Psalm 123:1-4
Aa aʼááh hasin biniyé sohodizin
123 Yádiłhił biyiʼdi kééhótʼíinii dego nichʼįʼ ííghal!
2 Jó, nidaalʼaʼí bindanitʼaʼí dabílaʼ yee nidaałchidgo deiníłʼínígi átʼéego, índa asdzání naalʼaʼí yá naalʼaʼígíí bílaʼ yee naałchidgo yiníłʼínígi átʼéego, Bóhólníihii nihiDiyin God nihaa jiidoobaałjįʼ bichʼįʼ dadéetʼı̨́ı̨́ʼ.
3 Nihaa jiiníbaah, Bóhólníihii nihaa jiiníbaah, háálá á nahatʼiʼ tʼáá íiyisí nihide ádzaa.
4 Diné ádaa dahaʼniihgo doo hodítééhgóó nidaakaii nihaa daadloh, áádóó danihiʼı̨́įgo éí íiyisí agháago biniinaa nihiiʼ naazíinii bide ádahoodzaa.
