Numbers 7:1-89
7 Mózes éí níbaal biiʼ hodílzinii ałtso niiníʼą́ bijı̨́ı̨́dą́ą́ʼ akʼah yikʼi yayiiziidgo yiyíísı̨́ı̨́ʼ áádóó dílzingo niidiníʼą́, bee bindaʼanishígíí tʼáá ałtso tʼáá bił áádóó bikááʼ nááʼiiniihí índa łeetsʼaaʼ chodaoʼíinii tʼáá ałtso akʼah yikʼi yadayiiziidgo yiyíísı̨́ı̨́ʼ áádóó dílzingo niidiníʼą́.
2 Áko éí Ízrel dineʼé naatʼáanii danilíinii, dabizhéʼé badaʼáłchíní daʼahílchíihii, Ízrel dineʼé yá aląąjįʼ naazíinii éí dabiʼdééltaʼígíí yee bídahólníihii náádaʼiisniiʼ.
3 Áko Bóhólníihii yichʼįʼ náádeidiyoołnihígíí nidayiizhʼeezh: tsinaabąąs bikʼi dah naʼazbaalígíí hastą́ągo áádóó béégashii naakitsʼáadahgo, naatʼáanii naakigo tsinaabąąs tʼááłáʼí bikʼeh nízı̨́ áádóó béégashii ałdóʼ tʼááłáʼí bikʼeh nítı̨́įgo éí níbaal biiʼ hodílzinii bidáahgi nidayiizhʼeezh.
4 Áádóó Bóhólníihii éí Mózes yichʼįʼ haadzíiʼgo ání,
5 Nidayiizhʼeezhígíí nídiiníiłgo éí níbaal biiʼ dahozdísingi chodaoʼı̨́į doo; Líívai dineʼé tʼááłáʼí nízínígo bindaanishígíí bikʼehgo baa hidíínił.
6 Áko Mózes éí tsinaabąąs áádóó béégashii nidayiizhʼeezhígíí Líívai dineʼé yeinínil.
7 Tsinaabąąs naakigo índa béégashii dı̨́įʼgo díí Gérshan dineʼé bindaanishígíí bikʼehgo yeinínil,
8 áádóó tsinaabąąs dı̨́įʼgo índa béégashii tseebíigo díí Miirárai dineʼé bindaanishígíí bikʼehgo yeinínil; éí Éran nááʼiiłniihii nilíinii biyeʼ Íthamar yee bóhólnííh.
9 Nidi Kóhath dineʼé éí tʼáadoo łaʼ yeinínil da, háálá éí níbaal biiʼ hodílzinii góneʼ dadílzinii chodaoʼínígíí baa ádahojilyą́ągo hawos bee nidajijaahgo haa dadeestʼą́.
10 Áádóó bikááʼ nááʼiiniihí akʼah bikʼi yaadziidgo bee yilzı̨́ı̨́ʼ bijı̨́ı̨́dą́ą́ʼ naatʼáanii danilíinii éí bikááʼ nááʼiiniihí bidáahgi náádeidiyoołnihígíí nidayiizhjaaʼ.
11 Áko Bóhólníihii éí Mózes ííłní, Náádazhdiʼyoołnihgo náádahizhdoołnihígíí naatʼáanii tʼááłáʼí jinítínígo tʼáá bee há dahooʼaʼ bijı̨́ı̨́ góneʼ bikááʼ nááʼiiniihí diyingo nidajíʼaah dooleeł biniyé náádazhdiʼyoołnih.
12 Łaʼa jı̨́ aleeh góneʼ Júdah dineʼé nilíinii Amínadab biyeʼ Náshan néidiyoołnihígíí nááyiisniiʼ:
13 díí nááyiisniiʼígíí éí béésh łigaii łeetsʼaatʼą́hí tʼááłáʼígo éí shékel wolyéii tʼááłáhídi neeznádiindóó baʼaan tádiin dah hidiidloh bíighahgo áádóó béésh łigaii łeetsʼaaʼ nímazí tʼááłáʼígo éí níbaal biiʼ hodílzingi shékel chooʼíinii tsostsʼidiin dah hidiidloh bíighahgo, díí tʼáá áłah biiʼ akʼáán hadeezbingo akʼah bił ałtahgo éí akʼáán nááhániihii átʼéego nááyiisniiʼ;
14 óola łeetsʼaaʼ nímazí tʼááłáʼígo shékel wolyéii neeznáá dah hidiidloh bíighahgo éí biiʼ tsin bijeeh dilidgo łikání halchinii hadeezbingo,
15 dóola yázhí tʼááłáʼígo, deenástsʼaaʼ tʼááłáʼígo, dibé yázhí bikąʼii łaʼ binááhaaí tʼááłáʼígo, didlidgo náádahidoonihii ádaatʼé;
16 tłʼízíchǫǫh tʼááłáʼígo éí ádił oodzííʼjí nááhidoonihii átʼé,
17 áádóó náádahidoonihii hózhǫ́ǫ́jí nááhániihii ádaatʼéego éí béégashii naakigo, deenástsʼaaʼ ashdlaʼgo, tłʼízíchǫǫh ashdlaʼgo, dibé yázhí bikąʼii łaʼ béédááhaii ashdlaʼgo, díí éí Amínadab biyeʼ Náshan nááyiisniiʼ.
18 Naaki jı̨́ aleeh góneʼ Ísakar dineʼé naatʼáanii nilíinii Zúʼer biyeʼ Niithániyel nááʼiisniiʼ:
19 díí nááyiisniiʼígíí éí béésh łigaii łeetsʼaatʼą́hí tʼááłáʼígo éí shékel wolyéii tʼááłáhídi neeznádiindóó baʼaan tádiin dah hidiidloh bíighahgo áádóó béésh łigaii łeetsʼaaʼ nímazí tʼááłáʼígo éí níbaal biiʼ hodílzingi shékel chooʼíinii tsostsʼidiin dah hidiidloh bíighahgo, díí tʼáá áłah biiʼ akʼáán hadeezbingo akʼah bił ałtahgo éí akʼáán nááhániihii átʼéego nááyiisniiʼ;
20 óola łeetsʼaaʼ nímazí tʼááłáʼígo shékel wolyéii neeznáá dah hidiidloh bíighahgo éí biiʼ tsin bijeeh dilidgo łikání halchinii hadeezbingo,
21 dóola yázhí tʼááłáʼígo, deenástsʼaaʼ tʼááłáʼígo, dibé yázhí bikąʼii łaʼ binááhaaí tʼááłáʼígo didlidgo náádahidoonihii ádaatʼé;
22 tłʼízíchǫǫh tʼááłáʼígo éí ádił oodzííʼjí nááhidoonihii átʼé,
23 áádóó náádahidoonihii hózhǫ́ǫ́jí nááhániihii ádaatʼéego éí béégashii naakigo, deenástsʼaaʼ ashdlaʼgo, tłʼízíchǫǫh ashdlaʼgo, dibé yázhí bikąʼii łaʼ béédááhaii ashdlaʼgo, díí éí Zúʼer biyeʼ Niithániyel nááyiisniiʼ.
24 Tágí jı̨́ aleeh góneʼ Zébyulan dineʼé naatʼáanii nilíinii Híílan biyeʼ Iiláíyab nááʼiisniiʼ:
25 díí nááyiisniiʼígíí éí béésh łigaii łeetsʼaatʼą́hí tʼááłáʼígo éí shékel wolyéii tʼááłáhídi neeznádiindóó baʼaan tádiin dah hidiidloh bíighahgo áádóó béésh łigaii łeetsʼaaʼ nímazí tʼááłáʼígo éí níbaal biiʼ hodílzingi shékel chooʼíinii tsostsʼidiin dah hidiidloh bíighahgo, díí tʼáá áłah biiʼ akʼáán hadeezbingo akʼah bił ałtahgo éí akʼáán nááhániihii átʼéego nááyiisniiʼ;
26 óola łeetsʼaaʼ nímazí tʼááłáʼígo shékel wolyéii neeznáá dah hidiidloh bíighahgo éí biiʼ tsin bijeeh dilidgo łikání halchinii hadeezbingo,
27 dóola yázhí tʼááłáʼígo, deenástsʼaaʼ tʼááłáʼígo, dibé yázhí bikąʼii łaʼ binááhaaí tʼááłáʼígo, didlidgo nááhidoonihii ádaatʼé;
28 tłʼízíchǫǫh tʼááłáʼígo éí ádił oodzííʼjí nááhidoonihii átʼé,
29 áádóó náádahidoonihii hózhǫ́ǫ́jí nááhániihii ádaatʼéego éí béégashii naakigo, deenástsʼaaʼ ashdlaʼgo, tłʼízíchǫǫh ashdlaʼgo, dibé yázhí bikąʼii łaʼ béédááhaii ashdlaʼgo, díí éí Híílan biyeʼ Iiláíyab nááyiisniiʼ.
30 Dı̨́ʼí jı̨́ aleeh góneʼ Rúben dineʼé naatʼáanii nilíinii Shédiyer biyeʼ Iiláízer nááʼiisniiʼ:
31 díí nááyiisniiʼígíí éí béésh łigaii łeetsʼaatʼą́hí tʼááłáʼígo éí shékel wolyéii tʼááłáhídi neeznádiindóó baʼaan tádiin dah hidiidloh bíighahgo áádóó béésh łigaii łeetsʼaaʼ nímazí tʼááłáʼígo éí níbaal biiʼ hodílzingi shékel chooʼíinii tsostsʼidiin dah hidiidloh bíighahgo, díí tʼáá áłah biiʼ akʼáán hadeezbingo akʼah bił ałtahgo éí akʼáán nááhániihii átʼéego nááyiisniiʼ;
32 óola łeetsʼaa nímazí tʼááłáʼígo shékel wolyéii neeznáá dah hidiidloh bíighahgo éí biiʼ tsin bijeeh dilidgo łikání halchinii hadeezbingo,
33 dóola yázhí tʼááłáʼígo, deenástsʼaaʼ tʼááłáʼígo, dibé yázhí bikąʼii łaʼ binááhaaí tʼááłáʼígo, didlidgo nááhidoonihii ádaatʼé;
34 tłʼízíchǫǫh tʼááłáʼígo éí ádił oodzííʼjí nááhidoonihii átʼé,
35 áádóó náádahidoonihii hózhǫ́ǫ́jí nááhániihii ádaatʼéego éí béégashii naakigo, deenástsʼaaʼ ashdlaʼgo, tłʼízíchǫǫh ashdlaʼgo, dibé yázhí bikąʼii łaʼ béédááhaii ashdlaʼgo, díí éí Shédiyer biyeʼ Iiláízer nááyiisniiʼ.
36 Ashdlaʼa jı̨́ aleeh góneʼ Símiyan dineʼé naatʼáanii nilíinii Zúrishádai biyeʼ Shiilúmiyel nááʼiisniiʼ:
37 díí nááyiisniiʼígíí éí béésh łigaii łeetsʼaatʼą́hí tʼááłáʼígo éí shékel wolyéii tʼááłáhídi neeznádiindóó baʼaan tádiin dah hidiidloh bíighahgo áádóó béésh łigaii łeetsʼaaʼ nímazí tʼááłáʼígo éí níbaal biiʼ hodílzingi shékel chooʼíinii tsostsʼidiin dah hidiidloh bíighahgo, díí tʼáá áłah biiʼ akʼáán hadeezbingo akʼah bił ałtahgo éí akʼáán nááhániihii átʼéego nááyiisniiʼ;
38 óola łeetsʼaaʼ nímazí tʼááłáʼígo shékel wolyéii neeznáá dah hidiidloh bíighahgo éí biiʼ tsin bijeeh dilidgo łikání halchinii hadeezbingo,
39 dóola yázhí tʼááłáʼígo, deenástsʼaaʼ tʼááłáʼígo, dibé yázhí bikąʼii łaʼ binááhaaí tʼááłáʼígo didlidgo náádahidoonihii ádaatʼé;
40 tłʼízíchǫǫh tʼááłáʼígo éí ádił oodzííʼjí nááhidoonihii átʼé,
41 áádóó náádahidoonihii hózhǫ́ǫ́jí nááhániihii ádaatʼéego éí béégashii naakigo, deenástsʼaaʼ ashdlaʼgo, tłʼízíchǫǫh ashdlaʼgo, dibé yázhí bikąʼii łaʼ béédááhaii ashdlaʼgo, díí éí Zúrishádai biyeʼ Shiilúmiyel nááyiisniiʼ.
42 Hastą́ą́h jı̨́ aleeh góneʼ éí Géed dineʼé naatʼáanii nilíinii Dúwel biyeʼ Iiláíyasaf nááʼiisniiʼ:
43 díí nááyiisniiʼígíí éí béésh łigaii łeetsʼaatʼą́hí tʼááłáʼígo éí shékel wolyéii tʼááłáhídi neeznádiindóó baʼaan tádiin dah hidiidloh bíighahgo áádóó béésh łigaii łeetsʼaaʼ nímazí tʼááłáʼígo éí níbaal biiʼ hodílzingi shékel chooʼíinii tsostsʼidiin dah hidiidloh bíighahgo, díí tʼáá áłah biiʼ akʼáán hadeezbingo akʼah bił ałtahgo éí akʼáán nááhániihii átʼéego nááyiisniiʼ;
44 óola łeetsʼaaʼ nímazí tʼááłáʼígo shékel wolyéii neeznáá dah hidiidloh bíighahgo éí biiʼ tsin bijeeh dilidgo łikání halchinii hadeezbingo,
45 dóola yázhí tʼááłáʼígo, deenástsʼaaʼ tʼááłáʼígo, dibé yázhí bikąʼii łaʼ binááhaaí tʼááłáʼígo éí didlidgo náádahidoonihii ádaatʼé;
46 tłʼízíchǫǫh tʼááłáʼígo éí ádił oodzííʼjí nááhidoonihii átʼé,
47 áádóó náádahidoonihii hózhǫ́ǫ́jí nááhániihii ádaatʼéego éí béégashii naakigo, deenástsʼaaʼ ashdlaʼgo, tłʼízíchǫǫh ashdlaʼgo, dibé yázhí bikąʼii łaʼ béédááhaii ashdlaʼgo, díí éí Dúwel biye; Iiláíyasaf nááyiisniiʼ.
48 Tsostsʼid jı̨́ aleeh góneʼ Íífreiyim dineʼé naatʼáanii nilíinii Amáíhad biyeʼ Iilíshama nááʼiisniiʼ:
49 díí nááyiisniiʼígíí éí béésh łigaii łeetsʼaatʼą́hí tʼááłáʼígo éí shékel wolyéii tʼááłáhídi neeznádiindóó baʼaan tádiin dah hidiidloh bíighahgo áádóó béésh łigaii łeetsʼaaʼ nímazí tʼááłáʼígo éí níbaal biiʼ hodílzingi shékel chooʼíinii tsostsʼidiin dah hidiidloh bíighahgo, díí tʼáá áłah biiʼ akʼáán hadeezbingo akʼah bił ałtahgo éí akʼáán nááhániihii átʼéego nááyiisniiʼ,
50 óola łeetsʼaaʼ nímazí tʼááłáʼígo shékel wolyéii neeznáá dah hidiidloh bíighahgo éí biiʼ tsin bijeeh dilidgo łikání halchinii hadeezbingo,
51 dóola yázhí tʼááłáʼígo, deenástsʼaaʼ tʼááłáʼígo, dibé yázhí bikąʼii łaʼ binááhaaí tʼááłáʼígo, didlidgo náádahidoonihii ádaatʼé;
52 tłʼízíchǫǫh tʼááłáʼígo éí ádił oodzííʼjí nááhidoonihii átʼé,
53 áádóó náádahidoonihii hózhǫ́ǫ́jí nááhániihii ádaatʼéego éí béégashii naakigo, deenástsʼaaʼ ashdlaʼgo, tłʼízíchǫǫh ashdlaʼgo, dibé yázhí bikąʼii łaʼ béédááhaii ashdlaʼgo, díí éí Amáíhad biyeʼ Iilíshama nááyiisniiʼ.
54 Tseebíí jı̨́ aleeh góneʼ Manáseh dineʼé naatʼáanii nilíinii Piidázer biyeʼ Gaméíliyel nááʼiisniiʼ:
55 díí nááyiisniiʼígíí éí béésh łigaii łeetsʼaatʼą́hí tʼááłáʼígo éí shékel wolyéii tʼááłáhídi neeznádiindóó baʼaan tádiin dah hidiidloh bíighahgo áádóó béésh łigaii łeetsʼaaʼ nímazí tʼááłáʼígo éí níbaal biiʼ hodílzingi shékel chooʼíinii tsostsʼidiin dah hidiidloh bíighahgo, díí tʼáá áłah biiʼ akʼáán hadeezbingo akʼah bił ałtahgo éí akʼáán nááhániihii átʼéego nááyiisniiʼ,
56 óola łeetsʼaaʼ nímazí tʼááłáʼígo shékel wolyéii neeznáá dah hidiidloh bíighahgo éí biiʼ tsin bijeeh dilidgo łikání halchinii hadeezbingo,
57 dóola yázhí tʼááłáʼígo, deenástsʼaaʼ tʼááłáʼígo, dibé yázhí bikąʼii łaʼ binááhaaí tʼááłáʼígo, didlidgo náádahidoonihii ádaatʼé;
58 tłʼízíchǫǫh tʼááłáʼígo éí ádił oodzííʼjí nááhidoonihii átʼé,
59 áádóó náádahidoonihii hózhǫ́ǫ́jí nááhániihii ádaatʼéego éí béégashii naakigo, deenástsʼaaʼ ashdlaʼgo, tłʼízíchǫǫh ashdlaʼgo, dibé yázhí bikąʼii łaʼ béédááhaii ashdlaʼgo, díí éí Piidázer biyeʼ Gaméíliyel nááyiisniiʼ.
60 Náhástʼéí jı̨́ aleeh góneʼ Bénjamin dineʼé naatʼáanii nilíinii Gídiyónai biyeʼ Abáídan nááʼiisniiʼ:
61 díí nááyiisniiʼígíí éí béésh łigaii łeetsʼaatʼą́hí tʼááłáʼígo éí shékel wolyéii tʼááłáhídi neeznádiindóó baʼaan tádiin dah hidiidloh bíighahgo áádóó béésh łigaii łeetsʼaaʼ nímazí tʼááłáʼígo éí níbaal biiʼ hodílzingi shékel chooʼíinii tsostsʼidiin dah hidiidloh bíighahgo, díí tʼáá áłah biiʼ akʼáán hadeezbingo akʼah bił ałtahgo éí akʼáán nááhániihii átʼéego nááyiisniiʼ,
62 óola łeetsʼaaʼ nímazí tʼááłáʼígo shékel wolyéii neeznáá dah hidiidloh bíighahgo éí biiʼ tsin bijeeh dilidgo łikání halchinii hadeezbingo,
63 dóola yázhí tʼááłáʼígo, deenástsʼaaʼ tʼááłáʼígo, dibé yázhí bikąʼii łaʼ binááhaaí tʼááłáʼígo, didlidgo náádahidoonihii ádaatʼé;
64 tłʼízíchǫǫh tʼááłáʼígo éí ádił oodzííʼjí nááhidoonihii átʼé,
65 áádóó náádahidoonihii hózhǫ́ǫ́jí nááhániihii ádaatʼéego éí béégashii naakigo, deenástsʼaaʼ ashdlaʼgo, tłʼízíchǫǫh ashdlaʼgo, dibé yázhí bikąʼii łaʼ béédááhaii ashdlaʼgo, díí éí Gídiyónai biyeʼ Abáídan nááyiisniiʼ.
66 Neeznáá jı̨́ aleeh góneʼ Dan dineʼé naatʼáanii nilíinii Amishádai biyeʼ Eihaiyíízer nááʼiisniiʼ:
67 díí nááyiisniiʼígíí éí béésh łigaii łeetsʼaatʼą́hí tʼááłáʼígo éí shékel wolyéii tʼááłáhídi neeznádiindóó baʼaan tádiin dah hidiidloh bíighahgo áádóó béésh łigaii łeetsʼaaʼ nímazí tʼááłáʼígo éí níbaal biiʼ hodílzingi shékel chooʼíinii tsostsʼidiin dah hidiidloh bíighahgo, díí tʼáá áłah biiʼ akʼáán hadeezbingo akʼah bił ałtahgo éí akʼáán nááhániihii átʼéego nááyiisniiʼ,
68 óola łeetsʼaaʼ nímazí tʼááłáʼígo shékel wolyéii neeznáá dah hidiidloh bíighahgo éí biiʼ tsin bijeeh dilidgo łikání halchinii hadeezbingo,
69 dóola yázhí tʼááłáʼígo, deenástsʼaaʼ tʼááłáʼígo, dibé yázhí bikąʼii łaʼ binááhaaí tʼááłáʼígo, didlidgo náádahidoonihii ádaatʼé;
70 tłʼízíchǫǫh tʼááłáʼígo éí ádił oodzííʼjí nááhidoonihii átʼé,
71 áádóó náádahidoonihii hózhǫ́ǫ́jí nááhániihii ádaatʼéego éí béégashii naakigo, deenástsʼaaʼ ashdlaʼgo, tłʼízíchǫǫh ashdlaʼgo, dibé yázhí bikąʼii łaʼ béédááhaii ashdlaʼgo, díí éí Amishádai biyeʼ Eihaiyíízer nááyiisniiʼ.
72 Łaʼtsʼáadah jı̨́ aleeh góneʼ Ásher dineʼé naatʼáanii nilíinii Ákran biyeʼ Péígiyel nááʼiisniiʼ:
73 díí nááyiisniiʼígíí éí béésh łigaii łeetsʼaatʼą́hí tʼááłáʼígo éí shékel wolyéii tʼááłáhídi neeznádiindóó baʼaan tádiin dah hidiidloh bíighahgo áádóó béésh łigaii łeetsʼaaʼ nímazí tʼááłáʼígo éí níbaal biiʼ hodílzingi shékel chooʼíinii tsostsʼidiin dah hidiidloh bíighahgo, díí tʼáá áłah biiʼ akʼáán hadeezbingo akʼah bił ałtahgo éí akʼáán nááhániihii átʼéego nááyiisniiʼ,
74 óola łeetsʼaaʼ nímazí tʼááłáʼígo shékel wolyéii neeznáá dah hidiidloh bíighahgo éí biiʼ tsin bijeeh dilidgo łikání halchinii hadeezbingo,
75 dóola yázhí tʼááłáʼígo, deenástsʼaaʼ tʼááłáʼígo, dibé yázhí bikąʼii łaʼ binááhaaí tʼááłáʼígo, didlidgo náádahidoonihii ádaatʼé;
76 tłʼízíchǫǫh tʼááłáʼígo éí ádił oodzííʼjí nááhidoonihii átʼé,
77 áádóó náádahidoonihii hózhǫ́ǫ́jí nááhániihii ádaatʼéego éí béégashii naakigo, deenástsʼaaʼ ashdlaʼgo, tłʼízíchǫǫh ashdlaʼgo, dibé yázhí bikąʼii łaʼ béédááhaii ashdlaʼgo, díí éí Ákran biyeʼ Péígiyel nááyiisniiʼ.
78 Naakitsʼáadah jı̨́ aleeh góneʼ Náftalai dineʼé naatʼáanii nilíinii Íínan biyeʼ Aháíra nááʼiisniiʼ:
79 díí nááyiisniiʼígíí éí béésh łigaii łeetsʼaatʼą́hí tʼááłáʼígo éí shékel wolyéii tʼááłáhídi neeznádiindóó baʼaan tádiin dah hidiidloh bíighahgo áádóó béésh łigaii łeetsʼaaʼ nímazí tʼááłáʼígo éí níbaal biiʼ hodílzingi shékel chooʼíinii tsostsʼidiin dah hidiidloh bíighahgo, díí tʼáá áłah biiʼ akʼáán hadeezbingo akʼah bił ałtahgo éí akʼáán nááhániihii átʼéego nááyiisniiʼ;
80 óola łeetsʼaaʼ nímazí tʼááłáʼígo shékel wolyéii neeznáá dah hidiidloh bíighahgo éí biiʼ tsin bijeeh dilidgo łikání halchinii hadeezbingo,
81 dóola yázhí tʼááłáʼígo, deenástsʼaaʼ tʼááłáʼígo, dibé yázhí bikąʼii łaʼ binááhaaí tʼááłáʼígo, didlidgo náádahidoonihii ádaatʼé;
82 tłʼízíchǫǫh tʼááłáʼígo éí ádił oodzííʼjí nááhidoonihii átʼé,
83 áádóó náádahidoonihii hózhǫ́ǫ́jí nááhániihii ádaatʼéego éí béégashii naakigo, deenástsʼaaʼ ashdlaʼgo, tłʼízíchǫǫh ashdlaʼgo, dibé yázhí bikąʼii łaʼ béédááhaii ashdlaʼgo, díí éí Íínan biyeʼ Aháíra nááyiisniiʼ.
84 Díí kótʼéego bikááʼ nááʼiiniihí akʼah yikʼi yayiiziidgo yilzı̨́ı̨́ʼ bijı̨́ı̨́dą́ą́ʼ Ízrel dineʼé naatʼáanii danilíinii náádayiisniiʼígíí éí béésh łigaii łeetsʼaatʼą́hí naakitsʼáadahgo, áádóó béésh łigaii łeetsʼaaʼ nímazí naakitsʼáadahgo, índa óola łeetsʼaaʼ nímazí naakitsʼáadahgo náádayiisniiʼ;
85 béésh łigaii łeetsʼaatʼą́hí tʼááłáʼí níʼánígo éí shékel wolyéii tʼááłáhídi neeznádiindóó baʼaan tádiin dah hidiidloh, índa łeetsʼaaʼ nímazí tʼááłáʼí níʼánígo éí shékel wolyéii tsostsʼidiin dah hidiidloh; béésh łigaii łeetsʼaaʼ tʼáá átʼé ahídawóltąʼgo éí níbaal biiʼ hodílzingi shékel chooʼíinii naakidi mííldóó baʼaan dı̨́įdi neeznádiin dah hidiidloh.
86 Óola łeetsʼaaʼ nímazí naakitsʼáadahgo éí biiʼ tsin bijeeh dilidgo łikání halchinii hadadeezbingo łáʼí níʼánígo níbaal biiʼ hodílzingi shékel chooʼíinii neeznáá dah hidiidloh; éí óola łeetsʼaaʼ nímazí tʼáá átʼé ahídawóltąʼgo éí shékel wolyéii tʼááłáhídi neeznádiindóó baʼaan naadiin dah hidiidloh.
87 Didlidgo náádahidoonihii éí alı̨́ı̨́ʼ tʼáá átʼé éí dóola yázhí naakitsʼáadahgo, deenástsʼaaʼ naakitsʼáadahgo, dibé yázhí bikąʼii łaʼ béédááhaii naakitsʼáadahgo éí akʼáán nááhániihii bił náádahaazʼniiʼ áádóó tłʼízíchǫǫh naakitsʼáadahgo ádił oodzííʼjí náádahaazʼniiʼ.
88 Áádóó náádahidoonihii éí hózhǫ́ǫ́jí náádahaazʼniiʼii tʼáá átʼégo dóola yázhí naadiin dı̨́ı̨́ʼ, deenástsʼaaʼ hastą́diin, tłʼízíchǫǫh hastą́diin, dibé yázhí bikąʼii łaʼ béédááhaii hastą́diin. Kótʼéego bikááʼ nááʼiiniihí akʼah yikʼi yayiiziidgo nideetʼą́ą́dą́ą́ʼ díí náádahaazʼniiʼ.
89 Áádóó Mózes éí Bóhólníihii bichʼįʼ hazdoodzih biniyé níbaal biiʼ dahozdísinii góneʼ yah ajííyáago tsitsʼaaʼ dílzinii éí neeznáago bikʼeh óʼooʼníiłii bee bééhániihii biiʼ sinilii bikáaʼgi diyingo naalʼaʼí chérabim wolyéii naakigo bitaʼgi aa aʼááh hasingo hazʼánídóó hachʼįʼ haʼoodzíiʼgo dzidiiztsʼą́ą́ʼ.
