61 Tel-míílah, Tel-haríísha, Kíírab, Ádan índa Ímer kin hadaasʼáádóó díí ninádahaasná, nidi dabizhéʼé yę́ę dabikʼéí áádóó baʼáłchíní daʼahílchíihii éí Ízrel dineʼé daatsʼí danilı̨́įgo éí naaltsoos bee hwéédahózinígíí hwee ádaadin.
62 Diiléíyah baʼáłchíní ahoolchíiłii, Tobáíyah baʼáłchíní ahoolchíiłii índa Niikóda baʼáłchíní ahoolchíiłii hastą́ądi neeznádiindóó baʼaan dízdiindóó baʼaan naaki.
63 Áádóó náádaʼiiłniihii bitsʼą́ą́dóó łaʼ: Habéíyah baʼáłchíní ahoolchíiłii, Kaz baʼáłchíní ahoolchíiłii, Barziléíyai baʼáłchíní ahoolchíiłii; éí hastiin náánáłaʼ Gíliyad dineʼé Barziléíyai wolyéii bitsiʼ łaʼ hweʼasdzą́ą́ silı̨́įʼgo éí bízhiʼígíí házhiʼ silı̨́ı̨́ʼ.
64 Díí diné éí náánáłaʼ ałkééʼ nidahazhchínígíí bikʼehgo naaltsoos biyiʼ bízhiʼ ádaalyaaígíí bitah házhiʼ chʼééh hadazneeztą́ą́ʼ, nidi haaʼída doo bikʼiisdzoh da; éí bąą doo dazhdiyingóó haa nitsídahakeesgo nááʼiiłniihii doo dazhdooleełgóó nahjįʼ hahoʼdooʼnil.
65 Áko naatʼáanii* áhodííniid, Nááʼiiłniihii łaʼ Yúrim áádóó Thámmim yił deizįʼgo índa agháago dadiyinii dadoohsı̨́ı̨́ł.
66 Diné tʼáá yílʼáá nítʼééʼ éí dízdiindóó baʼaan naakidi mííldóó baʼaan táadi neeznádiindóó baʼaan hastą́diin ánéelą́ą́ʼ,
67 éí bighą́ąhjįʼ diné bá nidaalʼaʼígíí áádóó asdzání bá nidaalʼaʼígíí éí tsostsʼidi mííldóó baʼaan táadi neeznádiindóó baʼaan tádiindóó baʼaan tsostsʼid ánéelą́ą́ʼ, áádóó nááʼákóneʼ diné dahataałígíí índa asdzání dahataałígíí naakidi neeznádiindóó baʼaan dízdiindóó baʼaan ashdlaʼ ánéelą́ą́ʼ.
68 Dahalı̨́ı̨́ʼ éí tsostsʼidi neeznádiindóó baʼaan tádiindóó baʼaan hastą́ą́h, dahadzaanééz éí naakidi neeznádiindóó baʼaan dízdiindóó baʼaan ashdlaʼ,
69 dahaghą́ą́ʼaskʼidii éí dı̨́įdi neeznádiindóó baʼaan tádiindóó baʼaan ashdlaʼ, dahatélii éí hastą́ądi mííldóó baʼaan tsostsʼidi neeznádiindóó baʼaan naadiin ánéelą́ą́ʼ.
70 Łaʼ hatahgóó azhéʼé aláahgo bídahólníihii naanish yá béeso adayiiznil. Naatʼáanii éí óola tʼááłáhídi mííl dah hidiidlohgo, óola łeetsʼaaʼ ashdladiingo índa nááʼiiłniihii dabiʼééʼ ashdladi neeznádiindóó baʼaan tádiin ayíínil.
71 Nááná łaʼ azhéʼé aláahgo bídahólníihii éí óola naakidi neeznádiindóó baʼaan tsostsʼidiindóó baʼaan tááʼ dah hidiidlohgo índa béésh łigaii táadi mííldóó baʼaan naakidi neeznádiindóó baʼaan ashdlaʼáadah dah hidiidlohgo naanish biniyé adayiiznil.
72 Łahjįʼ dinéhígíí óola éí naakidi neeznádiindóó baʼaan tsostsʼidiindóó baʼaan tááʼ dah hidiidlohgo áádóó béésh łigaii éí naakidi mííldóó baʼaan náhástʼéidi neeznádiindóó baʼaan naadiin tááʼ dah hidiidlohgo índa nááʼiiłniihii dabiʼééʼ éí tsostsʼidiin adayiiznil.
73 Áko náádaʼiiłniihii índa Líívai dineʼé áádóó dáádílkał yaa ádahalyáanii índa diné dahataałii áádóó dineʼé łaʼ índa Néthinim dineʼé éí Ízrel dineʼé tʼáá ałtso hakin hadaasʼáágóó kéédahojitʼı̨́.
Ézra éí diné bichʼįʼ bee hazʼáanii yiyííłtaʼ
Tsostsʼid nídízííd baa hoolzhiizhgo Ízrel dineʼé éí bikin hadaasʼáagi kéédahatʼı̨́ı̨́ nítʼééʼ.
Footnotes
^ Naatʼáanii jiníigo éí Pérzha dineʼé bizaad kʼehjígo Tershéítha jiníigo óolyé.
